FPL SUTZOP HITA | Da Panther United in vuallelhna masapen tuak

DDA Football Ground, Vasant Kunj, New Delhi mun ah tuni nitaklam dak 2:30 in Frontier Premier League 2014-15 winter nung a match nei masakna pen hun honkhiat in om hi. Hiai hun Pu Thawngkhansiam in Chief Guest hihna toh uap a, Managing Board leh Team kihel te hanthawnna thu tamtak gen in, FPL sutzopna hongkhia hi. Media lam a kipan Pu Ginza Vualzong, Zogam.com in hong uap thei hi.

Chief Guest in a thugenna ah Frontier Premier League kichi hun paisa a leng ana zakha ngei ta ahihdan gen in, tuni hun a tanvou liantak nei a chial a a om khak hamphathuai a sakthu gen hi. Aman a genzel na ah eimi te kichi football pek ah hi in kimawlna lam tuamtuam ah hita leh siamna chituam lieuliau piak a om i hi uh chi in kimawlmi te' ngei inleng tup kichian tak nei a kithunun na a poimawhna te a kithunun ding leh i lunglutna pen a thawn a koih mailou a nekzonna tak hial ding a hun leh lungsim te pe ding in kimawlmi te' leh mipi paikhawm te' hasuan hi.

FPL maban a lian semsem leh Delhi a om a biktak a eimi te khaikhawmtu poimawhtak ahong hih deihsakthu a gen kawm in Chairman, Managing Board kiang ah laithon pia in a thugen khin hi.

Tuni hun a kimawlna masa ah ZuunLouh ParMawi Football Club in Da Panther United F.C 3:2 in zou ua, kimawlna nihna Dosti 04 F.C in Bahut Jyada Pyaar F.C tung ah 4:0 in vualtungtuanna ngah hi.

February 28, 2015 in DDA Football Ground, Vasant Kunj mun ngei ah Frontier Premier League matchday neih in omnawn ding hi.