Socio Economic Development Organisation, SEDO leh Bethesda Hospital, Mizoram te saina in tuni April 21, 2014 zinglam dak 7:00 apan Sumkong Bazar, Tuibuang ah, 1-day free medical camp neih in om hi.
Hiai hun ah, doctor siam tak tak, Dr. Joseph, MD(Child Neuro),Mizoram, Dr. Lalbiakdiki, Physician, Dr. James Touthang, MBBS, Dr. Thangjamang Haokip, MD( Dermatologist) Dr Seikholet Haokip, MS (ENT), Dr Haoneu Haokip, MS, Ortho, Dr. Lalboi Haokip, Dentist leh Dr. Lamminthang Singson, MBBS ten amau siamna lam chiat a damlou te et na nei uhi.
Tuni a free medical camp neih na toh kisai, SEDO lam ten a gen dan un, kho lum kipan ta a, natna chi tuam tuam om thieh chih leh damthieh na kichi, Mihing a ding a paimoh pen ahih ziak leh a mipi te uh a khual na ziak ua hiai bang a free medical camp a sai uh hi a, hiai hun a ki thuahpih na pia, DC, CMO, Medical Superintendent, District Hospital, Doctor te, Nurse te leh mipi te tung ah kipah thu gen uh i. Hiai Free Medical Camp neih na hun ah, damlou mi 1000 val te ki en sak ua, amau te kiang ah damdawi leng a thawn in hawm ngal uhi.
