MDC Telching Thakte'n Kichiamna Nei

ZNN | Tuni 13th July, 2015 in District Council Hall, Tuiboung, Lamka ah tutung a MDC telching a omten kichiamna nei uhi. Hiai Oath Taking Ceremony neihna hun ah Elected Autonomous District Council, Lamka nuai a telching thak ADC member mi 24 ten kichiamna nei uhi.

Hiai Oath Taking Ceremony Pi Mannuamching CEO/Secy, ACD, Lamka in makaih a, Pu Lunminthang Haokip, DC, Lamka in ki chiamsakna nei hi.

Tuni a telching thak MDC kichiamna neite:
1. Shri Langkhanpau Guite
2. Shri Demmang Haokip
3. Shri Genneikhup
4.Shri Lal Hosan
5. Shri M Gouzamang Guite
6. Shri Paolal Haokip
7. Shri Lalmang Fimate
8. Shri Lalditsang
9. Shri G Suanchinpau
10. Shri Khaipao Haokip
11. Shri Ngamhao Touthang
12. Shri Khaikhanmungo
13. Shri Lalfinglien
14. Smt Zamneiching
15. Shri Seilienmang
16. Shri Jamchinthang
17. Shri T Paukhanlian
18. Shri Khaikhomang
19. Shri G Thangkhosuanmung
20. Shri Chintwahlian @ CT Lian Guite
21. Shri KC Chonsei
22. Shri Pumtulthang
23. Shri P Kamkholal
24. Shri Hausuanthang

Hiaiteng in tuni in kichiamna buaina om hetlou in nei ua, maban ah minority akipan nomination 2 ombeh ding hin leng gen in om hi.

Tutung MDC telching thak a omte Zogam.com in kipahpihna sangpen i piak banah, maban ah i gam-le-minam adia naktak a ahihtan tan uh suah a hong pantouh uh deihsakna lianpen i pia hi.

Zogam.com News Network (ZNN)