Songnawi naupangte kaina The Malsawm Initiative (A School for Children with Special Needs)/TMI in 2013 in naupang bangzah hiam lak beh sawm uh. January 21 apan athakte a dia registration pan ding uhi. Teacher lakbeh zou nai keimahle uh akai ut dangte khualna in Shift nih a khen in, teacher - student ratio ngeina buai lou in arrangement bawl sawm uhi. Tulel dimun a mipite kithuahpihna ziak liauliau a TMI paitou thei a, koimah apan huhna mu keimahle uh songnawi naupangte awlmohna leh khongaihna taktak ziak a tua bang arrangement a bawl uh ahi. February 4 in regular in kai pan ding ua, tua ma in student lakthakte' Individualised Education Program (IEP) leh Lesson Plan zou siang ding uh.