September 22, 2012: Centre Government in kal masa in domestic LPG cooking gas te connection khat apat in kum khat sung in tutan a ana kizangtou gige subsidised rate (Rs.399 - Rs.425 per 14.2 KG) in cylinder 6 (buuk guk) tan kia piaktheih hita ding chih thusuah hi. Hiai dungzui kumkhat sung a cylinder 6 sang a tamzaw teng subsidy bangmah omlou a market rate (Rs.900 lakvel) in lei theih hilel ta ding.

Zan a government in thusuah a bawldan in kum khat sung a buk 7 apat a tamzaw la utte a ding in import leh excise duty tengteng lakkhiak ta ding chih ahi a, tax tel a market rate Rs.900 lakvel man di pen Rs.800 lakvel tungsuk zou ding hi.

Ahihhang in government in Congress vaihawmna nuai a om state te ah buuk 9 tan subsidised rate a laktheih hi ding chi leuleu hi.

Tomchik in:
Kum khat sung a gas cylinder 6 tan (Congress ruled state ah buuk 9 tan): Rs.400 lakvel a lei theih zel lai ding.
Kum khat sung a gas cylinder 7na (congress ruled state ah buuk 10na) leh a tamzaw teng: Rs.800 lakvel a lei ngaita di chihna ahi.

Zogam.com news