Pasal Khat In A Tanu 2 Zuak
Police akipan kiza dan in Thangchinmang (45) s/o (L)Khanjam of Bungmual, Hausa veng in a tanu neulai 2 a lianpen kum 5 vel ding leh a neupen kum 3 vel ding mi zuak a, hichi bang thu theih ahih akipan SP/CCPur leh police team banah Child Right Welfare Committee, ZSF, ZYA leh ZMA pangkhawm in Moirang khunou leh INA Memorial kiang a Khumang khua akipan in zuak a om numei naupang nihte damtak in valakhia ua, zan nitaklam dak 4:30 vel in SP/CCPur office puaktung in om uhi.
Naupang zuaktu Thangchinmang in a gendan in, a zi Sanching toh tanu 2 nei ua, a zi'n kum paisa a pasal dang a neihsan ziak in amah leh a tanu tegel khosa ua, kilohtawm a nekzong ahihziak in a haksa sa a, a tunu tegel koihkhiat ding lunggulh gige hidan in gen hi. Tua dungzui in July 1, 2014 in Meitei numei in a tanu tegel lei ding in va dawp a, Rs 30,000/- piakding a atanu tegel la uh hi'n gen hi. A sum ahihleh a ni nawn, July 2 a Moirang a lak ding in kihou ua, sum la dia a kuan in Rs 10,000/- pia ua a omlai Rs 20,000/- pen July 7 a pesiang ding in kihou lem uhi.
Himahleh hiai toh kisai inkim inkiang te'n a tate omlouh thu a theih un muangmoh ua, huchi'n phatuamngai pawl khat in Thangchinmang thudotna nei ua, huai akipan hiai bang thu hong kithei khia ahi. Hiai toh kisai in Police in FIR No 71(7) 2014 CCP PS U/S 327/373 IPC & 23 JJ Act bulh uhi.
Zogam.com News Service
