2009 in khovel pumpi ah Muslim milip 1,570,000,000 a om ua,khovel pumpi a mi omzah a 23% ahi uhi. 2010 in khovel pumpi a Judami om zah 13,428,300 ahi ua,khovel a mi om zah a 0.02% ahi uh. Khovel a Juda mi khat omna ah Muslim 100 om tawh kikim hi. Hinapi in Muslim mi tengteng gawmkhawm sang a a leh za val a thilhih thei zaw in Juda mite om uhi. Aziak na ngaihtuah ngei hia ?
Nazareth Jesu pen Juda mi hi a, Alfred Einstein, khovel om nung a mi thu nunthei pen a kigen leng Judami mah ahi. Lungsim lam suisiamtu Sigmund Freud, Paul Samuelson leh Milton Friedmante leng Juda mi mah ahi uh.
A pilna uh khovel pumpi a hamphat pih Judamite geen ni. Benjamin Rubin in hidalna dia kikapna phim mukhia a, Jonas Salk in zeng dalna kikapna mukhia hi. Alert Sabin in zengdalna masa pen a bawlkhia a. Gertrude Elion in leukemia etkolna damdawi hon nutsiat hi. Baruch Blumberg in Hepatitis B kapna hon bawlkhia a, B Paul Ehrlich In saihi ( syphilis) etkolna ding na mukhia hi. Elie Metchnikoff in natna kilawhthei te a suina ziak un Nobel Prize ana sang hi.
Muslim mihing huaizah om lak ah anuai aten 1901 – 2011 sung in Nobel Prize ana ngah uh:
Literature : 1998 Najib Mahfooz
Peace : 1978 Mahammed Anwar El-Sadat
1994 Yasser Arafat
2003 Shirin Ebadi
2006 Mohammed Yunus
Economics : Omlou
Chemistry : 1997 Ahmed Zewail
Physics : 1979 Abdus Salam
Medicine : 1960 Peter Brian Medawar
1998 Ferid Mourad A vek a gawm : 09
Israel suante’n ( Anu hiam pa hiam Juda mi hiam Juda sisan baangkha ) 1901 – 2011 kikal in Nobel Prize hichibang in na ngah uhi:
Literature : 1910 Paul Heyse Peace : 1911 Alfred Fried
1927 Henri Bergson 1911 Tobias Michael Carel Asser
1958 Boris Pasternak 1968 Rene Cassin
1966 Shmuel Yosef Agnon 1973 Henry Kissinger
1966 Nelly Sachs 1978 Menachem Begin
1976 Saul Bellow 1986 Elie Wiesel
1978 Isaac Bashevis Singer 1994 Shimon Peres
1991 Nadine Gordimer 1994 Yitzhak Rabin
2002 Imre Kertesz 1995 Sir Joseph Rotblat
2004 Elfriede Jelinek = 09 ( 9 % of world total )
2005 Harold Pinter = 13 ( 12 % of world total )
Chemistry :
1905 - Adolph Von Baeyer 1906 - Henri Moissan
1910 - Otto Wallach 1915 - Richard Willstaetter
1918 - Fritz Haber 1943 - George Charles de Hevesy
1961 - Melvin Calvin 1962 - Max Ferdinand Perutz
1972 - Christian Anfinsen 1972 - William Howard Stein
1977 - Ilya Prigogine 1979 - Herbert Charles Brown
1980 - Paul Berg 1980 - Walter Gilbert
1981 - Roald Hoffmann 1982 - Aaron Klug
1985 - Herbert A. Hauptman 1985 - Jerome Karle
1986 - John Polanyi 1989 - Sidney Altman
1992 - Rudolph Marcus 1994 - George Olah
1996 - Sir Harold Kroto
1998 - Walter Kohn 2000 - Alan Heeger
2004 - Aron Ciechanover 2004 - Avram Hershko
2004 - Irwin Rose
2006 - Roger Kornberg
2008 - Martin Chalfie
2009 - Ada Yonath 2010 - Dan Shechtman
= 32 ( 20 % of world total )
Economics:
1970 - Paul Anthony Samuelson 1971 - Simon Kuznets
1972 - Kenneth Joseph Arrow 1973 - Wassily Leontief
1975 - Leonid Kantorovich 1976 - Milton Friedman
1978 - Herbert A. Simon 1980 - Lawrence Robert Klein
1985 - Franco Modigliani 1987 - Robert M. Solow
1990 - Harry Markowitz 1990 - Merton Miller
1992 - Gary Becker 1993 - Robert Fogel
1994 - John Harsanyi 1994 - Reinhard Selten
1997 - Robert Merton 1997 - Myron Scholes
2001- Joseph Stiglitz 2001 - Goerge Akerlof
2002 - Daniel Kahneman 2005 - Robert Aumann
2007 - Leonid Hurwicz 2007 - Eric Maskin
2007 - Roger Myerson 2008 - Paul Krugman
2009 - Elinor Ostrom 2010 - Peter Diamond
= 28 ( 41 % of world total )
Medicine: 1908 - Elie Metchnikoff 1908 - Paul Erlich
1914 - Robert Barany 1922 - Otto Meyerhof
1930 - Karl Landsteiner 1931 - Otto Warburg
1936 - Otto Loewi 1944 - Joseph Erlanger
1945 - Ernst Boris Chain 1946 - Hermann Joseph Muller
1947 - Gerty Cori 1950 - Tadeus Reichstein
1952 - Selman Abraham Waksman 1953 - Hans Krebs
1953 - Fritz Albert Lipmann 1958 - Joshua Lederberg
1959 - Arthur Kornberg 1964 - Konrad Bloch
1965 - Francois Jacob 1965 - Andre Lwoff
1967 - George Wald 1968 - Marshall W. Nirenberg
1969 - Salvador Luria 1970 - Julius Axelrod
1970 - Sir Bernard Katz 1972 - Gerald Maurice Edelman
1975 - Howard Martin Temin 1975 - David Baltimore
1976 - Baruch S. Blumberg 1977 - Roselyn Sussman Yalow
1977 - Andrew Schally 1978 - Daniel Nathans
1980 - Baruj Bencerraf 1984 - Sir John Vane
1984 - Cesar Milstein 1985 - Michael Stuart Brown
1985 - Joseph L. Goldstein 1986 - Stanley Cohen
1986 - Rita Levi-Montalcini 1988 - Gertrude Elion
1989 - Harold Varmus 1992 - Edmond Fischer
1994 - Alfred Gilman 1994 - Martin Rodbell
1997 - Stanley Prusiner 1998 - Robert Furchgott
2000 - Paul Greengard 2000 - Eric Kandel
2002 - Sydney Brenner 2002 - H Robert Horvitz
2004 - Richard Axel 2006 - Andrew Z Fire
2011 - Bruce Beutler 2011 - Ralph Steinman
= 54 ( 27 % of world total )
Physics : 1907 - Albert Abraham Michelson 1908 - Gabriel Lippmann
1921 - Albert Einstein 1922 - Niels Bohr
1925 - James Franck 1943 - Otto Stein
1944 - Isidor Issac Rabi 1945- Wolfgang Pauli
1952 - Felix Bloch 1954 - Max Born
1958 - Igor Tamm 1958- Ilya Frank
1959 - Emilio Segre 1960 - Donald A. Glaser
1961 - Robert Hofstadter 1962 - Lev Davidovich Landau
1963 - Eugene Wigner 1965 - Richard Phillips Feynman
1965 - Julian Schwinger 1967- Hans Bethe
1969 - Murray Gell-Mann
1971 - Dennis Gabor
1972 - Leon Cooper 1973 - Brian David Josephson
1975 - Benjamin Mottleson 1976 - Burton Richter
1978 - Arno Allan Penzias 1979 - Sheldon Glashow
1979 - Stephen Weinberg 1981 - Arthur Schawlow
1987 - K Alexander Muller 1988 - Leon Lederman
1988 - Melvin Schwartz 1988 - Jack Steinberger
1990 - Jerome Friedman 1992 - Georges Charpak
1995 - Martin Perl 1995 - Frederick Reines
1996 - David Lee 1996 - Douglas Osheroff
1997 - Claude Cohen-Tannoudji 2000 - Zhores Alferov
2003 - Vitaly Ginzburg 2003 - Alexei Abrikosov
2004 - David Gross 2004 - H David Politzer
2005 - Roy Glauber 2011 - Saul Permutter
2011 - Adam Riess = 49 ( 27% of world total )
Avek a gawm = 185
Ahihleh, bang hang a Judate hichi tel a thupi leh thilhih thei a hi ua le? Hiai Nobel Prize mute ban ah leng khovel pumpi a mi suanhuai tampi omlai uhi.
Stanley Mezor in micro-processing chip masa pen mukhia a, Leo Szilard in nuclear chain reactor masa pen musuah hi. Peter Schultz in optical cable fibre, Charles Adler in traffic lights, Benno Strauss in stainless steel, Isador Kisee in cinema a aw suak thei, Emile Berliner in telephone microphone leh Charles Ginsburg in videotape recorder.
Sumdawnna khawvel a a mi suanhuai te lak ah Juda mite bang zah hiam tel uhi. Ralph Lauren ( Polo), Levis Strauss [ Levis Jeans ], Howard Schultz [ Starbucks], Sergey Brin [ Google], Michael Dell [ Dell computers ], Larry Ellison [ Oracle ], Donna Karan [ DNKY ], Irv Robbins [ Baskins & Robbins ], Bill Rosenberg ( Dunkin Donuts ).
Richard Levin, Yale University a President kha Judami ahi, Henry Kissinger, US Secretary of State, Alan Greenspan, fed chairman under Reagan, Bush, Clinton and Bush, Joseph Lieberman, Maaxim Litvinov, USSR a foreign minister, David Marshal, Singapore a chief minister masapen, Issac Isaacs, governor general of Australia, Benjamin Disraeli , Britain a thugenmi leh laigelhtu, Yevgeny Primakov, Russiate PM, Barry Goldwater, Jorge Sampaio, Portugal president, John Deutsch, CIA diector, Herb Gray, Canada a deputy PM, Pierre Mendes, French PM, Michael Howard, British home secretary leh Robert Rubin, American secretary of state te leng Judami ngen ahi uh.
Media a Juda mi minthang diakte lak ah Wolf Blitzer [ CNN], Barbara Waters [ ABC News ], Eugene Meyer [ Washington Post], Henru Grunwald [ Time a editor-in-chief], Katherine Graham [ Washington Post publisher], Joseph Lelyyeld [ New York Times a executive editor ] leh Max Frankel [ New York Times]te a hi uh.
Kimawlna lam ah Mark Spitz in gold medal sagih la in chiamteh tham ana hi a, Lenny Krayzelburg Olympic ah gold medal thum vei la hi.Boris Becker tel in a thum un Judami ngen ahi uhi.
Harrison Ford, George Burns, Tony Curtis, Charles Bronson, Sandra Bullock, Billy Crystal, Paul Newman, Peter Sellers, Dustin Hoffman, Michael Douglas, Ben Kingsley, Kirk Douglas, Cary Grant, William Shatner, Jerry Lewis and Peter Falk chihte Judami ngen ahihlam uh na thei hia? A diktak a gen in,Hollywoodleng Judami khat ana phuhsuah ahi. Director leh producerte lak ah, Steven Spielberg, Mel Brooks, Oliver Stone, Aaron Spelling (Beverly Hills 90210), Neil Simon (The Odd Couple), Andrew Vaina (Rambo 1/2/3), Michael Man (Starsky and Hutch), Milos Forman (One flew over the Cuckoo's Nest), Douglas Fairbanks (The Thief of Baghdad) leh Ivan Reitman (Ghostbusters)te Judami ngen ahi uh.
Khovel a khopi poimoh pen Washington ahi a, huai khopi a pawl poimoh pen The American Israel Public Affairs Committee hiam AIPAC kichi ahi. Israel PM Ehud Olmert in khovel a pum hilou in a peek ahi chih mukhe taleh, AIPAC in US Congress ah Olmert thil muhsuah kipahpihna chiamtehna thu pass sak thei ding hi.
William James Sidis, IQ of 250-300 neitu, khovel a mihing om ngei tengteng lak a khuak pilna sangpen, neitu,bang sakhua zuitu ahi dia le ? Juda mah.
Huchi ahihleh, Judate thilhih theihna thuguk bang a hia le? Siamsinna ahi.
Judate'n sepaih munpite ah, Muslimte chindan banglou tak in, naupangte brain washed lou in, bomb zang a mahni kithat a, Judate tam thei pen that leh Muslim loute laka a nase thei pen siatna tun ding in hasuanlou uhi. Judate'n leenna apikawi kei ua, Olympics ah kimawlmi a that kei ua, Geramnte hotel ah leng bomb zang in akithat kei uh. Biak inn susia Judami khat mah leng a omkei. A lungkimlouh latsakna ding a tualthat Judami khat mah leng a om kei. Judate'n suak -leh-sal a sumdawn a ching kei ua, a heutute uh jihadding a hasuan leh gingloumi teng that dia hasuantu a nei kei uh. A haksatnate uh Judate ngawh mailou in siamsinna pi bawl zaw le uh Muslimte'n ahih fuh zaw ding uh. Mite zahtakna a phuut ma un mihingte a dia bang hih theih nei uhiam chiin Muslimte kidong zaw uhen.
Israel leh Palestinian leh Arab gamte kikal a buaina thu ah ngaihdan bangteng nei in Isrealte mohsa sim mah le chin hiai thu ngaihtuah in: "Tuni a Arabte'n a galvante uh a koihkhiak uleh , thagum suahna bei diing a, Judate'n galvan a koih khiak uleh Israel gam om nawnlou diing hi". - Benjamin Netanyahu.
General Eisenhower in sihna camp a site luang a muh in a lung khoih mahmah a, lem tampi lasak in, huai campte omna kiim a German mite sam khawm in siluangte vui sak hi. Huchibang a ahihna ziak in hichibang in geen hi: Chiamteh theih teng chiamteh un. Theihpihtu om thei teng kaikhawm un – denchiang a kuahiam in hichibang thil tung ngeilou ahi hin chi ding ahi ngal a”, chi in.
Nikum lam deuh in UK ah The Holocaust kichi siamsinna laibu apan paihkhiak tum in kinialna om hi a ziakbel bel Muslim mitten huai thu ngaidah ua thil tung ngeiloupi ahi chi uhi. Himahleh pai khelou uhi. Iran tel in Muslim gam tuamtuam in holocaust pen thutak bulbal neilou hi in gen panta uhi.
Muslimten Islam sahkhua a zui ua, Judaten Judaism sahkhua a zui uh. Judaten Jesu leh Muhammad a nial ua, Muslimten huai te gel Pathian thupawtu in a ngai uh. Muslimten dawi leh gawtmun om chih a gingta ua, Judaten a gingta kei uh. Muslimten voksa a ne kei ua, zu leng a dawn kei uh. Judaten zu dawn poi a sa kei ua, voksa ahihleh sa neklouh diing tampite lak a khat lel ahi. Judate sahkho bute Tanach akichi a muslimte sahkhobu Quran a kichi.
Ahihleh, Muslimte hatlouhna ziak en nawn ni. A milip a tam dan uh hichiin gen le: khovel a mi nga lak a khat zel Muslim bang ahi a, Muslim nih ah Hindu khat, Muslim nih ah Buddhist khat leh Muslim za khat a Juda khat om bang ahi.
Organisation of Islamic Conference hiam OIC ah member gam 57 a om ua, university 500 vel a nei uhi. Muslim maktaduai 3 zel a dia university khat om bang ahi. America kia ah university 5758 a om a India ah 602 a om hi. 2004 in Shanghai a Jiao Tong University in khovel a university hoih telna a nei ua, 500 a telkhiakna lak uah Muslim University khat leng tellou hi.
United Nations Development Programme [ UNDP] in data a kaihkhawmna ua lang dan in Kristian tam zawkna gamte ah gelh thei leh sim thei 90% khawng ahi a, gam tam zawte ah 100% a tung hi. Muslim tam zawkna gam ah 40% vela hi a, koimun mah ah 100% ahihna mun omlou hi.Kristian gamte ah laisiam 40% vel in university tan ah a sin ua, Muslim gamte ah 2% tan vel in university ah sin uhi.
Muslim tam zawkna gamte ah Muslim maktaduai khat zel ah telsuimi 230 om bang ahi a, USA ah mihing maktaduai khat omna ah telsuimi 4000 om bang ahi. Japan ngial ah 5000 om zou hi. Muslim mtd 1 ah technician 50 zel a om a kristian mtd 1 ah technician 1000 zel om bang ahi.
Pakistan ah mi 1000 in tanchinbu copy 23 a kikoplai un Singapore ahi mi 1000 in copy 360 kikop bang ahi. UK a mihing mtd 1 in adia laibu 2000 vel a omlai in Egypt ah mihing mtd 1 adin laibu 20 om bang ahi.
Pakistan in gam pawlam a thin thon khiak lak a siamna sang zang a bawlkhiakte 1% ahi a, Saudi Arabia ah 0.3% ahi. Kuwait, Morocco leh Algeria te ah leng 0.3% ahi. Singapore ah 5% ahi.
Hiai a tungate apan in Muslim gamte ah siamna hawmkhiak, theh dalh leh siamna zatte a taksapna lianpi a om chih hon mu sak hi.
Den a i gen OIC gam 57te kumkhat summuh khiak gawmkhawm $ tld 2000 ahi a, US gam kia muhkhiak $ 12000, China in $ tld 8000, Japan in $tld 3800, Germany $ 2400 vel ahi. Thautui a hausa Saudi Arabia, UAE, Kuwait leh Qatarten a gawm khawm in $ tld 500 a mu suah ua, Spain kia in $ tld 1000 val, Poland in $ tld 489, Thailand in $ tld 545 a mu suah hi.
Muslim khovel a lohsapna tuntu zaw theihna a lohsapna ahi. Huai om saktu siamsinna taksapna ahi a, huai hih fel ding in niteng in ngaihtak in Allah i sam ua, I lohsapnate eimah kingawh phallou in midang i ngawh zel uhi.
Note: Hiai thute ‘Why Are Jews So Powerful?’ chih Dr Farrukh Saleem gelh, leh Kidoupi II hunlai a Judami mtd 6, Russia mi mtd 20, Christian mtd 10, leh Catholic siampu 1900 val thah, pawngsual, mei a hal, vuak, etkhiakna a neih leh zahlak sak a omte theihgige na dia mi mtd 400 kiang a e-mail a kithon leh website apan figure khenkhat update a kaihkhawm a gelh ahi.
Jihad : Muslimte adia sahkhua toh kisai a mohpuakna ahi. Quran ah 41 vei a kigelh a Pathian deihdan zong chihna ahi. Muslim khotang hiam Islam sahkhua humbitna dia nasepna ahi. Huchibang a kipe mite mujahid/mujahideen kichi hi
The Holocaust : Kidoupi II hun lai a Nazi German vaihawmtu Adolf Hitler nuai a Judate thah chimit sawmna. Nazi Germany uksung in Juda naupang mtd 1, Juda numei mtd 2 leh Juda pasal mtd 3 vel thah in om uhi. Aza zaw a gen in, holocaust in hiai Judate ban ah gypsies, Sinti, Soviet galmatte, Polish leh Soviet mi nautang, tawkawhuk, piangsual, Jehaovah’s Witnesste, sahkhua leh gamthu a langpangte mihing mtd 10 leh mtd 11 kikal a thatte uh genna in kizang hi.
Tld : tuk – leh- ding-awn, a tam lam genna esn nuai, maktaduai, vaibelsia chih bang in.
Mtd : Maktaduai , a tam lam genna esn nuai, maktaduai, vaibelsia chih bang in.
.