- * EHA nuai a Project Axshya leh Action for Women and Child Advancement in International Womens Day zang.
- * Evangelical Baptist Churches Association(S) in Silver Jubilee lawm.
- * Rural Women Upliftment Society in International Womens Day zang.
- * Beith Shalom Purim Kut zat in om.
- * Kuki Research Forum in Pi-le-Pu te kipatkhiakna hidia gintak kawhawm 3 mukhia.
- * Justice T Vaiphei Judge of Guwahati High Court in Lamka hongpha.
Emmanuel Hospital Association EHA nuai a Project Axshya leh Action for Women and Child Advancement in tuni sunma dak 10 in Lailam veng a Grace Zamnu MDC Muallum ADC Constituency tenna inn ah "Connecting Girls, Inspiring Futures" chih pansan in International Womens Day zang uhi. Hiai hun ah Ngaibiaklun District Co-ordinator Emmanuel Hospital Association in International Womens Day kizat dan tungtang taklang a, Grace Zamnu MDC in Domestic violence bang hihiam chih tawh kisai gen in self help group, saptuam pawl tuamtuam a womens organisation leh veng tuamtuam a mahila te 50 vel uhi.
Evangelical Baptist Churches Association(S) kiphuhkhiak nung kum 25 chin silver Jubilee lopna tuni sunma dak 11 in Lamka EBC Biakinn Beulahlane ah nei uhi.Rev. T Thangsing Former Executive Secretary in Silver Jubilee suang hong in Pathian kiang ah lan hi. Upa S Chinzalal President EBCA(S) makaih in Saptuam Upa te'n Jubilee dak khen ua, Rev.Lal Ngaihte Mission Secretary in heutu masate suunna hun makaih hi. Rev.W Konghar General Secretary Manipur Baptist Convention in Jubilee Souvenir hong a ,Rev.Th.Lalpu Simte President Christa Baptist Churches Fellowship in "Lalpa'n Hung Puui jel" chih pansan in thugen hi. Hiai hun ah Saptuam pawl tuamtuam apan heutu leh mipi tamtak in uap in nitaklam in jubilee annkuang sawkkhawm uhi.
Rural Women Upliftment Society (RWUS) saina in tuni sunma dak 10 in Sielmat a ICI Secretariat Conference hall ah International Womens Day 2012 zang uhi. Hiai hun Rev.JL Songate Executive Secretary ICI in Special guest hihna tawh uap hi. Huaiban ah Resource Person Zosangkim Pudaite Reader Churachandpur Govt.College, KS Guite Assistant General Manager NABARD Churachandpur leh Rev.JS Lalropuia Lamka Pastorate Presbyterian Church in thupi tuam chiat pansan in thugenna hunzang ua, womens organisation tuamtuam apan mi 50 val paikhawm uhi.
Shavei Israel Jerusalem sponsor na nuai ah tuni sunma dak 10 in B Vengnuam a Israel Hebrew Centre ah Beith Shalom Purim Kut nuamtak in zang uhi. Hiai hun ah Lamka a Israel sahkhua zui tamtak paikhawm in mel-le-puam hih lamdang in hunnuam zangkhawm ua, Purim Kut programme sung in Quiz, Beauty Contest leh kidemna tuamtuam nei in nitaklam in Purim annekhawm uhi.
Kuki Research Forum in tuni sunnung dak 2:30 in Lamka Press Club ah Press Conference nei in Febuary 22 akipan 24, 2012 sung a Sajiktampak akipan kilometre 35 vel a gamla ah pi-le-pu te kipatkhiakna hidia gintak kawhawm chi 3, Sinlung, Suongbuk leh Phoikawn cave mukhia uh ahihdan taklang ua, tunung in scientific research nasaktak a bawl hiding ahihdan gen uhi.
Justice T Vaiphei Judge of Guwahati High Court Imphal Bench in tuni zinglam dak 9 in Lamka hongpha a, Mata khua a Khuga Dam hong enkhia in sunnung in Imphal ah kiknawn hi.
Post: David R.Tonsing