* District Council nuai a School te ading Free Text-Book kihawm panta.
* National Mission on Micro Irrigation tawh kisai in 2 days Training Programme kipan.
* Joint Forest Development Committee Member te'n Training nei.
* District Officer Horticulture and Soil Conservation saina nuai a Training a tel Farmer te Field Visit pai.
* Leimatak ah IWMP tawh kisai in Awareness and Training Programme om ding.
* PTC General Headquater makaih in YPA leh Siamsinpawlpi in Meeting neiding.
* 62nd PTC Raising Day lopna om ding.
* Synod Hall IB Road ah 2nd Lamka Book Fair om ding.
* T Manga MLA sponsorna nuai ah KSO Henglep in Felicitation Programme zang ding.
* District Level Football Development Programme khakna om ding.

TANCHIN KIMZAW:

Sarva Shiksha Abhiyan SSA nuai a Govt. School te ading free text book hongpai te hawmna Churachandpur Govt. High school ah omlel a, tuni'n District Council nuai a School te a ding hawmna kipan hi. Tuni'n Churachandpur Block leh Tipaimukh Block te ading kihawm a, Zingchiang in Samulanlam block leh Thanlon te a ding hawm nawn ding ua, June 16,2012 in ADC/Henglep block leh ADC/Singngat te ading hawm in zou siang ding uhi. Churachanpdur block sung ah ADC nuai a om School 40 te a ding text book sang leh za 4 leh 3 pekhia ua, Tipaimukh block a School 5 a ding text book 141 pekhia uhi. Samulamlan a ding school 35 ah textbook sang leh za 1 leh 8 pekhe ding ua, Thanlon block a school 22 a ding textbook 463 pekhe ding uhi. Huaiban ah, Henglep block a school 41 a ding textbook sang leh 18 pekhe ding ua, Singngat block a school 27 a ding textbook 721 pekhe nawn ding uhi.

District Officer, Horticulture and Soil Conservation saina in tuni zinglam dak 10:00 in PTC Head Office Conference Hall, Hiangtam Lamka ah National Mission on Micro Irrigation (NMMI) 2011-12 training program neih in om a, huai ah, Jacintha Lazarus, IAS, Deputy Commissioner, Churachandpur in chief geust hihna toh uap in programme honna nei hi. DC Churachandpur in a thugenna ah, Churachandpur district gam hoih himahleh  a district mite nasep dan a siamlouh ziak un state dang a zuakkhiak ding omlou in state dang apan laklut tamzaw chi hi. Manipur ah train honglut ding a, huai hun chiang in district sung a haichi piang te gamdang a zuakkhe thei dia mansa a om hunta ahihdan gen a, Training a tel farmer mi 30 te kiang ah silpauline leh haichi tang pekhia hi. Training sung in Hoihnu Neihsial, Horticulture Development Officer leh S. Shyamjai Singh, Horticulture Development Officer in thupi tuamtuam pansan in sinsak ua, Jain Irrigation System Limited Jalgaon,
 Maharastra apan W. Jadumani Singh in leng hiai hun uap in Installation and Maintenance of Drip Irrigation and Sprinkler Irrigation System toh kisai in sinsak hi.

Forest Development Agency, FDA, Southern Forest Division, Churachandpur saina in tuni sunma dak 11 in DFO Conference hall, Tuibuang ah, 2-days Training and Capacity Building of Joint Forest Management Committee Member neih in om hi. Hiai hun ah, H Dalzamang Gangte Divisional Forest Officer in Training Programme honna nei hi. Technical Session hun ah, M.Ginzalian, Assistant Agriculture Officer Churachandpur leh Dr. George Joute, District Vetenary Officer in Loubawl mi 70 val sinsak uhi. Zingchiang zinglam dak 9:00 in S.Haijang leh Saipum a FDA mun te field visit bawl in enkhe uhi.

District Officer Horticulture and Soil Conservation saina a tuni'a training Programme a tel farmer 30 vel in tuni sunnung dak 2:30 in Thenmuol, Kawnpui, Mata leh Mualtam khua a haichi chi tuamtuam kichiingna mun te enkhia uhi. Thenmuol khaw sung a gam 200 acre a lian a sapthei chiingna mun enkhia masa ua, Thenmuol khaw mite'n kum 2004 akipan sapthei chiing hahbawl mahmah ua, sapthei ziak a building inn lam zou pawl leng om ta uhi. Thenmuol khua apan Kawnpui ah grape leh nahtang chiinna mun enkhe nawn ua, huai apan Mata khua a zongtah, champara leh nahtang chiinna mun enkhia ua, huaizawh in Mualtam khua a Champara, nahtang leh theibuhfai chinna mun enkhia uhi.

SDO/BDO Henglep, Kajaigai Gangmei makaih in zingchiang, zinglam dak 9:30 in Henglep Sub-Division sung Leimatak ah integrated watershed management programme IWMP toh kisai in awareness and training programme om ding hi. Hiai hun ah, Demmang Haokip, Vice chairman, ADCC in chief guest hihna toh uap in ahonna nei ding a, C.Hangshing, Executive Director DRDA in concept of Watershed development monitoring and evaluation toh kisai sinsak in ding a, K.Hnunliansang, Assistant Engineer DRDA leh Letkholhun Assistant engineer DRDA in technical inputs toh kisai sinsak ding a, L.Premjeet Singh, Account Officer DRDA in Account maintenance toh kisai sinsak ding hi. Huaiban ah, Joycee Lalrinpui, Project Officer DRDA in Roles and involvement of Secretary/Community/Self Help Group and Livelihood support toh kisai in sinsak ding a, Hatzaching, EO/Agriculture in Crop demonstration for popularizing new crop/varieties toh kisai sinsak in ding hi.

Paite Tribe Council, PTC General Headquarter Executive Committee meeting 6veina, June 16, 2012, sun dak 12:00 in PTC Conference Hall, Hiangtam Lamka ah om ding hi. Huai hun ah, Paite nam sung a issue tuamtuam leh haksatna om te kikupkhawmna leh nam maban ding ngentel tak a sutkhawmna nei ding uhi. Huai hun ah Young Paite Association leh Siamsinpawlpi heutu te ban ah PTC Central Working Committee Chairman leh Vice chairman te telding uhi.

PTC Central Working Committee CWC meeting 4vei na, May 21, 2012 a thupukna dungzui in, June 27,2012 in 62nd PTC Raising Day lop ding leh 2nd Paite Nam Khawmpi cassette honna neih ding in lemsa uhi. 62nd PTC Raising day lopna ding toh kisai in Committee Member ding guanna nei ua, huai ah, Chairman ding in Langkhanpau Guite,Member CWC,guang ua,  Vice-chairman ding in L.Pumzanang, CWC member leh Secretary ding in H.Pauzalal, Secretary External, PTC te guang uhi. Assistant Secretary ding in V.Chinkhenpau, Secretary Internal leh Finance cum treasurer ding in H.Thangzamuan, CWC member te guang in committee member ding in midang 5 leng guang uhi. Tuni in amau teng in meeting nei in, sub-committee bawl khia in Raising day lop hun a programme pai dingdan leh thu poimoh tuamtuam genkhawm uhi.

Hmar Students Association, HSA, Kuki Students Organisation, KSO leh Bookline Kolkata, Penguin Publication, Delhi leh Viva Book Private Limited Delhi te saina in zingching zinglam dak 10:00 in Synod Hall, IB Road ah, the 2nd Lamka Book Fair kipan ding hi. Huai hun ah, educationist leh Lalpuithluaii Foundation School phutkhetu T.Vunglallian in book fair hong ding hi.

T Manga vaiphei MLA henglep sponsorna nuai a Kuki students Organisation Henglep Sub-Division in June 16,2012 sunma dak 10:30 in B Vengnuam Community hall ah tutung class X leh XII examination a first divisioner te kipahpihna neiding uhi. Hiai hun ah T Manga Vaiphei MLA, Demmang haokip Vice-Chairman ADCC, Genneikhup Executive Member ADCC, Thangmang haokip MDC, Paolal haokip MDC leh Kajaigai Gangmei SDO Henglep in Chief Guest, functional President, guest of honour leh special guest hihna tawh uap ding uhi.

A hongtung ding June 16,2012 zinglam dak 7:30 in Lamka Public ground ah District level football development programme closing ceremony om ding hi. Huai hun ah Jacintha Lazarus IAS DC Churachandpur, Chinkhokam hangshing Executive director DRDA, D Vungthianzalal Proprietor Ample Water leh Gourmangi Singh Former Indian Captain and member of the Indian football squad te special guest in pang ding uhi.

* SP Churachandpur thupiak dungzui in Police te'n Drive panta.

* District Officer Horticulture and Soil Conservation saina in NMMI tawh kisai in training om ding.

* ZEO nuai a Primary Teacher leh Under Graduate Teacher te'n Seniority List bawl sawm.

* Lam-etna mun Bungmual ah Mega Life Camp kipan.

* ZEO nuai a Under Matriculate, Matriculate, Primary Teacher leh Under Graduate Teacher te'n ZEO Office ah Document submit ngai ding.

* Covenant Children's Home in lohchinna ngahte kipahpihna Programme zang ding.

TUN TANCHIN KIMZAW IN :

L.Mangkhogin IPS SP Churachandpur in Lamka khopi sung a, gari a tinted black filmed glass kithuah te leh kum chinglou a gari hekte ban ah gari document kimlou te check ding a thusuah a bawl dungzui in Police, VDF leh District transport Office staff te kithuah in khopi sung ah Gari check panta uhi. Hiai thu tawh kisai a L Mangkhogin IPS SP Churachandpur in tuni'a media te kiang a, a gendan in, tulai a sual gamtatna a kiam deuh a, gari accident a tawm deuh khak leh chih ziak a police in pan kila ahihdan gen a, mipi'n a kithuahpih leh bangtan hiam ah phatuam mahmah ding chi hi. Huaiban ah Gari document kimlou leh tinted black filmed glass kithuah gari te challan cut in za 1 ki-liausak zel a, sum liau sa te matnawn ahih ua leh za 3 liau sak hiding chi hi. Aban a genzelna ah Churachandpur District ah Police Sanction strength 890 hi a, huailak ah tulel in 474 kia om chi a, Pasal Police ah, Inspector 1, Sub-Inspector 25, Assistant Sub-Inspector 24, Head
Constable 60 leh Police constable 253 in kisam chi hi. Huaiban ah, numei ah, Assistant Sub-Inspector 2, Head Constable 1 leh Police Constable 49 in kisam chi'n leng genbeh hi.

District Officer Horticulture and Soil Conservation saina in zingchiang zinglam dak 10:00 in PTC Head Office Conference Hall, Hiangtam Lamka ah National Mission on Micro Irrigation (NMMI) 2011-12 training program om ding hi. Hiai hun ah Jacintha Lazarus, IAS DC Churachandpur chief guest in pang ding hi. Hiai training program ah Hoihnu Neihsial, Horticulture Development Officer Churachandpur leh S. Shyamjai Singh, Horticulture Development Officer, resource person a pang in topic tuamtuam pansan in sinsak ding uhi. Huaiban ah, Jain Irrigation System Limited Jalgaon, Maharastra apan W. Jadumani Singh in leng hiai hun uap in Installation and Maintenance of Drip Irrigation and Sprinkler Irrigation System toh kisai sinsak ding hi.

T Goukhomang Drawing and Disbursing Officer ZEO Office, Churachandpur apan thu kiza dan in Zonal Education Office nuai a sem Primary Teacher leh Under Graduate Teacher te lak ah seniority list bawl hiding a hiai ding toh kisai in akisaipih Primary Teacher, Under Graduate Techer te'n ZEO office a head clerk kiang ah form la in submit theih ding hi.

Evangelical Baptist Convention, EBC, General Headquarter, LRRC leh Grace Bible College GBC Home Base Care saina in zan nitak in Lam-etna mun Bungmual ah Mega Life Camp kipan hi. zan nitak dak 6:30 in Rev. K.Mangte, Principal GBC in Camp honna nei hi. Hiai Camp ahihleh Batch 2 in kikhen ding a, Batch khatna in June 12 akipan 20,2012 sung in Camp neiding ua, huai ah Imphal Division leh Lamka North Division te tel in tuni akipan June 14,2012 tan daih ding in Orientation leh Motivation Programme zang ua, Langzachin Project Co-Ordinator LRRC in makaih hi. Chialpina ahihleh June 15 akipan 19,2012 sung in om ding a, Rev.Ginmalsawm Divisional Superintendent Singngat leh Suankhanhau in thugen ding uhi. Batch 2na June 22 akipan 30,2012 sung in neih hiding a, Lamka South Division leh Singngat Division te telding ua, Pastor S Langzakham in thugen ding hi. Hiai Mega Life Camp ah camper 50 zel om ding uhi.

ZEO churachandpur office nuai a sem under-matriculate, Matriculate, Primary teacher leh Under Graduate teacher teng in zingchiang in ZEO office ah service book, Appoinment order leh Education qualification submit ngai ding a, ZEO office in June 15, 2012 in Imphal a Directorate of Education(s) ah submit nawn ding hi.

Covenant Childrens Home Mualkawi in tutung Class XII Examination a lohchinna ngah student 7 khakkhiakna leh Class X Examination a lohchinna ngah te pahtawina June 19,2012 sunma dak 11 in New-Lamka YPA Hall ah neih sawm uhi. Hiai hun ah Rev.Khen P Tombing Chief Co-ordinator PCI-R leh Upa H Mangchinkhup in thugenna hunzang ding ua, Pastor G Suanzalam in lohchinna ngah te thumsak ding hi.

LIC Jeevan Madhur Plan number 182 a specified person khenkhat in amau nuai a policy holder te premium ginatak a sunglouh ziak un, Policy holder te'n mahni policy status Agent Office, Covenant Childrens Home Mualkawi ah Office hour sung in June 22,2012 tan in etchet ngai ding a, huchi ahihkei leh July 3 akipan 14,2012 sung a enchian ding in Manager LIC Jeevan Madhur in theisak hi.