Lamka, Sept 27: Vaiphei te a ding ah Kut pawimaw tak mai kum 1560 vel apat ala matsek uh Thazing Lap kiti chu Manipur ah 1830 vel apat in Salampatong khua, Kulbung Veng, Sadar Hills in ala mangsek ui. Zia mun ma achun tuhin 1st State Level Thazing Lap thupitak leh lawting tak in a mang ui. Thazing Lap 2012 matna hun achun Thangso Baite, MP chun Chief Guest hina tawh a uap a, T. Manga Vaiphei, MLA/Chairman MTDC chu Functional President ah pang in Guest of Honour in S.Minlianthang Vaiphei IAS apang hi.

Zia hun matna achun Khatkhawtawng Baite, President VPC HQ chu Chief Host in apang a, Jangam Baite MDC Chandel, Ngamlal Baite MDC, Genneikhup EM/ADC CCPur, Thangcha Vaiphei EM/ADC Sadar hills, Tongkai Baite MDC CCPur, Minboi vaiphei MDC CCPur te chu Special Guest in apang ua, Zillai HQ, VPC HQ, P. Vaiphei, IAS leh milian mi lal tam pi’n le zia hun chu a uap ui. Thazing Lap celebration Committtee ah Chairman P. Vaiphei in a thugenna achun, kum 1830 lai a Salampatong ah Thazing Lap ala kimang khan thil tampi etsak nei ahidan agen a, zia te laka chun, pakhat na’n 1830 lai ah kipat a ziatak mun Vaiphei te chu ala buldet leh nek leh chak ala kining ting mama tai ti a etsak, panina chun zia hunlai a chun ziatak Vaiphei te chu a la kisuang ua ala buldet mama tau tina ahi atii. Pathumna achun, zia hun lai ah a pu-a pa teu un thingbul-suangbul ala ho uh kha tuhin Pathian hing nei Nam aki hitai. Zia Thazing Lap tawh kisai ah magazine khat le a hawngdaw ngal hi. Ama’n zia Kut chu tunung lehle matzawm zel hidingin agen hi.