Pu L. Pumzanang (55), Special Contractor leh PTC Ex-President in sawtkuamtak lung Cancer natna ana thuak nung in tuni January 15, 2013 nitak dak 8:30 vel in a tenna inn Sahei Road, New Lamka ah honna mualliam san ta hi.

Aman hiai natna anathuak sung in muntuam tuam ah ana ki-enkol in Mumbai apan December 25, 2012 lamet omnonlou chihziak in innlum a kikem ding in ana zuan hi. Tu in a lawinu Ningzaching toh ta numei 3 leh pasal 1 nusia hi.

Amah 1957 in Mualnuam khua ah piang a, Singngat a pemlut in, huaiah bangtan hiam khosa in huchiin Lamka ah peemsuk uhi.

Khotang leh Nam adinga theihtawpsuah a na pang te lak a i muan mahmah khat ahi hi. A nutsiat a innkuanpih te I thuakpih a, i minam adinga supna thupitak ahi i chi hi.