FRONTIER PREMIER LEAGUE SUTZOP IN OM DING

A hongtung ding nisim 8, february 2015 nitaklam dak 2:30 in DDA Football Ground, Vasant Kunj, New Delhi ah Frontier Premier League winter break bei toh kiton a sutzopna neih hiding a, hiai hun Pu Thawngkhansiam in Chief Guest hihna toh uap ding ahihdan Managing Board, Frontier Premier League apan thutut kingah hi.

Chairman, Managing Board, Khup Phaipi in a genna ah hiai League pen sai ahihtheihna ding a sum le pai a poimawh dungzui a football club kihel te ngei in a suktuahkhawm zel uh ahihdan gen in, a biktak a eimi Delhi a om football pek lunglut te ki hanthawn tuahna leh ki ngaihnat semna pawsuah tu ahihding tup leh ngim a nei a ana patkhiat uh hi in taklang hi.

Aman season nawn 2015-16 ngei a football club tamzaw leh ngainatu a tamtak a a punbeh ding lam-etna liantak nei ahihthu a gen kawm in, a tamthei pen in hiai league sutzop na hun uap ding in chialna bawlzom ngal hi.

Hiai league ahihleh Delhi a football club li (4) - Bahut Jyada Pyar F.C, Dosti 04 F.C, Da PANTHER United F.C leh ZuunLouh ParMawi F.C ten Managing Board tungtawn a kithutuak tak a October 25, 2014 ni a ana patkhiat uh hi a, April 2015 in 2014-15 seson bei ding hi.

facebook group: https://www.facebook.com/groups/696688453742260
facebook page: https://www.facebook.com/pages/Frontier-Premier-League-FPL