CT in Chiimtung Veng Transformer kisia ngaihven

ZNN | Apaisa 9 July 2015 ni in New Lamka West bial sung a om Chiimtung veng mipi ten bial MDC Pu CT Lian toh meeting nei uh hi. Hiai meeting na ah vengsung a Transformer kisia toh kisai houlimna nei uh hi. Transformer ki siat ziakin Chiimtung veng ten hun sawtpi electric ngawl ta uh hi.

Hiai meeting bohzuina in zan 14 July 2015 ni in Pu CT Lian leh vengsung mi bangzah hiam in Deputy General Manager, MSPDCL, Churachandpur District va kimuhpih ua, tua banah Transformer ki bawlna mun mahmah zong va enkhia uh hi.

Transformer kise pen a kinlam a bawl theihna dingin vengsung inlusi in Rs. 500 thohkhawm ding ua, hiai sum ki thoh khawm pen zaangdopna in vengsung mi in electric fee kha khat pe lou ding in Deputy Gen Manager toh ki thukim uh hi.

Zogam.com News Network (ZNN).