KZP In Lohchinna Ngah Thakte Kithuahpihna Nei

Khangthah Zuun Pawl (KZP) makaihna nuai ah tuni sunnung dak 1 in Simte Inn, Simveng ah KZP sunga tukum Cl X leh Cl XII exam a lohchinna ngahte pahtawina leh kithuahpihna hun zang uhi.
Hiai hun ah Chief Guest in Pu T Kammuanlal, MCS, AC to DC CCpur pang a, Guest of Honour in Pu T Thangliansiam, MSS leh Chief Host in Pu H Jamkhanpau MDC Thanlon pang uhi. Amau ten student hong paikhawmte kiang ah hasotna thu tuamtuam saulou chiat genna leng nei uhi.
Career Talk hun ah Pu Stephen Doukhanlun, IDES leh Suanlian Tungnung ten amau career toh kisai a poimohna leh pilvang tak a tel ding ahihdante genna hun zang uhi.
Tuni in tukum a lohching thak Cl X mi 26 leh Cl XII ah mi 28 paikhom thei ua, amaute KZP in Certificate piakna nei vek hi. Hiai hun zatna a paitheilou leng hunkhop om dia gintak ahi. Rev Th Lalpu Simte in lohchinna ngah mi 54 te hatsotna leh thumsakna a neih zoh in program lohching tak a zoh in om hi.

Zogam.com News Service