Xiaomi phone sales Ericsson patent issue ziakin kholsak hi phot mai thei.

Swedish telephone company Ericsson in Delhi High Court kiang ah Xiaomi te phone zuak uh kholsak dingin ngetna bawl uhi. A om dan bel Ericsson ten GSM phone a patent a neih te uh AMR, EDGE leh 3G tawh kisai pen Xiaomi ten patents fee ana piak khak louh ziak uh ahi. Kum masa lam in Micromax toh Samsung ten zong hiai patents tawh kisai buaina ana tuak kha uhi.

Delhi High Court a kipan official thusuah a om nai louh ziakin Xiaomi marketing partner Flipkart ten kal masa tan in Xiaomi phone a zuak uh khol tuan lou uhi. Official a thusuah hong om leh bel Xiaomi phone a zuak uh a khol phot uh ngai ding hi.

Xiaomi official ten a gen dan un India a sales hoih mahmah a, tukum June a kipan sales a bawl ua pan million kim khat handsets khong ta ahih dan uh gen uhi.

Hiai patents buaina toh kisai in Xiaomi Vice President Hugo Barra in hi chi in gen hi - “India is a very important market for Xiaomi and we will respond promptly as needed and in full compliance with Indian laws. Moreover, we are open to working with Ericsson to resolve this matter amicably”

Khenkhat gen dan in hiai legal case pen kumnawn February 2015 tan hon daih mai thei chi uh. Huai ma teng Xiaomi phone te Flipkart a lei theih dia omlou mai thei chih na bang hi. A lei khin te a dia bangmah lauhthawng huai lou ahi. A sale uh hiai thu a veng ma kholsak hiphot ding chihna ahi.