DG/BSF, KK Sharma in Passing out parade uap
Lamka, June 10 *(Nisin Thuhiltu)* : Subsidiary Training Centre/Border Security Force (STC/BSF), G. Mualkoi ah tuni, June 10, 2018 zingkal dak 7:45 in Constable Batch 229 te’n training a zaw uh tawh kitawn in Satish Chand Parade Ground ah passing out Parade a nei ui. Zia hun chu, KK Sharma, IPS, Director General, Border Security Force in Chief Guest hina tawh a uap a, training zo thak constable 152 te a pat salute lakna nei in, kitiam sakna a nei hi. Passing out Parade ahileh Constable Jiban Krishan Mondal in Command ama pui a, hapta (weeks) 44 sung Physical Efficiency, Arms & Ammunition, Field Engineering, Border Management, Internal Security, Law & Human Rights leh a dangdang training zo thak, constable 152 gamsung humbit ding ah kisa zo ta a hidan report piakna a nei hi. Chief Guest in training zo thak te kitiamna a neisak zaw in, thugenna a nei a, Nasir Kamal, IPS, Special DG (Eastern Command, BSF), NS Jamwal, Inspector General, Ftr Hq. BSF Mizoram & Cachar, Solomon Yash Kumar Minz, IPS, Inspector General, STC/BSF, Churachandpur, Anand Singh, DIG, SHQ, BSF CI, OPS Manipur, Shyam Lal Poonia, IAS, DC Churachandpur, Rajesh Kumar Mishra, Commandant, Rakesh Balwal, IPS, SP Churachandpur, Vinay Yadav, Second in Command, STC/BSF Churachandpur leh khawtang mi pawimaw hunkhawp te’n le hun matna a uap ui.
CMLYC in Cl- X leh XII zo thak te kipakpina nei
Lamka, June 10 *(Nisin Thuhiltu)* : Churachandpur Meitei Leikai Youth Club (CMLYC) saina’ a 6 veina ding in tuni’n 2017-2018 ah Class X leh Class XII exam ah lawtinna nei te kipakpina Ibhudou Maigeingakpa Community Hall, Khumujamba Meitei Leikai in a um hi. Zia hun chu Dr. Keisham Amarjit Singh, Physician, District Hospital, Churachandpur in Chief Guest hina tawh uap in, Moirangthem Thoiba, Headmaster, Gandhi Centenary Junior High School, Thengra Leirak leh President, Meetei Society/Elementary Aided School Teachers’ Association, Churachandpur te’n Guest of Honour hina tawh a uap ua, Laishram Nilakanta Singh, President, Meetei Youth Organization, Churachandpur in Functional President hina tawh a uap hi. Hiatthei khat chu, Churachandpur ah Meitei Leikai chuamchuam a pat kum 2018 in Class XII exam ah mi 12 a lawting ua, amau lak a chun, First Division 7 leh Second Division 5 a um a, subject a letter mark mu mi 3 a um hi. Class XII overall topper ah X-Tra Edge School apat percent 72.20 mu, Langpoklakpam Alina Devi in MIL subject ah letter mark a mui. Class X ah student 23 a lawting ua, student 11 in First Division ah zo in, student 12 in Second Division in pawl X a zo ua, student 10 in letter mark muchiat in, overall topper, AG High School apat percent 88.16 mu, Priscilla Haorokchom in MIL, English, Maths, Science, Social Science leh Home Science in letter mark a mui. Zia hun matna chu chial chuam ah um mi bangzat a hem te banah nu-le-pate te’n le a uap ua, National leh First South Asian Kung-fu Championship 2018-2019 ah Gold Medal sang, Kuber Mairembam le chawihawi in a um hi. Phanjoubam Bhogindro leh a insungmi te’n MIL subject ah letter mark mu zosia te kiang in kipakpina thil piak piakna a nei ua, Jugindro Singh, Chief Advisor, CMLYC in kipakthu genna tawh hunkhakna a siam hi.
YPA New Lamka Block mapuina’ kithuakhawmna hun nei
Lamka, June 10 *(Nisin Thuhiltu)* : Young Paite Association (YPA) New Lamka Block mapuina’ tuni, June 10, 2018 sunnung dak 1:00 apat in YPA Hall, New Lamka ah New Lamka huapsung ah YPA Unit 13 apat Executive Member leh YPA New Lamka Block Election 2018 a candidate-te ban ah block lawiupa thak te’n kithuakhawna hun a mang ui. Zia hun a chun, Paumuanlal Guite, Assistant Secretary, YPA New Lamka Block in hun matna amapui a, S Manlian, Vice President in vaidawnna thu a gen hi. T Awnsuanhau, Secretary in kimelhiattuana siam in, H. Haukhenpau, President in “Sual Dona leh Khamthei Dodalna” ti tawh kisai ah thugenna nei in, agenda chuamchuam genkhawmna a nei ui.
LSO exam ah lawting te kipakpina siam
Lamka, June 10 *(Nisin Thuhiltu)* : LSO (Lungthul L Students Organization ) Lamka in tukum 2018 ah class X leh XII zo thak te kipakpina tuni’n LSO office Lanva in a nei hi. Zia hun a chun, Lungthul L khua suak mite lak a tukum 2018 ah class X leh XII exam ah lawtinna nei student 28 te kipakpi siam in, memorial topper award hawmdawna a nei ui. Class X te lak ah S Lianminthang s/o Khupmung in Lungthul L Hausa (late) Mr & Mrs Liankhomang award a sang a, Class XII ah (CoHSEM) te lak ah S. Thangminlun s/o S Ginzamuan in 64% a mu tawh kitawn in mark musang pen hina tawh (Late) S Vunglam award a sang a, class XII (CBSE) te lak ah NiangEzer d/o Rev. T chinkhangen (74%) in (Late) Zamzakham award a sang hi. Zia Award sang te chu Memento leh sum (cash) piak a hiu. Chun, lawtinna nei student te chu Rev S Kaikhanmang Mission Director NTBCA in pauchap piakna a nei hi.
CCpur District Toppers' Award 2018
Lamka, June 10 *(Nisin Thuhiltu)* : Joint Students' Body in 13th June, 2018 (Wednesday) leh Synod Hall, IB Road, CCpur ah “Churachandpur District Toppers' Award 2018” piakdawna nei ding a hi. Zia hun chu, Chief Guest hina tawh Radheshyam, Minister, (Education, Labour & Employment), Govt of Manipur hina tawh uap ding, Functional President ah V. Hangkhanlian, Minister (Agriculture, Vety. & AH.) pang ding a hi. Chun, Guest of Honour hina tawh TN. Haokip, President, MPCC; T. Thangzalam Haokip, MLA, Henglep AC & Chairman, HAC, Vungzagin Valte, MLA Thanlon AC & Chairman, MTDC;Ginsuanhau Zou, MLA Singngat AC & Chairman, MANIREDA leh Dr. Chaltonlien Amo, MLA/55-Tipaimukh A/C te’n uap ding, Chief Host hina tawh Khaipao Haokip, Chairman, ADC/ Churachandpur in uap ding a hi. Chuleh, Special Guest hina tawh Shyam Lal Poonia, IAS, DC/ Churachandpur leh Rakesh Balwal, IPS, SP/Churachandpur in uap ding, Special Invitees hina tawh Executive Members ADC zosia leh MDCs Churachandpur District banah Churachandpur District ah DLOs zosia’n uap ding a hiu. Zia hun matna chu atam theipen in uap ding in Joint Students' Body in chialna a bawl hi.
MU Vice-Chancellor in exam centre entha
Imphal, June 10 *(Nisin Thuhiltu)* : Prof. Adya Prasad Pandey, Vice-Chancellor of Manipur University in tuni’n examination centres 2 - Ghanapriya Women’s College, Imphal leh Dhanamanjuri College of Science, Imphal vena a nei hi. Zia hun a chun, Vice-Chancellor in teaching faculty te academic development tawh kisai in holimna a neipi a, college principal tawh le examination chiathakna tawh kisai le genkhawmna a nei hi. Vice Chancellor in “examination thiangtho tak ah kichiapi chu quality education ding ah value sangpen in a gen a, result a hun tak ah a suak theina ding ah answer paper a vaima theilam ah check zaw hiding in a gen hi. Manipur University ah academic atmosphere tawh kisai a genna a chun, Prof. Adya Prasad Pandey in Manipur University Students Union (MUSU) chu thudiklo thezak ah achiatha zing examinations chawbuaina ding ah panlalo ding in chialna bawl in, MUSU in university administration a kithuapi zawk ah student te maban sukvenna ding ah panlakna a nei ding a nawp thu a gen hi.
Student 1 a kikhailumsa kimudawk
Kakching, June 10 *(Nisin Thuhiltu)* : Wairi Tanky Pareng ah Private Hostel haal sung in class X student khat a kikhailumsa mudaw in a um hi. Student kikhailumsa kimudawk ahileh Saleibam Ramjit Singh (17) s/o S. Bishorjit of Wabagai Thambal Chingya, Kaching district, Padma Ratna English School Kakching ah Class X simlai a hi. Private hostel “Shilhenba Coaching Centre” ahileh Naorem Romesh of Kakching Wairi Tanky Pareng in a run a hia, hostel warden in a khailup hi’n a kigen hi. Police team in SP Kakching Y. Victoria mapuina thil umdan khualna a nei nung ua, JNIMS morgue ah thi-luang kawi in a um hi.
Gari hatai ziak ah EVM minister chapa mat ah um
Imphal, June 10 *(Nisin Thuhiltu)* : Manipur Environment minister, Th. Shyamkumar’ chapa Th. Satyajit chu gari hattak ah tai ziak in Police te’n aman ui. Simhaini ah gari hattak ah a tai ziak ah Police 2 suliam in a kigen a, amat ah a um nung ah Th. Satyajit, 23 chu Chief Judicial Magistrate, Imphal ah dinsak ah a um nung in ni 3 sung police custody ah um ding in court in lemsakna a nei hi. Th. Satyajit, 23 chung ah Sections 353/279/338 IPC for criminal assault to deter public servant from discharging their duty, rash driving & endangering personal safety of others ah case ziklut in a um a, MG Avenue ah tinted windows, black colour Honda City car ah a taina mat ah um a hi. A kigendan ah gari hattak ah a tawl ziak ah police te’n a kham ua leh kham nuamlo ah a tai teitei ziak ah police te’n a nan ua leh police duty te phusuk ah taitheng in le a kigen a, ziana a chu policemen, T Akhup Kom, 41, of Thayong Village leh Ningthoujam Anilkumar, 28, of Kodompkpi Mamang Leikai te phuliam hi’n thu dawnna’n a gen hi.
Trump Kim summit: US leh N Korean leader te Singapore tungta
Singapore, June 10 *(Nisin Thuhiltu)* : Singapore ah kihona nei ding US President Donald Trump leh North Korean leader Kim Jong-un chu tuni’n Singapore a tung gel ui. Air Force One mang in US President Donald Trump in Singapore a chuan a, North Korean leader Kim Jong-un in Air China Boeing, flight number CA122 ah chuang in Singapore leitual a chuan hi. North Korean leader Kim Jong-un in Singapore leitual a chawt nung sawtlo in, US President Donald Trump le Singapore a tung a, Sepkitni leh resort island Sentosa ah kihona a neina ding uh tawh kigamla lo cha um, hotel chuam gel in a tung ui. Leader 2 te kihona a chu North Korean delegation lak ah Kim's kithuapi, Kim Chang Son leh anau numei Kim Yo Jong te le pang ding hi’n a kigen a, Trump's delegation lak ah US Secretary of State Mike Pompeo, national security adviser John Bolton, White House Chief of Staff John Kelly leh White House Press Secretary Sarah Sanders te pang ding un a kigen hi. Leader 2 te’n kihona a nei hun ua, Korean Peninsula ah North Korea leh South Korea kal ah buaina um zing, sukvenna ding leh North Korea in nasatak ah nuclear gal a siamna tawh kisai banah North Korea chung ah international economic sanctions dinmun tawh kisai panna issue chuamchuam genkhawm ding uh ti a hi.