POLRD in Paite Sintungbu hawndawna nei
CCpur, June 24 *(Nisin Thuhiltu)* : Paite Organization for Literary Research and Development (POLRD) pawlin “Sintung Bu” siam uh chu tuni , 24 June 2018 sunnung dak 1:00 in Hiangtam Lamka a YPA-GHQ hall ah hawn in a um hi. Zia hun chun , Capt. V. Dongzathang, IRS (Retd) in Singtung Bu hawndawna nei in, Pastor V. Haupi, EBCC New Lane in Pathian kiang in a latna a nei a, T Khailianthang, President YPA Ghq banah Royal H. Thuamkhopau in thu genna nei in, Paite lekhamal mang ah thuthak lakhawm mi, editorial board-te banah lawiupa chuamchuam te’n lekhabu hawnna hun chu uap in, Vumlunmang Vualnam IAS Principal Secy, Govt of Manipur in le hun matna a uap hi.
Capt. V.Dongzathang, IRS (Retd) in a gendan in, Dr Gearson in linguistic survey a nei hun ah Paite kiti kituptak ah a la record hi’n a gen a, beh-le-phung hilo ah pau leh ham khat hi ah tepte hin a gen hi. Kum 1903 ah Sintungbu masapen kibawl panta, 1941 ah Silchar ah sut ah um Labupi khat siamdaw ah um ta a hidan taklatna a nei hi. T Khailianthang President YPA Ghq in a thugenna a chun, A, Aw, B & CH kiti Lamka ah Paite pau a kisun newspaper hi’n, puanthaw cable news hitaleh lekhabu zikna chuamchuam ah kimang zing a hina chung ah A, Aw, B, Ch paitha a thak puakdaw ding bang ziak ah pawimaw a hi em ti ah dawtna chuamchuam siam in, A, Aw, B, Ch chu kepbit pawimaw a sakthu a gen hi. Gennuam nei mi chuamchuam in ngaidan leh dawidan genna a nei nung un, Pastor Thangchinlun, Local Pastor, EBCC Hiangtam Lamka in pauchapna tawh hun matna a khak hi.

YPA Zenhang Lamka in kum 38 tinna lawm ding
CCpur, June 24 *(Nisin Thuhiltu)* : YPA Zenhang Lamka in a kiphudaw nung kum 38 tinna June 29, 2018 zingkallam dak 10:30 leh VK Montessori Campus, Zenhang Lamka ah lawm ding a hiu a, K.Shyama, Founder President, YPA Zenhang Lamka Unit in YPA Flag kaipalna nei ding, Chief Guest hina tawh V. Hangkhanlian, Minister (Agri.Vety &AH) in uap ding, Functional President hina tawh Ginsuanhau, MLA & Chairman, MANIREDA in uap ding leh Chief Host hina tawh V. Khaikhanmung, Vice Chairman, ADC/CCpur in uap ding a hi. Chun, Guest of Honour hina tawh Khaipao Haokip, Chairman, ADC/CCpur in uap ding, Inntekpa hina tawh Letkhochinthang Valte, Chief of Zenhang Lamka in uap ding a hi.

KZP GHQ in kipakpina nei ding
CCpur, June 24 *(Nisin Thuhiltu)* : Khangthah Zuun Pawl (KZP), General Headquarters in tukum 2018 ah Pawl X & XII- State leh Central Board Exam ah lawtinna neite kipakpina 1st July 2018 @1:30pm leh Simte Inn, Simveng nei ding a hi. Zia hun chu, David Kamlalmuan Zote, Jt Registrar, Manipur University; Dr Kim Simte, Chief Medical Officer,Ccpur leh T Mangkhanthang Simte @MKT Simte, Second-in-Command,STC/BSF, Mualkawi te’n khuallian hina tawh uap ding, T Lamminlal Simte,MCS, SDO/BDO Thanlon leh Th Jamchinthang Simte, MDC, 5-Thanlon AC te’n Special Guest leh Chief Host hina tawh uap ding, Special Invitees hina tawh STC GHQ, SYO GHQ, SLS leh KZP EF Donor te’n uap ding a hiu.

Beti Bachao Beti Padhao Slogan leh Anthem ah kidemna um ding
CCpur, June 24 *(Nisin Thuhiltu)* : Shyam Lal Poonia IAS/DC/CCpur in thusua a bawlna a chun, numei naupangte dawpkangna ding ah phualpi solkal in scheme a patdaw Beti Bachao Beti Padhao (Save Girl Child, Educate Girl Child) kiti CCpur district sung ah le hawn hipaita ding in a gen hi. Zia chu tawh kitawn ah Beti Bachao Beti Padhao Slogan leh Anthem ah kidemna um ding hi’n a taklang a, zia kidemna a chu a neupen a pat a lianpen tiang ah pang thei ding uh hi’n a gen hi. Best Slogan phuak thiampen te chu Rs.3000 piak hiding a hiu a, Best Anthem la te Rs.3000 ma piak hiding a hi. Category 2 ah Consolation prize 4 tiang, Rs 500 chiat piak hiding a hiu. Slogan leh Anthem ahileh English ahiloleh Local pau khat zawkzawk ah hithei ding, kidemna pang nuam te’n Beti Bachao Beti Padhao genna Slogan ahiloleh Anthem banah Min, umna mun leh Contact detail kimtak June 30, 2018 tiang ah DC Office ah piaklut thei ding a hi.

Dialkhai khawsuak a lawtingte kipakpi
CCpur, June 24 *(Nisin Thuhiltu)* : Dialkhai Inndongta Committee in tuni sunnung dak 1:30 in S. Paukhansiam Inn, Hebron Veng, New Lamka ah tukum ah Dialkhai khawmi Class X leh Class XII exam ah lawtinna nei te kipakpina a nei ui. Hun matna, S. Ginkhanmuan in amapui a, Upa TS Jamlian, Adviser in pauchapna tawh hun hawnna nei in, T. Chinkhanthang in vaidawnna thu gen in, S. Ginkhanmuan in tukum ah lawtinna nei te taklatna a nei hi. Lawtinna nei te chu T. Ginzakham mapuina’ kipakpi etsakna memento piak in a um ua, Upa S. Thang Jeson, Adviser in tilkhona nei in, pauchap piakna a nei hi. Tukum 2018 in Dialkhai khawmi, Class-X ah student 8 leh Class-XII ah 11, a kigawm ah mi 19 te’n lawtinna nei ui.

YPA V. Munhoih in Class- X & XII lawtinna nei te kipakpi
CCpur, June 24 *(Nisin Thuhiltu)* : Young Paite Association (YPA), V. Munhoih in tuni sunnung in V. Munhoih vengsung a pat tukum 2018 ah Class-X leh Class-XII exam ah lawtinna nei te kipakpina a siam hi. Zia hun matna chu Chief Guest hina tawh Khaipao Haokip, Chairman, ADC/CCpur in a uap a, Functional Preident in T. Paukhanlian, Executive Member, ADC/CCpur a pang hi. Chief Guest in a thugenna a chun, nu-le-pa te’n tanggam pansa, chate khawpi sung ah lekha simsak ah, chate mi lawting khat a hitheina ding ua kukal tak leh kinepna liantak ah panlakna nei a hidan uh geldawk thak ah student te’n kukal tak ah zilna lam a ngai khawk ding uh a nawp thu a gen hi. Hun mat sung in Pastor M. Ginzatun, EBCC V. Munhoih in student lawtinna nei te pauchap piak in, Pastor H. Douamng, NTBC in tilkhona thu a gen hi. V. Munhoih Vengsung in tukum Class-X exam ah lawtinna nei student 14 leh Class-XII student 10 a um ua, kipakpina memento khat chiat piak a hiu. Class-X leh Class-XII exam ah lawtinna nei te lak ah mark musang penpen te chu YPA V. Munhoih President leh Secretary Award piak in a um ui. Class-X ah Cathy Vunglunmawi /o S. Kamchingmang in marks 72.5 percent amuna chung in, YPA V. Munhoih Secreary Award a sang a, Class-XII ah H. Mungkhanlal s/o H. Lianzasing in marks 74.2 percent tawh YPA V. Munhoih President Award a sang hi. Award sang mi 2-te Belpi khat gel piak a hiu.

Agar cultivation in lo-bawl mite kinepna thak piading: Chief Minister

Imphal, June 24 *(Nisin Thuhiltu)* : Langol Reserved Forest, Luwangshangbam ah tuni’n ‘Agar Tree Plantation” launching programme a um hi. Zia hun chu khuallian hina tawh Chief Minister N. Biren Singh in a uap a, ‘Agar Tree Plantation” hawndawna a nei kawm in thingno phuna a nei hi. Chief Minister in a thugenna a chun, Agar cultivation in lo-bawl mite ding ah kinepna thak piading a hidan gen in, state sung ah poppy cultivation haisan ah khuami (villager) te’n Agar zawk a chiin ding uh nawpna ziak ah ‘Agar Tree Plantation” launching kibawl in a gen hi. State sung ah ‘Agar thingno lakh 3 tuam phu hiding in a gen hi. Chief Minister in zia ah government panlakna chu mipi’n kithuapi ding in chialna a bawl hi.

‘Go to Village’ mission tawh kisai le genlang in haksatna tut ah um sukfek piak nailo ah um te sukfelna ding ah panlakna chiatha zing leh 26th June 2018 leh state sung mun chuamchuam ah next ‘Go to Village’ camp chiapi hiding in a gen hi. Zia hun matna chu, Minister for Forest and Environment Th.Shyamkumar, Deputy Speaker K. Robindro Singh, PCCF leh HoFF K. Angami te banah Forest Department official chuamchuam te’n le a uap ui.

CM’s Relief Fund ding Rs. 1,00,000 donate
Imphal, June 24 *(Nisin Thuhiltu)* : Chairman of UNACCO School, N. Irabanta Singh in Manipur ah tulet ziak ah haksatna tuak te kithuapina ding in tuni’n Chief Minister’s Relief Fund ding in Chief Minister’s Secretariat ah Chief Minister khut in Rs. 1,00,000 piakdawna a nei hi.

MU Vice Chancellor apat haina siamlo ding: Prof. Pandey
Imphal, Jun. 24 *(Nisin Thuhiltu)* : Manipur University Students Union (MUSU) leh pawl chuamchuam in, Manipur University, Vice Chancellor, Prof. Adiya Prasad Pandey paithak ding phutna nei ah kiphinna neizing maleu Vice Chancellor, Prof. Adiya Prasad Pandey in Vice Chancellor hina a pat haina siamlo ding a hidan tuni’n a gen hi.
Prof. Adiya Prasad Pandey in ama chu University ah sem ding ah um a hidan gen in, a chung ah ngawna um zosia chu thuzuau hi’n a gen a, a kiang ah students body te’n demand bangma neikhalo, ngawna kibawl te thudiklo hi’n a gen hi. A langkhatlam ah
Manipur University ah Deans 5 te’n haina a siamnau tawh kisai a genna a chun, namphu haisak ah um a hidan uh gen in, students leh teachers tamtak ama lam ah pang leh kiphinna nei ah kiko pawl chu group khenkhat hi’n a gen hi. Chun, smart class equipments installation leh thil dangdang ah Manipur University ah a lemchanlona leh buaina bangma umlo in a gen hi. Hiatthei khat chu, pawl chuamchuam in kiphinna nei zing tawh kitawn ah Manipur University ah Dean 5 te’n haina a la siam ui.

Literature in society, civilization level sulang: Governor Dr. Najma Heptulla

Imphal, June 24 *(Nisin Thuhiltu)* : Maharaja Chandrakirti Auditorium, Place Compound, Imphal ah tuni’n 83rd Award presentation ceremony of Manipuri Sahitya Parishad kiti a um hi. Zia hun chu Governor Dr. Najma Heptulla leh Art and Culture minister L. Jayantakumar te’n khuallian hina tawh a uap ui. Governor Dr. Najma Heptulla in a thugenna a chun, Literature in human society, civilization level sulang zing a hidan gen in, khanto masawnna um te sulang hi’n a gen a, art, Culture & literature lam ah a chungchuang diak hina nei, Award muthei ding te tawh hun mangkhawm thei ah a um chu kipak mama hi’n a gen hi. Manipur Sahitya Parishad in kum 1935 a pat Manipuri language, literature leh culture lam tawh kisai ah panlakna neipanta a hidan te taklang in, Manipuri language leh literature khanto masawnna ding ah Manipur Sahitya Parishad panlakna thupi mama in a gen hi. Manipur Sahitya Parishad panlakna ziak ah 8th Schedule of the Constitution of India ah Manipuri language pang thei a hidan gen in, Sahitya Akademi in Indian languages list a siamna ah le Manipuri language in panmun neithei hi’n a gen hi.

Art and Culture minister L. Jayantakumar in a thugenna a chun, government in Writers te kimukhawm theina ding mun siampiak ding a hidan gen in, zia chu Imphal city apat mun gamla hilo ding leh Writers te ding ah munthawveng tak khat hiding in a gen hi. Manipur Culture Policy chu kum 10 zaw sinleh etthak hisek a hidan gen in, Sahitya Parishad in ngaidan leh dawidan tawh kisai government kiang ah a piak ding a nawp thu a gen hi. Chun, Manipur Cine Policy draft kibawl chu zawthian hita leh cabinet approval ding ah kikawi hita hi’n a gen hi.

Zia ah hun matna a chun, Manipur Sahitya Parishad in mi 32 te kiang in literature lam ah panla chungchuang diak ah kihia mi 32 te kiang in award piakdawna a nei a, Minister L. Jayantakumar in award piakdawna a nei hi. Chun, Manipur Sahitya Parishad kithuapina ding ah government in tumasang ah a puansa, Rs 5 lakh cheque piakdawna le a hi. Hun matna chu, Prof. Kangjam Ibohal Singh, President, Manipur Sahitya parishad in le a uap hi.

A hina kihialo pawsal 1 hiatchian hita
Kangpokpi, June 24 *(Nisin Thuhiltu)* : ah Sapormeina Area Women Union in a chiata 22nd June 2018 ni ah kua ahi hiatlo pawsal khat Gamnom Sapormeina Police Station ah a piaklut chu hiatchian in a um a, a insungmiteu kiang ah piakdaw in a um hi. Kua ahi hiatlo Police Station ah kipelut ahileh Wichamdin Pamei (30), s/o Chaplinbou Pamei of Kanglatongbi Tejpari, Sekmai Police station, Imphal West a hia, suapi numei 3 nei, chapa changkhat a lunggel buai sek mi a hi. Wichamdin Pamei (30) pianna pa, Chaplinbou Pamei in, local newspapers khenkhat ah a lim a mu tawh kitawn ah Gamnom Sapormeina Police Station zuan ngal a hidan gen in, Class X a sim ding ah admission bawlzo ah school kaipan hita himaleh hunchawmkhat zaw lunggel lam ah buaina (mental problem) nei ah school kaizawm theilo ah um,a bil ah cancer natna le nei himaleh inchen haksat ziak ah ki enkawl zolo uh, tumasang ah Dunong/Ajaiki, Part-I in Tamenglong District ah a la khawsa a hidan uh a gen hi. A chapa changkhat neisun vakmang, a la kaihuai Gamnom Sapormeina Police, Sapormeina local CSO te leh media te chung in kipakthu le a taklang hi.

Indian territory kikek neu: DC/Tengnoupal
Imphal, June 24 *(Nisin Thuhiltu)* : Tengnoupal Deputy Commissioner A. Tombikanta in Manipur district leh Myanmar gamgi ah Indian territory hunkhawp Myanmar in amau gam dan ah a laklut ziak ua Survey of India report ah suai kai nuamlo a hidan taklang in, Kwatha Khunou village ah boundary pillar No 81kawi ah um, zia chu gamgi a pat km 3 ah gamla India gamsung ah boundary pillars kikawi a hidan Kwatha Khunou khuami te’n complaints a bawl uh tawh kitawn ah thil umdan khualna a nei hun ah mudawk hi’n a gen hi. May 22 ah Tengnoupal Deputy Commissioner mawpuakna a lak tawh kitawn ah state Home Department panna thuneitu chuamchuam in territory thu ah buaina bangma umlo ah documents chung ah suai kai ding ah nawna bawl zing maleu boundary pillar No 81 umna a diklo banah government boundary pillars No 82 leh 83 umna a etthak ding pawimaw ah le gen hi’n thudawnna’n a taklang hi.

Moreh CSO te’n ADC /Chandel Chairman mat ah a um dem
Moreh, June 24 *(Nisin Thuhiltu)* : Moreh ah Civil Society Organisation chuamchuam ah leader-General Secretary, Meitei Council,Moreh, N Inaocha Meitei, President, Hill Tribal Council, Moreh, Ginsei Lhungdim, General Secretary, Tamil Sangam, Moreh, Md. Thila Khan, President, Manipuri Muslim Council, Moreh, Md. Jalaluddin, President, Gorkha Samaj, Moreh, Durga Sharma Acharya leh President, Gorkha Samaj Sewa Samiti, Tengnoupal Dist., Moreh, Manipur te’n joint-statement a suadawnau a chun, achiata June 19, 2018 zan ah Police te’n khamthei tawh ADC /Chandel Chairman Lhukhosei Zou @Shesei Zou amatna chung ua, social media leh WhatsApp voice messages ah demna chi chuamchuam taklat ah a um chu demna bawl in, thil umdan khualna chiatha zing a hina chung ah political mileage lakna ding ah ADC/Chandel Chairman khamthei tawh a kimatna manggua te ziak ah thil hawilo piang thei ding in le a taklang bawk ui.

Manipur University VC in a panmun a nutsia ding: Trinamool Congress
Imphal, June 24 *(Nisin Thuhiltu)* : Manipur Pradesh Trinamool Congress Committee (MPTCC) in Manipur University ahkiphinna leh buaina um te a sukven zawlona chung ah Manipur University Vice Chancellor Adya Prasad Pandey chu avaima theilam ah Vice Chancellor hina a pat a hai ding phutna a bawl hi. MPTCC in thusua a bawlna a chun, Vice Chancellor in Rashtriya Swayamsevak Sangh background neite dawisak chuam ah nei ah Manipur University ah kivai puakna chawkbuai in ngawna a siam a, Manipur University Students Union (MUSU) demand - Registrar, examination controller, finance officer etc appointment tawh kisai ah ahi ding gual tak ah panlakna nei nuamlo in le ngawna a siam hi. Chun, Minister of HRD Prakash Javedkar chu Manipur University buaina enzui ding leh buaina a vaima theilam ah sukven gua ding in phutna a bawl hi.

JNIMS ah CMHT card panna bei suak
Imphal, June 24 *(Nisin Thuhiltu)* : JNIMS hospital, Imphal ah damlo Operation Theatre table kining ting tak a umlo ziak ah damlo tamtak surgery ding ah private hospital ah sawl sawn ah um sek uh hi’n a kigen hi. Medical college ah upgrade bawl a himasang ah JNIMS in Operation Theatre 2 bep a la nei himaleh, medical College ding ah dawpsan a hinung ah Operation Theatre 5 kawi ah um a hia, himaleh Modular high tech Operation Theatre table kila thak te a quality a hawilo ziak ah doctor te’n mang nuamlo, tu ah Operation Theatre table khatbep matthei ah um ah gen a hi. Zia chu tawh kitawn ah mi tamlo cha surgery bawl thei ding tina a suak a, surgery bawl ding mi a tam huntak leh damlo te private hospital ah sawl sawn hisek un a kigen hi. Zia ziak a chu, damlo khenkhat in Chief Minister Gi Hakshel Gi Tengaband (CMHT) card nei maleu Private Hospital ah surgery bawl ahi ua leh a CMHT card uh a panna bei a suak hi.

Sanjita doping case buaipi ding ah JAC kiphutdawk
Imphal, June 24 *(Nisin Thuhiltu)* : Proletarian Feminist Movement (POFM) mapuina tuni’n Manipur Press Club ah public meeting a um hi. Zia hun a chun doping case ziak ah tukum Asian Games ah Manipur a pat weightlifter Khumukcham Sanjita pang theilo ding ah kawi ah a umna tawh kisai genkhawmna a nei ui. Public meeting hun in Joint Action Committee (JAC) siamdaw ding lemsakna nei in, JAC in State Chief Minister Biren thuhiat ding leh Indian Weightlifting Federation (IWF) thuneitu te thil umdan hilchianna bawlsak ding, IWF competitions zosia pang theilo ding ah disqualified bawl United States Anti-Doping Agency (USADA) ah thil umdan kanzui ding in lemsakna a nei ui. Zia tawh kisai a chu DESAM panna Socialist Women Organisation, Pokpham, Socialists Students Union leh club chuamchuam ah member 2 te’n palai hina tawh tunung sawtlo ah Chief Minister kimupi ding uh ti a hi. Chun, Manipur Olympic Association (MOA) leh Manipur Weightlifting Association in le weightlifter Khumukcham Sanjita support bawl ding, Japan ah next Olympics kipat masang ngei ah Khumukcham Sanjita doping case sukfel ding in lemsakna nei ui.