Pa Kaimungmang Ngaihte, Ex Army, a retired nung a Hyderabad a ki settle, Innlam veh dia Sunday, 16th Sept zingsang a Hyderabad apan train a hong kipankhia, tunitaklam (20th September 2012) dendeuh in, a luang Vishakapatnam a om ahi chih kithei khia hi. u A luang pen unclaimed body ahihziakin GRP te'n Vizag a ana dispose uh chihdan ahi.
16th Sept, Monday a Hyderabad apan hong kipan khia, a sungkuan te toh nitaklam dak 3 laka a kihou zohnung uh, ki contact thei nawnlou uhi. Dak 3 a akihou na uah, a lawinu Nu Ngaih kiangah a mobile battery beidek chih genkha ahihman in, a battery bei hinteh chiin hungaih louh haamhaam sawm in om uhi. A train Tuesday zingsang a Guwahati hong tun nunga le a sungkuan te toh ki thuzaak theilou, amanle thuzaak theilou , Lamka lah tung tuanlou ahihchia, a sungte le patau panta uhi. Amah ahihleh, phone bawl taima ahihna ah, hichia sungte phone lou a om mawklou di ahihna ah, patauh huai sata uhi. Tunitaklam dak 4 vel in Secunderabad a Government Railway Police a FIR file dia ava hoh ualeh, a description kibatpih khat, Vishakapatnam a om ahihlam hon theikhia uhi. Huchia a limlak leh a puankhep tawidan khawng ahon et chiangun, a sungkuan te’n amah mah ahi hon chithei uhi. A luang pen GRP te'n Vizag mun mah a ana dispose uh ahi chih thukhonung kiza thak hi.
Hyderabad/Vizag a om Zomi te’n ana panpih siausiau thei le kipah huai mahmah ding hi. Amah ahihleh, ka Pu (Late) Chinkhokai’ minphuah ahi a, Ka Pa’ paneu, Pu Liankhogin (of Tongchiin, Myanmar)’ tapa ahi. Guitar lam hihthei mahmah ahihna ah, Music band lam ah sepaih lut in, hun sawt kuamtak zong Happy Valley, Shillong ah ana khosa uhi.
A nutsiat a zi leh ta te Van Pathian in a khamuanna dingin ngetsak ni hang.
