TUAILAI NA MALAM EN IN
Biak S Tawmbing

Laa phuaktu in na mailam kalsuan ding lametna toh a chih bangin lametna nei a hing dingte I hi uhi.

Kei mah mimal hinkhua ka kisek a, hin chimtak leh lamet bei ka kisa kha nak hi. Kei bang bang a ana om ka lawm leh vual tampi te huchi bang a ana om kha leh om lel te adin, Jesu Khrist a tawldamna bukim om tak tak a hi. Khawvel a puakgik bang peuh in nang hon delh dinga, bang mah na lawh thei kei zong, Jesu kiang zuan mai in. Nou semgim leh puakgik pua te aw ka kiangah hong pai un, chih Toupa hon Sam a ei lam a I zoulou ziak a puakgik ei le ei kipuak kenkun hi kha ding I hi.

Pathian in hon Sam a, ginna toh I zot ding kisam hi. Koi hiam a na hoh dek a, na tuanna ding gari muanglou in hon tunpih kei ding chi in tuan kei le chin hon tunpih kei ding. Pathian aw I zak I muanngam kei leh Pathian in hon ompih theilou ding hi.

I hun paisa te I mangngilh ding a, I hun paisa te ngaihtuah a I om na mun I om det leh bel I kang ngei kei ding.

Nunglam a thil omte mangngilh in malam en in I pai ding. Pai taktak ding a I kisak chiang in hon na sun thei ding ling tampi leng a om hi. Himahleh huai ling hon sut na mah leh hong dam ding ahi.

Tuailai na malam en in. Pathian in hon mu gige ahi.