CCPur/Assam Rifles saina’ Ex-Servicemen Rally

Lamka, June 9 *(Nisin Thuhiltu)* : Churachandpur Assam Rifles saina’ tuni, 9th June 2018 zingkal lam dak 11:00 in District Training Centre, Tuibong ah Ex-Servicemen Rally a um hi. Zia hun chu, V. Hangkhanlian, Minister (Agri, Vety & AH) in Chief Guest hina tawh a uap a, Khaipao Haokip, Chairman, ADC/CCpur leh Rakesh Balwal, IPS, SP/CCpur te’n Guest of Honour hina tawh a uap ui.

Ex-Servicemen Rally hunsung in, Ex-Servicemen 72, Widow (Meithai) 52, Veer Naris 2 te leh a insungmi teu a kigawm ah mi 300 val a pang ua, Brig. Ajay Kumar, Commandant 27-Sector, Assam Rifles in vaidawnna thu gen in, khualliante a pat in thugenna a um hi. Chief Guest in a thugenna a chun, Assam Rifles in district sung ah mipi te phatchuampi thei ding ah nasep thilbawl a nei zing uh kipakpi mama a hidan gen in, maban ah panlakna a sutzawm zel ding uh a nawp thu a gen hi.

Hun mat sung in, sepai pension kum 75 chunglam - Mangjalun Kuki, Mangchung, Pianga Lushai, Kamvum Paite, Dengkhuma, Zamchinpau leh N. Vumkhanpau te leh meithai - Zami Gangte, Maya Gurung, Thanglenkim, Goihzaching, Niangkhoi leh Chawang Nelha te banah gal ah a pawsal te’n a thisan, Veer Naris Hatkhochin w/o Halvidar Thangjalet Kuki leh Neithenkim w/o Rifleman Ginlal Ven te a kigawm ah mi 15 kiang in thilpiak piakna a um a, penson tawh kisai ah haksatna chuamchuam nei te haksatna etzui piak in, medical deparment te'n medical camp a bawl ua, Axis Bank, SBI, Adadhar, Agriculture, Holticulture, Fisheries, KVK, Sericulture department te'n stall bawl in khutthiam thil bawl chi chuamchuam suklat in a um hi.

Measles (sensi) ziak ah naupang 1 thi

Lamka, June 9 *(Nisin Thuhiltu)* : Churachandpur District ah Measles (sensi) piang thak ah hiat a hi tawh kitawn in, District Family Welfare Office in a dodalna ding ah panlakna nei ngal in, tuni’n Measles-Rubilla Vaccination bawl in, mun 7 - Hmuia Veng, K. Sinai S. Kunglal Veng, Hengkom Veng, S Muoldung Veng, K. Commissariat leh K Khomunnom ah naupang 109 te damdawi kapna a nei hi. A langkhatlam in, Measles (sensi) ziak ah naupang damlona tuak umna ah confirm at K. Sinai khua leh Monglenphai ah zani a pat a kha’n naupang 183 te damdawi kap in a um ua, Measles (sensi) ziak ah K. Sinai khua ah naupang 1 in thina tuak ah hiat a hi. DFWO, Dr Jam Thianlal in a genna a chun, Measles natna a kithezak lona ding ah mass vaccination cmap bawl ah um a hidan gen in, K Sinai ah inn 15 cheng, inn 5 te khualzin, a inn uh chabi kikam a hidan taklang in, inkuan 3 ah naupang13 te school ah damdawi kap ah um hiu ah a nu leh pa te’u in gen maleu documents a puakdaw theilona chung ua ‘Resistance”hiu ah record ah um in a gen hi.

ZRO in khautak ah khamthei dodalna chiapi ding
Lamka, June 9 *(Nisin Thuhiltu)* : Zomi Re-unification Organisation (ZRO) Hqtr ah Secretary Kenneth Muan in tuni ah mipi te hiat ding ah thusua a bawlna a chun, ZRO mapuina nuai ah tuni ah Zomi Hausa te' tawh Simte Inn, Simveng ah Zogam ah Poppy (Kani) plantation, Marijuana (Ganja) plantation leh Khawpi sung ah khamthei zawk khapna chiapi ah um zing chu a khauzaw sem ah chiapi ding ah genkhawmna nei a hidan uh taklang in, a chiakhawm te’n kithutuak tak ah gamsung ah Poppy leh Marijuana (Ganja) plantation kiti himhim khap ding ah lemsakna nei uh hi’n a gen hi. Zia ding a chu Zomi Chiefs’ Association in a pawimaw dungzui ah kithuapina a piak zing ding a hidan taklang in, Kani, Nganja leh Marijuana (Ganja) chiing teitei a um leh thunung thuma umlo ah suksiat piak hiding, kuama thasia theilo ding in a taklang hi. Zialo a chun, khawpi sung leh a kim leh kiang ah khamthei zawk leh kikap kiti himhim phal hilo a hidan taklang in, pawlpi kalsuanna zosia Zomi Chiefs’ Association in kithuapi zing ding ah lemsakna nei un a gen hi.

Free Thyroid Health Camp bawl

Lamka, June 9 *(Nisin Thuhiltu)* : Abbott India Limited, Thyronorm Division leh Dr. Liangoumuan Samte kithua in tuni, June 9, 2018 in Saikham Road, Vengnuam New Lamka ah Free Thyroid Health Camp kiti a um hi. Zia hun a chun, Abbott India Limited, Thyronorm Division apat Area Manager, Sanamacha leh Romen te’n, tualsung mi Nurse Niangngaihlun, Hlingboi, Muanching, Vuvung, Janet leh Biaksang te kithuapina tawh Health Camp ah min khum lut te sisan test ding in thisan lakna a nei ua, Shyam Lal Poonia, ISA, Deputy Commissioner, Churachandpur leh azi ban ah a pianna nu te’n le Free Thyroid Testing bawl ding in a thisan uh a lakdaw sak ui.

Tuni ah Free Thyroid Health Camp a chun, mi 402 tiang thisan lak in a um a, Kiginni, June 16, 2018 ah Free Testing sutzawm hiding in a kigen hi. Zia ding a chu Registration bawlpat kit theita leh tuni mai ah le mi 100 val in hapta kit ah Free Testing a ding ah Registration bawl uh ti a hi. Thisan kila te chu, Mumbai ah thawt hiding, Courier Charge ah Rs. 90 lak ah um, Result ahileh June 21 leh 22, 2018 ah Dr. Liangoumuan’ inn, Saikham Road ah lak thei ding, positive mudaw ah um te a thawn ah damdawi piak hiding, test bawlngai umte Abbott India Limited in a thawn ah bawl piak ding ti a hi. Hapta kit leh Free Testing Camp a um tak leh Liver Function Test (LFT) le bawlkhawm thei ding hi’n a kigen hi.

Joint Students’ Union in student lawtinna nei te kipakpina siam

Lamka, June 9 *(Nisin Thuhiltu)* : Joint Students’ Union (JSU), Thangting Unit saina’ tuni, June 9, 2018 in Henglep Assembly Constituency huapsung ah Class X leh Class XII ah lawtinna nei te ding in, NHPC Conference Hall, Loktak Project ah kipakpina hun mat in a um hi. Zia hun chu Thangzalam Haokip, MLA/Chairman, Hill Areas Committee (HAC) Manipur in Chief Guest hina tawh a uap a, Rajgopal Singh, CO, 32 Battalion CRPF in Guest of Honor hina tawh uap in, Bishwajit Basu, General Manager, NHPC in Functional President hina tawh a uap a, Lalrongbawl, MCS, SDO Kangvai in Chief Host hina tawh a uap hi. Boicy Gangte leh Kh Lungdin Aimol te’n hun matna mapui in, Pastor L. Vaiphei, GBC in hun pat pauchapna nei in, Samson Pamei, Secretary, ZSU (SA) in vaidawnna thu a gen a, Jangkholun, General Secretary, KSO Henglep in Class X leh Class XII zo te leh topper-te introduce bawlna nei in, Education Secretary mapuina nuai ah Meritorious Award piakdawna a um hi. Pastor Satlet in lawtinna neite ding in Pathian kiang ah kipakthu genna leh pauchappiakna a nei a, Soikhanding, President, Zillai, Chongkhawzou Block in huntawp ah kipakthu gen in, Pastor D. Duhngam, Zeihkuluang Baptist Church in pauchapna tawh hun khakna a bawl hi. Zia hun matna a chun, BSEM leh CBSE nuai ah Class X leh Class XII, overall topper te banah MIL ah Thadou/Kuki, Rongmei, Gangte leh Vaiphei ah topper zosia te kiang ah Citation leh Cash Award piakdawna a um a, Chief Association chuamchuam leh lawtinna nei student nu-le-pa hunkhawp te’n le a uap ui.

District hospital morgue ah thiluang 1 kikawi
Lamka, June 9 *(Nisin Thuhiltu)* : District hospital morgue ah mi vuaklum hiding ah ginchat pawsal khat a thisa kawi in a um hi. Thina tuak ahileh Fiemsanglien kum 36 s/o Zolien of Mualvaiphei ahi. Ama ahileh June 7, 2018 nitak dak 6:00 leh dak 7:00 kikal ah, Rengkai Zote veng ah a lawi te mi 2 tawh kinial buai ah, a kinak nau ah Fiemsanglien in liamna nasa tak tuak, Hmar Youth Association HYA Rengkai branch in Hospital ah pawlut ah, doctor in first aid abawl zaw ah, pawt sak maleh Fiemsanglien in a zing kit June 8, 2018 ah a liamna naa sak ziak ah district hospital ah ki-ensak kit, zia hun a chu Doctor te’n hospital ah admit bawl, Fiemsanglien in aliamna tuak zo lo ah, tuni June 9, 2018 zingkal dak 2 vel ah thi hi’n a kigen hi. Zia chu tawh kitawn ah district hospital morgue ah a luang kawi in a um a, tuni sun dak 12 ah postmortem bawl ah um a hidan a insungmite’n gen in, police ah FIR bawl in a um a, FIR 51(6)2018 under section 304/326/34-IPC nuai ah case tepte in a um hi.

Free Eye Screening Camp bawl
lamka, June 9 *(Nisin Thuhiltu)* : Lions’ Club, Imphal, Lions’ Club, Moirang leh Lions’ Club, Churachandpur Greater (International District 322-D) kithuakhawm in tuni, June 9, 2018 sunma dak 11:00 in Ebenezer Clinic, New Lamka ah Free Eye Screening Camp a bawl ui. Free Eye Screening hun in RIMS Imphal apat Dr. Y. Sangini leh Dr. Lipok, Yanger te’n mit lam a buaina neite etchianna nei in, a pawimaw dungzui in damdawi piakna a ei ui.

Meritorious Award Ceremony- 2018 nei
Lamka June 9 *(Nisin Thuhiltu)* : Thengra Meritorious Award Committee (TMAC), Thengra Leirak, Churachandpur saina’ Thengra Community Hall ah a 6-veina Meritorious Award Ceremony- 2018 tuni’n a um hi. Zia hun chu L. Mohendro Singh, Chairman, Council of Hr. Sec. Education, Manipur in Chief Guest hina tawh a uap a, H. Jonny Sharma, MPS, SDPO/CCpur leh Rev. Fr. Kholi Emmanuel, Principal, Don Bosco Hr. Sec. School te’n Guest of Honour hina tawh a uap ui. Thengra Leirak a pat tukum 2018 in Class-X ah student 8 leh Class-XII ah student 3, a kigawm ah student 11 in lawtinna a nei ua, amau chu kipakpina’n inventive award piak in a um ui. Soibam Meritorious Award, Konsham Family Award leh Ronaldo Meritorious Award le piak a hiu.

Chief Minister in 2007 Pourabi bomb puakna suakcha Maikel Meetei kimupi

Imphal, June 9 *(Nisin Thuhiltu)* : Chief Minister N. Biren Singh in tuni’n Chief Minister’s Secretariat ah Pourabi blast victim Konthoujam Maikel Meetei a kimupi hi. Kum 29 ah upa Konthoujam Maikel Meetei ahileh Wakhong Makha Leikai, Imphal East district a pat a hia, painting thiam mi a hi. Chief Minister in talent nei leh buaina ziak ah liam leh bai te Govrenment in a kithuapi ding pawimaw a hidan gen in, cabinet in govt sepna, Konthoujam Maikel Meetei pethei ding ah thupukna a siam chu lungdam umsa hi’n a gen hi.

Konthoujam Maikel Meetei ahileh Imphal East district, Pourabi village ah achiata December 16, 2007 ni ah bomb hattak a puakna a keng langni ah sia a hia, zia bomb puak ziak a khan mi 7 te’n thina tuak in mi 30 val te’n liamna a la tuak ui. Chun, Manipur University nuai ah Imphal Art College a pat kum 2010 ah BFA (1st Class Painting) zo a hia, North East Zone Cultural Centre (NEZCC), Dimapur a pat Young Talented Artistes Award for Painting, 2008-2009 a la dawng leh Korasala Art Society, Hyderabad a pat International Best Child Artist Award, 2003 a la dawng a hi. Hiatthei khat chu, State Cabinet in achiata May 16, 2018 ni a khan, Maikel Meetei chu Art and Culture Department, Government of Manipur nuai ah ama sep thei dingdawl sepna piak ding in lemsakna a la nei hi.

Army Chief in Arunachal LAC area entha

Imphal, June 9 *(Nisin Thuhiltu)* : India Army Chief , General Bipin Rawat, UYSM, AVSM, YSM, SM, VSM in tuni’n Arunachal Pradesh, Line of Actual Control (LAC) ah Spear Corps forward areas etthakna a nei hi. India Army Chief chu Lieutenant General Abhay Krishna, General Officer Commanding-in-Chief Eastern Command leh Lieutenant General Gopal R, General Officer Commanding Spear Corps te’n le a zui ua, Taksing panna mun chuam ah sepai te panlakna tawh kisai etthakna a nei hi. Zia hun a chun, local commanders in thil umdan tawh kisai genna a nei a, India Army Chief , General Bipin Rawat in sepai te panlakna pakcha mama kawm in, chamna leh muanna a um theina ding ah professional manner ah sepai te’n panlakna a chiapi zawm zel ding uh a nawp thu a gen hi. Spear Corps ahileh North East States pathum ah Counter Insurgency operations bawlna tawh kisai chiapi leh mawpua a hia, Arunachal Pradesh ah LAC zul ah operations chiapi zing a hi.

LPG gas connection piakdawna nei

Imphal, June 9 *(Nisin Thuhiltu)* : Dr. Sapam Ranjan Singh, MLA & Chairman, Tourism Corporation of Manipur Ltd. in tuni’n PMUY nuai ah ST beneficiaries 44, CMHT beneficiaries 375 te kiang in LPG gas connection piakdawna a nei hi. Zia LPG gas connection piakdaw ah um te chu M/S Rbd Indane Service panlakna nuai ah kipedawk a hi.

Measles (sensi) ziak ah naupang 1 thi
Imphal, June 9 *(Nisin Thuhiltu)* : Churachandpur District ah Measles (sensi) piang thak ah hiat a hi tawh kitawn in, District Family Welfare Office in a dodalna ding ah panlakna nei ngal in, tuni’n Measles-Rubilla Vaccination bawl in, mun 7 - Hmuia Veng, K. Sinai S. Kunglal Veng, Hengkom Veng, S Muoldung Veng, K. Commissariat leh K Khomunnom ah naupang 109 te damdawi kapna a nei hi. A langkhatlam in, Measles (sensi) ziak ah naupang damlona tuak umna ah confirm at K. Sinai khua leh Monglenphai ah zani a pat a kha’n naupang 183 te damdawi kap in a um ua, Measles (sensi) ziak ah K. Sinai khua ah naupang 1 in thina tuak ah hiat a hi. DFWO, Dr Jam Thianlal in a genna a chun, Measles natna a kithezak lona ding ah mass vaccination cmap bawl ah um a hidan gen in, K Sinai ah inn 15 cheng, inn 5 te khualzin, a inn uh chabi kikam a hidan taklang in, inkuan 3 ah naupang13 te school ah damdawi kap ah um hiu ah a nu leh pa te’u in gen maleu documents a puakdaw theilona chung ua ‘Resistance”hiu ah record ah um in a gen hi.

Non-locals mi 2 meithal ah kikap;1 thi

Imphal, June 9 *(Nisin Thuhiltu)* : Langol, Imphal West ah ah tuni, 9th June 2018 nitak dak 7:00 tuam ah dukan ah ration chawk gua non-locals mi 2 te galvan chawi pawl khat in meithal in a kap ua, ziana a chun mi 1 in liamna ziak ah thina tuak in, mi 1 hospital ah etkawl in a um hi. Mi 2 te chu Bihar state a pat a hiu a, thina tuak chu Montu Paswan (20) s/o Rajuram Paswan of Moti Hari district, Bihar a hi. Liamna tuak ahileh Chanda Paswan (18) s/o Ranjit Paswan, Moti Hati District, Bihar a pat mi ma a hi. Chanda Paswan chu a keng kap piak ah um a hia, Motu Paswan ahileh a tumpi kap piak ah um, hospital ah puak himaleh lamkal ah thi a hi. A langkhatlam ah bang ziak ah kua’n non-locals mi 2 te chu meithal ah a kap uh a hi em ti hiat a hi pua, mi 2 te kap ah kipuang le kuama a um nai tadilo a hi.

Marks mutamna ding mai hizawlo ah hiatthiamna ngaikhawk ding: Education Minister

Kangpokpi, June 9 *(Nisin Thuhiltu)* : Kuki Students’ Organization Sadar Hills in tuni’n Education Minister Th. Radheshyam in tuni’n Gamnom Sapormeina Community Hall ah Sadar Hills Kangpokpi District a pat HSLC leh HSE 2018 examination ah lawtinna nei student te kipakpina a nei hi. Zia hun chu Education Minister Th. Radheshyam in Chief Guest hina tawh a uap hi. Education Minister in a thugenna a chun, tuhun ah student te’n hiatthiamlo um te a hiathiamsa te dawtnawpna neitamlo a hidan gen in, kumdang sang ah tukum result hawizaw gual ah kilang maleh society ah a phalam ah kisanna muding um nailo a hidan taklang in, student te’n hiatthiamna ding hizawlo ah mark mu tamna ding mai ah lekha a sim ziak ua, a phalam ah kisanna um theilo in a gen hi. Nu leh pa te chu naupang etkawlna kawng ah mark mutamna ding mai ah chate ziltillo ding leh hiatthiamna a nei theina ding uh tawh ziltil ding pawimaw a hidan gen in, student te chu pressure cooker ahilo dan uh nu leh pa te’n hiatthiam pawimaw in a gen hi. Teachers te chu student community te kal ah kimudawna a umlona ding leh kituakna school a mi’n a etla theina ding ua panla ding in chialna a bawl hi. Zia hun matna chu, Education Minister Th. Radheshyam banah local MLA Ngamthang Haokip leh DC Kangpokpi, Kuki Inpi Kangpokpi District te’n le uap in, Rev. Mangpithang Haokip in student te pauchap piakna a nei hi.

Rs 21 lakhs man ding Ginseng mandawk

Imphal, June 9 *(Nisin Thuhiltu)* : Moreh Battalion, 26 Sector Assam Rifles in tuni’n bags 10 ah kichun, 350 Kgs tuam ding Ginseng amandawk a, matdaw ah um Ginseng chu Rs 21,0,000/- man hizo ding in a kigen hi. Diesel Auto ah Myanmar puaklut ding kigua, Ginseng chu New Moreh area, Moreh, Tengnoupal District ah Moreh Battalion Assam Rifles team khat in amatdaw hi’n a kigen a, matdaw ah um te leh a pawtu chu Forest Office Moreh ah piaklut in a um hi. Ginseng ahileh thingzung chikhat damdawi ah kimang a hi.

Assam Rifles in Warlike Stores mudawk

Imphal, June 9 *(Nisin Thuhiltu)* : Keithelmanbi Battalion, Assam Rifles in Waiton, Imphal East District in 8 June 2018 in explosive material leh warlike stores hunkhawp a mudawk hi. Imphal East Commando tawh kithua ah Assam Rifles in joint operation a nei hun ua, Claymore shaped IED, 10 PEK strips, switch, battery leh circuit kisel chu amudaw uh hi’n a kigen a, a huntak ah a puakzak thei thil te mudaw ah a um chu chamna leh muanna susia thei ding thil tuktanna leh hinna humbitna chi khat hi’n Assam Rifles thusuak in a gen hi.

UP ah tek-kiak ziak ah mi 28 in thina tuak
Lucknow, June 9 *(Nisin Thuhiltu)* : Uttar Pradesh ah van git leh tek kiak ziak in dakkal 24 sung in mi 28 te’n thina a tuak ui. Thudawnna’n a taklat dan in, Sultanpur district ah thina tuak tampen leh mi 6 in thina tuak in a gen a, Jaunpur ah mi 5 te’n thina tuak in a gen hi. Chun, Unnao district ah mi 4 thina tuak leh Baharaich leh Chandauli District ah mi 3 gel in thina tuak in a gen a, Raebareli ah mi 2 in thina tuak in a gen hi. Zialo a chu Saharanpur, Mirzapur, Sitapur, Amethi leh Pratapgarh district ah mi 1 chiat in thina tuak in thusuak in a gen a, zia ah thina tuak insungmite chu financial assistance ZRs 1 lakhs chiat piak hiding in Uttar Pradesh state government in a puang hi. A langkhatlam in UP state sung mun chuamchuam in gua nasatak in a zui’i.

State 8, Ut 4 leh Union health ministry in MoU suai kai
New Delhi, June 9 *(Nisin Thuhiltu)* : State 8 leh Union Territories 4 in Union Health Ministry tawh scheme Ayushman Bharat - National Health Protection Mission chiapina ding in MoU suai a kai a, zia dungzui a chu damlo hitan tuakna tawh kisai ah inkuan khat Rs 5 lakhs tiang ah kum 1 sung ah kithuapina piak ding ti a hi. Scheme nuai ah beneficiary te’n India gamsung ah Private leh public hospital ah cashless benefit ah scheme a mu thei ding uh ti a hi. Union Health Ministry tawh State 8 MoU suai kai te lak a chun, Himachal Pradesh, Haryana, Jammu and Kashmir leh Uttarakhand a pang a, Union Territory te lak in Chandigarh a pang a, Gujarat, Madhya Pradesh, Uttar Pradesh, Bihar, Andhra Pradesh, Kerala, Andaman and Nicobar Islands leh Tamil Nadu te’n Union Health Ministry tawh tunung sawtlo ah scheme Ayushman Bharat - National Health Protection Mission chiapina ding tawh kisai a chu MoU suai kai ding hi’n a kigen hi.

India leh China in MoU suai kai; PM Modi leh President Xi Jinping in kihona nei

Qingdao (China), June 9 *(Nisin Thuhiltu)* : Chinese President Xi Jinping leh Prime Minister Narendra Modi te mapuina’ tuni’n gam 2 in delegation-level talks a nei a, kihona neizaw in China in Brahmaputra lui ah hydrological information tawh kisai India a hiatsakna ding leh India a pat China gam ah non-Basmati anchang (rice) puaklutna tawh kisai ah protocol on phytosanitary requirements siamthakna ding in MoU suai a kai ui. Brahmaputra lui ah hydrological information tawh kisai in China's Ministry of Water Resources leh India's Ministry of Water Resources, River Development &, Ganga Rejuvenation te’n MoU chung in suai a kai ua, non-Basmati anchang (rice) puaklutna tawh kisai in China's General Administration of Customs leh India's Department of Agriculture, Cooperation & Farmers Welfare in MoU chung in suai a kai ui.

Prime Minister Modi in Chinese President Xi Jinping tawh a kihonau tawh kisai a genna a chun, lawting tak ah informal meeting neithei a hidan uh a gen a, President Xi in kihona a nei hun ua China-India khantona ding leh relations hawina ding genkhawm uh a hidan taklang in, China in India tawh panlak khawm ding lemsa hi’n a gen hi.

Shanghai Cooperation Organisation (SCO) summit uap ding ah China ah khualzin, Prime Minister Narendra Modi leh SCO member gam apat leader te’n tuni’n Qingdao khawpi a um, International Conference centre ah Chinese artists te apat special cultural event khat a uap ua, zia hun a chun lâm, la sak leh thil chuam chuam mu nawp um tak tak a sulang ui. Ni 2 um ding SCO Summit ahileh kumsin ah um sek, tukum Summit ah regional security chung chang nasatak ah genkhawm hiding a hi.