Suahtakna
Biak S Tawmbing

Haksatna, Lungkhamna a tuak lou mihing ki omlou hi. Khawvel ah om i hihman in lungkhamna mangbatna ten ei mihingte hon peel theikei ding hi. Haksatna lungkhamna i chih te a nuam omlou ahi. Haksatna lungkhamna i tuahte Pathian hon ze-etna leng ahi hi. Haksatna i mimal hinkhua ah hong tun chiang in i taise mai kei ding..

Nang buaina tampi leh thupitak hon musak pa'n non hingsak nawn dia, lei thukpi apan non pikhe nawn ding hi. Sam 71:20
Na lungtang uh hihmangbat in om kei hen, Pathian na gingta ua, kei leng hon gingta sam un.. Johan 14:1

Mihingte'n haksatna tuamtuam i tuak chiat ua, i tuah dante uh a kibang kei chiat hi. Himahleh Pathian khut ah khawvel a om a, Pathian in khawvel a khut a, a tawi ahi man in amah a ginna nga taktak mite a din leh pianthakna diktak neite a din haksatna khen ah vualzawlna om ahi ka tuailai pihte..Nang leh kei buaina zaw Pathian a din a thupi kei ahi..

Ka tuailaipihte Pathian in khawvel ah hiai thu hon nawtsiat hi.
Khamuanna kon nawtsiat a, keimah khamuanna kon pia hi. Khawvel in hon piak bangin kon pe kei hi. Na lungtang uh hihmangbat in om kei hen. Lau leng lau kei un. Johan 14:27