Mi 4 Vuakliam Na Toh Kisai Police In Case Bulh

Police akipan thu kiza dan in 1st May nitak dak 7 vel a Hiangtam Lamka a buaina ah mi 4 liam a, hiai toh kisai in Police in case bulh in suizui lellel hi.

Hiai buaina ziak a liamna tuakte bel, Lalrinsanga (38) s/o C Lalmuana of Hmuaia veng, Albert (40) s/o (L) Vanmawia, SA Road, Ramhluna (40) s/o Douliana Colney of Zenhang Lamka leh Zoumuana (45) s/o C Phunthanga of Vengnuam, Hiangtam Lamka te hi uhi. Amaute Lamka damdoi in puaklut ahihnung un Albert potsak in om hi.

Lalrinsanga ahihleh Lamka damdoi in ah etkol in omlel a, adang nihte Ramhlum leh Zomuana ahihleh, Imphal ah refer in om uhi. Hiai buaina toh kisai in Police in FIR No 65(6) 2014 CCP PS, U/S 325/34 IPC pansan in case chiamteh a, suizuina leng nei lellel hi.

Tualouin apaita 22nd May 2014 nitak inleng hiai mun mahah buaina piang a, vengsung mipi' panlakna ziak in buaina thupilua omlou in veng thei hi. A vangkim a hiai mun a buaina piang zeuhzeuh sek ten numei naupang patau sak zel ahihman in security ten leng a ngaihven deuh uh poimoh mahmah ding hin thutut kingah hi.

Zogam.com News Service