* One Day District Level Workshop cum Farmers Training on National Bamboo Mission (NBM) neih in om ding
* Rev Khen P Tombing Chief Co-ordinator PCI (R) in Hindi Labu honkiakna leh Pathian kiang a latna nei
* March 28-29,2012 sung Vangai Range a Sibapurikhal khua ah Health Mela neih in om ding
* Lamka Police te pan lak na ziak in mi pimang tu mi 2 matkhiak in om hi
* DC/CCpur makaih in amah Office chamber ah PMEGP Loan toh kisai Status Report meeting neih in om
* Hong tung ding March, 30,2012 in District Council meeting om ding.
* Ninglianching kum 40, Guwahati Railway Station ah muh hi ta


District Forest Officer Southern Division saina in zingchiang March 27, 2012 in Southern Foerst Division Office Conference Hall ah One Day District Level Workshop cum Farmers Training on National Bamboo Mission (NBM) neih in om ding hi. Zinglam dak 10 in Inauguration Programme zatna om ding a, tua ah N. Kipgen IFS State Mission Director (NBM) in keynote address genna nei dinga, L. Muhindro Singh Conservation of Forest Southern Circle in kipah thugenna hun zang ding hi. Sun dak 11:00 in second Session om nawn ding tua ah N. Somendro Singh WPSO leh Ch. Bira Singh DFO/Chandel ten Manipur gamsunga gua ching ding dan sinsakna pe dingf ua, Sukumar Haobam gua zuak khiakna ding lam toh kisai ban ah Thambou Kamei IFS (retd) in handicraft toh kisai sinsakna pe ding hi.

Zan March 25, 2012 sunnung dak1:00 in Rayburn Chapel ah Gospel for India Worship Service in a bawl uh Hindi Labu Stuti Aur Aradhana ke Geet kichi honkhiakna leh Pathian kiang a latna Rev Khen P Tombing Chief Co-ordinator PCI (R) in nei hi. Elder Zamlal in a thugenna ah nikum Feb 30 in CCpur College ah non tribal mi 30 vel paikhawm in Gospel for India Worship Service kiphut khia a, Pathian vualzawlna lam zangtou zel tuni chiang member 100 val pha theita chi hi. Gos[el for India Worship Service in Pathianni teng in CCpur College ah Pathian phatna neikhawm zel ua, hiamh leh Pathian lasak ding 5 kia nei ua, hiai teng sa lumlet gige uhi. Tua ban ah Hiai Hindi Labu ahih leh Delhi a om Nangkhanlal leh Caroline panlakna ziak in Delhi ah February kha in sutkhiak in om hi.

District Health Society CCpur saina in March 28-29, 2012 sung Vangai Range a Sibapurikhal khua ah Health Mela om ding hi. Hiai Health Mela ahih leh bialtu MLA Dr. Chaltonlien Amo in khuallian hihna toh uap in hongkhe ding hi. Inauguration programme hun ah Lalhossan EM/ADCC, District Health Society Chairman Ms Jacintha Lazarus IAS, leh Dr. HL Liensang CMO/CCpur te'n uap ding uhi. Tua ban ah hiai mela in khua sawm 20 vel apan in mi paikhawm ding doctor mi 15Dr Lalzuitluangi Gyneacologist, Dr. Seikholet ENT Surgeon, Dr Senboi Surgeon, Dr Rubi Singh, Eye Surgeon, Dr A. Tiken Singh, Dr. C. Lalbiediki Physician, Dr Zion Ramthanghlimi Dental, Dr Zamlienmang Gangte MO, Dr David Gangte MO, Dr Baby MO, Dr Melody MO, Dr Jamkhopum Baite MO Dr T Pumzathang District Leprosy Ooficer, Dr Romeo sanate MO District TB Officer, Dr F Thienkhogin District Malaria OOfcier te hi ua, amau damloute ending ua, damdawi leng a thawn in hawm khe ngal ding uhi. Tua ban ah hiai mela hun
 sung in District Family Welfare, AIDS, District Leprosy, District TBDistrict Malaria leh Ayush te'n stall bawl ding uhi.

Lamka Police te panlakna ziak in zan March 25,2012 in mi pimang tu mi 2 matkhiak in om hi. Police thusuak in a taklat dan in New Bazar a akzuaktu Hemam Momocha Singh in dawr ngaktu dia a zatKhuairakpam Ibungo (40) s/o Kh Komol Singh of Khumujamba Meitei leikai dawr a nasem zou activa ngou a inlam zuan a tailai Khumujamba Meitei Leikai a lei (bridge) a tun in Pulsar khat leh Activa khat a tai pasal bang zah hiam in man ua, Momocha kiang a sum crore 1 a tan kheding in thei sak uhi. Hiai thu police in a theih phet in pan nasatak in la ngal ua, mun tuamtuam police in a dapkual nung un zan nitaklam dak 5:15 vel Mata khoban a khothak G. Khonuom kichihna mun ah pimang a om Khuairakpam Ibungo leh mi pimangtute lak a mi 2 te innsung khat ah matkhaik in om uhi. Matkhiak a om mi nihte ahih leh 35Bn Assam Rifles a Rifleman no 5005547 F, Marim Sanglen Chote(26) s/o M Amute Chote of New Wangma Village Chandel District, KLO/KLA Timothy group cadre Satthang Kipgen (23) s/o Khoilam Kipgen of Siakul Village Senapati District te hi uhi. Hiai thu toh kisai in CCpur Police te'n mi 2 te tung ah FIR No. 30(3)2012 CCp-PS U/S 400/365/34 IPC chiam teh ua, mat a om mi 2 te ahih leh tuni CJM mai ah dinsak in om ua, amaute CJM in April 5 tan Police custody om ding in thupiak bawl hi.

Ms Jaicintha Lazarus IAS DC/CCpur makaih in tusun dak 12:00 in amah Office chamber ah PMEGP Loan toh kisai Status Report meeting om hi. Hiai hun ah General Manager DIC, KVIC, Sr Branch Manager SBI Barnach Manager Tuibuang SBI, ban ah UBIleh SBI Loktak te tel uhi. Tua zoh BRGF Resource Centre ah tuni mah sunnung dak 2:00 in Exgratia toh kisai in District Level Screening Co-ordination Committee meeting om nawn hi.

Hong tung ding March, 30,2012 zing lam dak 11.30 in District Council Hall ah District Council meeting om ding hi. hiai hun a agenda genkhom ding te March 26,2012 ma a Chief Executive Officer, Autonomous District Council, CCPur ah pea ding in Ms. Mannuamching, CEO, Autonomous District Council in theih sak na bawl hi. hiai meeting ah member  District Council, CCPur teng tel kim chiat ding in leng theih sak na bawl ngal hi.
 
Ninglianching kum 40, March 19, 2012 apat a om na theih louh a om nung in tunni date 26 march, 2012 in Guwahati Railway Station ah muh in om ta chih thu ki za hi.

* DC office a BRGF Resource Centre ah Ex-gratia tawh kisai Dist Level Screening –cum-Coordination Committee meeting neih hiding.

* Rising Club, Tuibuong  saina in tuni zinglam dak 7:30 apan in Tuibuong Peace Ground ah “One Day Open Volley Ball Tournament” neih in om

* Rev. Tualzachin, Moderator, ZPCS in Voice Record (New Testament in Zou) hongkhia in Pathian kiang ah latkhiakna nei

“ Stop TB in my life time” chih thupi anei in World TB Day zatna nei.

* B. Vengnom Community Hall ah Jingninou Award hawmkhiatna neih in om.

* Sangah Muon inn, Bijang ah, Military Civic Action programme tung tawn in, 116 Bn BSF in, van hawm khiak na nei

* CCPur Bus Owner Association & Worker Association (Down Service ) lam te leh All Lamka Taxi owners Society, ALTOS  te kikal CDSU in Press Communique suahkhia uhi

* Medecins Sans Frontieres makaih na in Lamka Public Ground ah TB Day zatna in football friendly Match kimawlna nei in om.

* Rayburn College a Class XI practical Exam leh HSE Practical Exam hun ding ki kheng.

National Foundation for Communal Harmony(NFCH) apan panpihna sum ngah CCpur dist a naupang enkoltu (guardian) te’n document poimawh tuamtuam-Income Certificate, Current reading certificate (2012) leh Progress Report 2011 submit lou tamtak om a, document submit lou te’ govt apat panpihna hongpai nawn lou ding hi’n kigen hi.

Ms Jacinta Lazarus, IAS DC/CCpur makaih in tuni sun dak 12:00 apan in DC office chamber ah Biometric tawh kisai in SDO/Thanlon, SDO/Henglep leh SDO/Tipaimukh te tawh meeting nei uhi. Huai ah Thanlon, Henglep leh Tipaimukh area ah March 26, 2012 apan Biometric photo lakna patding thu genkhawm uhi. Thusuak kingah dan in March 26, 2012 in Thanlon, Henglep leh Tipaimukh area ah biometric photo lading in team bangzah hiam kuankhe ding uh hi’n kigen hi.

Hong tung ding March 26, 2012 sun dak 12:00 in DC office chamber ah Ms Jacinta Lazarus, IAS DC/CCpur makaih in PMEGP Loan tawh kisai Status Report meeting omding hi. Huai ah General Manager DIC; KVIC, KVIB, Sr Branch Manager SBI; Branch Manager  tuamtuam SBI/Tuibuong; UBI leh SBI/Loktak te’ telding uhi.

Ms Jacintha Lazarus IAS DC/CCpur makaih in hong tung ding March 26, 2012 sunnung dak 1:00 in DC office a BRGF Resource Centre ah Ex-gratia tawh kisai Dist Level Screening –cum-Coordination Committee meeting omding a, huai ah SP; CMO; SDPO/CCpur leh SDO teng telding uhi. Huai hun ah Exgratia tawh kisai case 5 enkhawm ding uh hi’n kigen hi.

Rising Club, Tuibuong  saina in tuni zinglam dak 7:30 apan in Tuibuong Peace Ground ah “One Day Open Volley Ball Tournament” om a, Tuibuong area sung a veng tuamtuam apan team 6 kihel in nitaklam in final kimawlna om ngal hi. Hiai volleyball One Day Tournament final ah Nehgin Haokip chief guest a pang in prize hawmkhiatna nei a, Divid khongsai leh H. Heavant in Functional President leh Guest of Honour hihna toh uap uhi. Hiai tournament a champion team in Rs. 1000 leh certificate sang a, 2na in Rs. 500 leh Certificate a sang banah, best player, best spiker leh best setter kingah ah kipahman piak in om hi.

Zou Holy Bible Translation Committee saina in tuni sunma dak 11:00 in Presbyterian Church, Zomi Colony ah Voice record (New Testament in Zou) hongkhiat in om hi. Hiai hun ah Rev. Tualzachin, Moderator, ZPCS in hiai Voice Record (New Testament in Zou) hongkhia in Pathian kiang ah latkhiakna nei a, Rev. PA Sundrarajan, National Director, WCOI in Pathian thu genna nei in Voice record toh kisai a pulakna nei hi. Voice Record (New Testament in Zou) ahih leh World Cassette Outreach of India in a bawlsak hi a, hiai tungtawn in lai sim theilou te’n leng Holy Bible ngaikhia in Pathian thu gen thei ta ding uhi.

District TB Control Society, Project Axsha/EHA leh Local NGO tuamtuam te’n tuni March 24, 2012 in “Stop TB in my life time” chih thupi anei in World TB Day zatna om a, Lamka khopi ah Vehicle Rally leh TB campaign nei ngal uhi. District TB Centre ah tuni zinglam dak 10:00 in Dr. Singkhozam Hauzel, Dist TB Officer in Vehichle rally dingte flag-off a, khawpi sung mun tuamtuam ah TB apan kiven ding dan genna, leaflet leh pamphlet mipi-te lak ah hawmna nei in Sun dak 12:30 in District hospital khang a District TB Centre ah DTC staff-te leh NGO tuamtuam te’n kipolhkhawmna nei uhi.

Jingninou magazine in tuni zinglam dak 11:00 in B. Vengnom Community Hall ah Jingninou Award hawmkhiatna nei uhi. Hiai hun ah K. Memthoi Devi, Councellor, Moirang Chief Guest a pang in, Thangmang, MDC Khousabung leh Nehthang Mate, MDC in Functional President leh Guest of Honour in pang ua, Chief Host in Thangpao, Social Worker pang hi. Jingninou in tuni a award a hawm te uh, Thadou-Kuki sung a penpen hihna nei te kiang a paik hidan ingen uhi. A kigen dan in,Thadou-Kuki in Laa lam toh kisai in Laijon Musico Award nei ta ua, huai lou award neilou ahihna ah, amau sung a kitok thou na ding a award a hawm uh hidan in gen uhi. Huai ban ah, tutung award hawm a om pen in, a diak a Media lam toh kisai hih haat sem na ding deih na a hawm uh hidan in leng gen uhi. Tuni a Jingninou award hawm na hun ah,Thadou-kuki sung a penpen hihna nei, mimal mi 17, School & College 3, Enterprise1 leh magazine 1 kiang ah pia uhi.   

Tuni zinglam dak 11:00 in Sangah Muoninn, Bijang ah, Military Civic Action programme tung tawn in, 116 Bn BSF pawl in, van hawm khiak na nei uhi. Hiai hun ah, BPS Chauhan, Commandant, 116 Bn, BSF in chief guest hihna toh uap in, van chi tuam tuam, Computer set 1, Sewing machine (Khut khawl)6, Football 3, Volley Ball 4, Volley Ball net 2, kimawl na van tuam tuam, Ball Boot 10, jerssy 20, Track Suit 8, Sewing Machine, khe a tot thoh te 2, embroidery 1, leh laisim na lamtoh kisai, School bag 25 leh instrument box tamtak, khopi sung a Self Help group 20 val leh Sangah Muon inn a om te kiang ah pe khia uhi. Chief Guest, BPS Chauhan in a thugenna ah, tutung a MCA tungtawn a van a hawm te uh, hunpaisa a SHG tuam tuam in a nget uh kim tak a apiak thieh louh na tung uah ngaihdam ngen a, maban a, amau te a ding a kiphal tak leh ki hong tak a om gige ding uh ahihdan gen hi.

Hun sawtpi paisa apan  Imphal leh Lamka kikal a tai, Line Bus CCpurt Bus Owner Association & Worker Association (Down Service )lam te leh All Lamka Taxi owners Society, ALTOS  te kikal ah avang kim a om sek hi. Amaute gel kal ah zan hal in buaina om nawn a, huai ziak in LATOS leh Line Bus (down Service) te Impal leh Lamka kikal ah tai om lou hi. Hiai thu toh kisai in CDSU in ALTOS leh Line Bus down service te kikal a buaina om pen hiven sawm in pan la ua, zan sunnung in CDSU Administrative Building ah hiai buaina toh kisai  in pawl te kal vaiveng sak sawm in pawl 2 te gel sam mah le uh Cheiraobah ziak in bus lamte hoh theilou ua, tuni zingkal dak 8:00 a CDSU Aministrative Building ah meeting sam nawn mah le uh Bus lamte hoh theilou tuan lou uhi. Hiai thu toh kisai in tuni in CDSU in Press Communique suahkhia uhi. CDSU thusuak in a taklat dan in pawl te gel nihvei mahmah kihou dia sap ahih nung Bus lamte khat vei mah leng kilang lang lou ua, tua ziak
 in mipi tamtak in haksatna tuak uh chi hi.Tua ban ah CDSU in hiai buaina toh kisai in State Transport Department in suk vaiven sak ding ngetna nei uhi. CDSU thusak in a tak lat dan in ALTSO leh Line Bus own service te'n mipi khualna ziak a nidang bang a, a service uh pan nawn ding in ngetna bawl uhi.

Kum teng a March 24 pen khovel pumpi in World TB day, a zat sek mah bang in tuni in leng CCpur ah World TB Day zatna neih in om hi. Medecins Sans Frontieres makaihna in sunnung dak 2:00 in Lamka Public Ground ah TB Day zatna in Zomi Namni 2012 Football Tournament a champion Sport Club of Letherite toh MSF in football friendly Match kimawlna nei uhi.

Academic Dean, Rayban College a pan thu ki mu dan in Class XI practical Exam April 2, 2012 a neih ding chih himahleh 27 March, 2012 a ding in suan in om hi. Huai ban ah HSE Practical Exam 26 March 2012  a neih ding pen leng April 3, 2012 a ding in ki suan hi. Thuchian zo College a kan chet thei ding hi.

Post: David R.Tonsing