* BYF Lamka South Division in New-Lamka Baptist Church ah Leaders Camp nei.

* ZRA in Thiankim tawh Damdawi Khamtheih RP tang mankhawm.

* YPA General Headquater Hall Hingtam Lamka ah Christian Book Festival kipan.

* Common Service Centre tawh kisai in District eGovernance society in Workshop nei.

* District Sericulture Co-operative Federation in Annual General Meeting tawh kithuah in Operation and Maintenance Cost leh Rearing Equipment hawmna nei.

* KVK Churachandpur nuai a Scientific Advisory Committee leh akisaipih District Level Officer te'n Meeting neiding.

* District Aids Prevention and Control Unit in Saptuam heutu te Sensitization Training peding.

* Gangte Student Organisation Churachandpur in Felicitation Programme zang ding.

TUN TANCHIN KIMZAW IN :

Evangelical Baptist Convention Baptist Youth Fellowship, Lamka South Division saina in tuni akipan New Lamka Baptist Church, Elim Veng ah Leaders' Camp nei uhi. Tuni zinglam dak 7:00 in Rev Thawndoulian, Divisional Superintendent, Lamka South Division in Camp hong a, Camp sung in Rev L.Khamkholun, General Secretary EBC in Leadership chih thupi pansan in thugen a Pastor T.Thangzasiam, Local Pastor, Sinzawl EBCC in Discipleship chih pansan in sinsak hi. Hiai Camp ah Lamka South Division nuai a Bapstist Youth Fellowship makai te tel in zingchiang in zouding uhi.

Zomi Revolutionary Army, ZRA in tuni zinglam dak 10:00 vel in Thiankim (28) W/o Tuanmuansang of Sahei Road man in amah apan khamtheih Relipen (RP) tang hunkhop mukhia uhi. Matkhiak a om RP tang 177 pha a sum a tuat in sang leh za 7 leh 70 vel manding in kigen a, tuni mah in Media te mai ah mei in haltum uhi. ZRA lam apan thu kiza dan Lamka khopi sung ah khamtheih doudalna naktak in sutzop sawm ua, tuni'a mat a om Thiankim in khamtheih a zuak nawn leh ZRA in a tenna inn hentangsak ding ahihdan gen ua, huaiban ah midang inleng khamtheih zuak nawnlou ding in theihsakna bawl uhi.

Tamil Nadu state sung a laibu zuakkhe tam leh minthangpen pawl a kigen Beautiful Books in tuni apan July 1, 2012 tan daih ding in YPA General Headquater Hall, Hiangtam Lamka ah Christian Book Festival, 2012 hong nei uhi. Hiai hun ah Beautiful Books Chennai in Pathian thu-le-laibu tuamtuam ban ah key chain, CD, DVD, poster leh Christian sahkhua tawh kituak vanzat tuamtuam kimantak in zuak uhi.

District  e - Governance society, Churachandpur saina in tuni zinglam dak 10:00 in DC Churachandpur office kiang a District Training Centre ah "Delivery of Services through the Common Service centres (CSCs)' toh kisai in workshop nei uhi. Hiai hun ah District e-Governance Society member teng, District Level Officer leh Common Service Centres a VLE teng a tel ban uah, CDSU representative 20 leh Philanthropic leh Youth Organisation tuamtuam apan representative 2 zel tel in resource person 8 vel in common service centre tawh kisai in sinsak uhi.

District Project Co-ordinator,Manipur Sericulture Project Churachandpur saina nuai ah tuni zinglam dak 11:00 in Tuibuong a Sericulture office ah District Sericulture Co-operative Federation in Annual General Meeting leh Operation and Maintenance Cost ban ah lung khoina vanzat (Rearing Equipment) hawmna tawh kithuah in program zang uhi.Hiai hun ah Jacintha Lazarus IAS DC Churachandpur in Chief Guest hihna tawp uap a, H.Ginzamang Simte,Director of Seritulture in Guest of Honour hihna tawh uap hi. Jacintha Lazarus IAS Deputy Commissioner Churachandpur in athugenna ah, lungkhoina mun hahsiang gige ngai ahihman in maban ah MGNREGS tungtawn a hahsak dingdan ngaihtuahpih ding ahihdan gen a, hiai programme tungtawn a lungkhoi mite'n thil tampi a theih beh uh deihsak thugen hi. Programme sung in Manipur Sericulture Project a Field Operational Unit (FOU) nuai a benefiaciary 54 te lak ah a cheque a Sing 1 chiat piak ding chih himahleh cheque a fel nailouh ziak in
 mi 27 te kiang ah pekhe phot hi. Catalytic Development Program (CDP) 2010-11 nuai a beneficiary 20-te kiang ah lungkhoina vanzat tuamtuam leng pekhe ngal hi.

Krishi Vigyan Kendra KVK Churachandpur nuai a Scientific Advisory Committee leh akisaipih District Level Officer te'n July 2,2012 sunma dak 10:30 in KVK Pearsonmun ah Meeting a 6veina neiding uhi. Hiai hun ah Dr. N Prakash Joint Director ICAR Research Complex for NEH Region Manipur Centre and Chairman Scientific Advisory Committee KVK Churachandpur in Meeting makaih in Chairman address gending a, Dr.Wr. Singh Programme Co-ordinator KVK Churachandpur in Progress report pia in kumnawn a action plan tawh kisai taklang ding a, committee member te'n kihoulimna hunzang ding uhi.

District AIDS Prevention and Control Unit(DAPCU) saina in zingchiang zinglam dak 10:00 in New Lamka Dorcas Hall a Semi-Auditorium ah Saptuam makai (church leader) te ading in People Living with HIV/AIDS  tawh kisai in One-day sensitisation training programme for faith healer’ kichi omding a, Jacintha Lazarus, IAS, DC Churachandpur khuallian apang in training programme hong ding hi. Huai hun ah Dr.HL Liensang,Chief Medical Officer in keynote address gen ding a, Dr. VC Pau, District Family Welfare Officer leh Rev. V.Khamvum, Lecturer, Grace Bible College GBC, in thupi tuam tuam pansan in sinsak ding uhi.

Gangte Students Organisation Churachandpur District in Gangte nam sung a Class X leh Class XII examination a lohchinna ngahte kipahpihna programme zingchiang sunma dak 11:00 in KKL Complex Headquarters Veng ah neiding uhi. Hiai fecilitation Program ah Neinu Gangte in Chief Guest hihna toh uap in Class X leh Class XII examination a lohchinna ngahte kipahpihna in certificate peding a, Haopu Gangte in Functional President in pang ding hi.

* 25th International Day Against Drugs Abuse and Illicit Trafficking, kizang.

* District Council Office huangsung a OPD niteng in kihongta ding.

* Langkhanpau Guite Chairman ADCC makaih in MDC teng in Kum 2 chinna lawm.

* District Malaria Officer in PHC tuamtuam a Health Supervisor leh Worker te Meeting neihpih.

* District Aids Prevention and Control Unit in Saptuam Heutu te ading in Sensitization Training Programme saisawm.

* District e-Governance society in Common Service Centre tawh kisai in Workshop neiding.

* ZRO Cabinet Council in mi 3 Suspend in 1 Terminate.

* SBI Churachandpur Branch in Ebenezer Academy veh ding.

* CDSA in (Late) Khaikhanlian First Division Football League 2012 saiding.

District Administration leh District Social Welfare Office saina in tuni sunma dak 10 in Synod Hall IB Road ah "Think Health, Not Drugs" chih pansan in 25th International Day Against Drugs Abuse and illicit trafficking" kizang hi. Hiai hun ah Dr.HL Liensang Chief Medical Officer in " Drugs Abuse and Its Affects in Our District" chih pansan in thugen a, Jacintha Lazarus IAS DC Churachandpur in " Administration and Civil Society in Prevention of Drugs Abuse" chih pansan in thugen hi. Langkhanpau Guite Chairman ADCC in " Political Leaders as Change Agents Against Drugs Abuse" chih pansan in thugen a, Interaction hun ah Saptuam heutu lam apan Rev.Bishop Ginkhanmung Zou in thugen a, Student Leader lam apan President CDSU, Headmaster lam apan Vunglallian Proprietor Lalpuithluaii foundation School leh District Youth lam apan H Doungel District Youth Co-ordinator NYK Churachandpur in thugen uhi. Hiai hun ah June 22,2012 a Essay Writting Competition a kipahman te
leng hawmkhe ngal uhi. Kipahman late ahihleh Category I (Class V to VIII) ah Ngaihoihkim of Saviour Public school in khatna la in, chingngaihnem of Saviour Public School in nihna a lak ban ah David Pauthansang of Rayburn High School in thumna la hi. Category II (Class IX to XII) ah Gingoulun of Rayburn College in khatna la a, Sachidra Bhatcharjee of St. Paul's Institute leh K. Lalthang of St. Pauls' institute te'n nihna leh thumna la uhi. Essay competition a khatna la te'n kipahman sang 1 leh certificate sang ua, 2na leh 3na in 700 leh 500 ban ah certificate sang uhi. Hiai essay competition ah school tuamtuam apan student 90 val kihel ua, huaite kiang ah participation certificate leng pengal uhi.

Autonomous District Council office huangsung a Out Patient Department OPD nidang in Seppatni, Nilaini leh Sintawpni teng in kihong mahleh Kamsuanlun, Executive Member and Incharge Health thupiak dungzui in Mannuamching, Chief Executive Officer ADCC in zan apan niteng a OPD hong ding in thusuah hi. Huaitawh kiton in OPD ah Dr. Thangkholet leh staff nurse 2 zinglam dak 10:00 apan sunnung dak 1:00 tan duty gige uhi.

Autonomous District Council Churachandpur nuai a MDC hong om nung kum 2 chinna tuni ahihtawh kiton in tuni sunnung dak 1 in Langkhanpau Guite Chairman ADCC makaih in District Council Member te'n Chariman Office Chamber ah Pathian kiang a kipah thugenna nei uhi. Hiai hun ah Pastor H Jamkhanpau Local Pastor EBCC Gangpimual in District Council Member te ading in maitam bawl a, Pathian kiang ah thumsak hi. Mannuamching Chief Executive Officer in MDC teng pakkhi ok-sak a, Chairman Pu Zi in singtangmite nam puan tuamtuam silhsak hi.Langkhanpau Guite Chairman ADCC in MDC te kipahpihna thil piak leng pengal hi.

District Malaria officer Dr. P.Nengzadou, in zan a Saikot PHC leh Sagang PHC nuai a Male Health Supervisor , Male Health Worker leh Multipurpose Worker teng meeting a neihpih nung in tuni'n Behiang PHC, Singngat PHC leh Henglep PHC nuai a Male Health Supervisor , Male Health Worker leh Multipurpose Worker te’ meeting neihpih nawn a, zingchiang in Parbung PHC, Senvon PHC leh Zezaw PHC nuai a te meeting neihpih ding a, June 28, 2012 in Thanlon PHC leh Sinzawl PHC nuai a te meeting neihpih nawnding hi’n kigen hi.

District AIDS Prevention and Control Unit(DAPCU) saina in June 30, 2012 zinglam dak 10:00 apan in New Lamka Dorcas Hall a Semi-Auditorium ah Saptuam makai (church leader) te ading in People Living with HIV/AIDS tawh kisai in One-day sensitisation training programme for faith healer’ kichi omding a, Jacintha Lazarus, IAS, DC Churachandpur khuallian apang in training programme hong ding hi. Huai hun ah Dr.HL Liensang,Chief Medical Officer in keynote address gen ding a, Dr. VC Pau, District Family Welfare Officer leh Rev. V.Khamvum, Lecturer, Grace Bible College GBC, in thupi tuam tuam pansan in sinsak ding uhi.

District e - Governance society, Churachandpur saina in june 29, 2012 zinglam dak 10:00 in DC Churachandpur office kiang a District Training Centre ah "Delivery of Services through the Common Service Centres (CSCs)' chih pansan in workshop om ding hi. Hiai hun ah District e-Governance Society member teng, District Level Officer leh Common Service Centres a VLE teng telding uhi. Hiai workshop a telding in Jacintha Lazarus IAS DC/CCpur in CDSU kiang ah representative 20 bek sawl ding in ngetna bawl a, Philanthropic leh Youth Organisation tuamtuam apan representative 2 tan bek telsak ding in ngetna bawl hi.

Zomi Re-Unification Organisation ZRO a Information and Public Relation secretary Kenneth in June 23,2012 a thusuah a bawl kimu in a gendan in ZRO Cabinet Council in naktak a, a suizui nung in gam-le-nam adia sem mi 3, D Kamsuanthang General Secretary, Khamlunthang Director GAD leh Kamkhopau @ Pauboi Deputy Director te'n Organisation sung a coup sawm ziak un June 23,2012 a Cabinet Council resolution number 1 dungzui a, June 23,2012 akipan thuthak om masiah suspend ahihdan uh taklang a, huaiban ah Cabinet council thupukna dungzui in June 23,2012 akipan ni 7 sung a, Cabinet Council a ki-report a, hilhchetna bawl ding inleng theihsakna bawl ngal hi. Huailou in April 17,2012 a Suspend a om K Nengzamuan @ Nicolas leng Nampi paidan kalh a gamtang te lak a tel ziak in Cabinet Council thupukna dungzui a June 23,2012 akipan tawpsak ahihdan taklang hi.

State Bank of India SBI Churachandpur Branch in June 28,2012 in New -Lamka a Ebenezer Academy veh ding ua, hiai ding tawh kisai in Summer Vacation lai himahleh Student Class IV akipan Class X te'n Unifrom kimtak silh a, zinglam dak 8:50 a School tungkim ding in H Liankhanlal Principal Ebenezer Academy in theihsakna bawl.

Churachandpur District Sports Association CDSA in The First Division District Football Tournament (Late) Khaikhanlian First Division Football League 2012, kichi July 21,2012 in Lamka Public Ground ah saisawm uhi. Lunglutna nei Club te'n Security Deposit 500 tel in Entry fee sang 3 sung ngai ding a, Entry form ahihleh July 2,2012 in kihawmkhe panding a, July 14,2012 tan in piaklut theih ding hi. Tournament ding tawh kisai in July 18,2012 in Club Manager te'n meeting neiding uhi.

Singngat Vision 2020 in Apaisa June 21,2012 in Airtel Company te muanhuai pending chi in Singngat Sub-Division sung Behiang leh Guite kual ah Airtel network install ding in ngetna pia uhi. Hiai ding tawh kisai in Singngat Vision 2020 in Singngat Sub-Division sung a Khaw Hausa tuamtuam te kimuhpih in deihsakna leh theihpihna suai kaikhawm ua, huaizawh in Lamka Tele-Service Airtel Company a manager Tabitha kiang ah pelut uhi. Lamka Tele-Service a Manager Tabitha inleng awlmohna lianpi tawh ngetna pesawn ngal in Imphal, Guwahati leh Delhi a Airtel Company thuneitu te tawh Tele-Cinference in dakkal khat val kihouna neingal uhi. Kihouna dungzui in Tabitha Manager Lamka Tele-Service in Singngat Bial ah Airtel Network install hipah ding ahihdan Singngat Vision 2020 makai te theisak hi.