Zanlam a “I Pathian Uh Upto Date Nawnlou Adiam..?” chih kagelh lai a "Pathian min amawk in louken" cia hong ki comment kamuh in Pathian min amawk aloh chih omzia ding in kalungsim ahonluah mahmah mawk hi. Mite dan a Bible sim mun kahikei a sim hun inle bang gentupna hihiam chih nasui ngeilou in mahni khiatdan a "Pathian min mawk genlouh ding" chihna dan a koih in ka ngaih tuah sau ngeikei hi. A hi alah i thuuk ngaihtuah leh Pathian min a mawk a lou chih mai pen theihsiam vualding nahilou sim hi.

I biak buuk lou a Pathian min lou louding (genlou ding) idiam ichih chiang inlah i Pathian munteng a om a munkhat kia a a min loh sese ding hilou a..huaiban ah, biak buuk lou mahni insung a maitam idoh kialeng hilou a khualzin gamvak inle i kipah hun leh dahhun a Pathian min mah kilou zel ahihman in biak buuk a omsung kia a Pathian minloh dingbel hilou himhim ding hi.

Pathian min lohna ding amun omtuam hilou peuhmah ahihdan a chiang a Pathian min athawn a ilohlouh nading aman piak ngaidan a ngaihtuah a biak buuk a thilpiak tuamtuam te piak ngai adiam? Huchia thilpiak ziak a Pathian minlou theiding hile nipini zingkal kikhawm ding kuan ma a thohlawm ding khengnen na a kuva leidia ikisawl a aneutheipen lah a daihzai pendia sum i khen nen uh ipiak lel in Pathian min lohna ding aleizou keizel ding hi. A kheknen lot sun inlah i za ip sung a note san tampi omlak a rongtuam deuh leh a neupen khawng dokkhia hizaw mah a Pathian minlohna ding ilehkhiat zoh uh gintaak huaihet lou hi. I Pathian lah "muh dandan poilou" chikhop a sumdeih a hikei law mahmah a..

Thilhoih isep hun a Pathian minlou ding idiam chilelah 90% a sia ngaihtuah a gige te ihizel ua khat vei sunsun hoih isak isep hun a Pathian kipak law tuandia ikoih khak lah Pathian deihlouh lamtak ahizel a..mahni kiphat Pathian in hua ahihdan Mosi in suang a tui adawt pawt lai a athugen ziak a gamchiam amun amulou ahihdan in kitheh hi. I sepkhiak bang chituk in hoihmahleh thilhoihlua sem a kikoihna in isep hoih teng agim namtuina su mit tawmtawm hi. I hehhun a Pathian minloh a mawk a amin ilohna chihdi'n lah hehluat hun a Pathian minlou theite iphak louh a KHAMI ichihte a hizel ua...

Ahihleh bang chibangte Pathian min a mawk a loute ahidia? Misiam te'n zaw a Bible tang pansan in agen tup agenchiang theiding ua ei bibld sim sunsun a taangthu sim a sim khanaak in a bung a taang kawkmuh theilou zelding ihih chiah mahni kikhut dot in gensuk phekphek mawk le...!

Ahun leh amun, i thil hih hoih/sia,kipah/heh etc hun a Pathian min loh ding chih om tuamding in i gingta kei a himahleh kibukna dinglel a Pathian zat khak nak pen Pathian min amawk a lohna hi pen ding ahi chihsawm ihi. I thilhih hoihlouh kilat ding ilauh ziak in Pathian Nna i ngaihsak a, i omdan hoihlou selna ding in Pathian biakna i ngaih sak a,mi hoih hih i utna ziak in kha a dim dan in i om ua huaite kan a Pathian min a mawk alou kuamah omding in ingaihtuah kei hi. I kam a Pathian, Toupa, Jehovah ichih pen aminlohna himahleh huai in Pathian kipahna/thangpaihna tham a genkhe khol keimaithei... Pathian in i LUNGSIM a hi a et gige..

I taksa a "Pathian" chih gelh dim a i sung a khatlel le kigelh lou pen Pathian min a MAWK A LOU kihizaw ding chih ka ngaituah hi.

I Pathian Uh Upto Date Nawnlou Adiam…?

Khovel paidan akikhek chih miteng in ithei ding in i um a,adiak in tu a kum 20-30 hiai khovel anazang khaten khovel kikhek dan inaak theih diak ding un kagingta mawk hi. Kum zabi kikhek ziak hia ineulai hunte i ngaihtuah kik chiang in upate chihsek dan a "kou neulai a..." chih khak naak in om hi.

I neulai in! ichi pah maidia siam nalam ah asiam itam louhziak hia pawlsawm 1st div a zou a omleh thilteng theivek ding ua kikoih sim mawk himahleh tukum bang in 1st div kitamlua kipahpih huaitak hinapi in a kithupi koihlaw nawnlou a (kipahpih lou hilou in kitam gawp a kipahpih senglou lam ki himawk!) topper kia kigenta hi. Huaikawm kal ah huailam sang a ikikhekna uh gen ut ihihman in gensuk nuapnuap mai ni...

Ineulai in! chinawnle Pathian in mihingte a siam in siam neel tak in ahon siam a kuapeuh kipak chiat in honsiamtu kiang ah kipahthu kigen tawp theilou hi. Pianken a mel hem leh piang sual ichih maite genlouh in i hoihdan chituam chiat in bawl in i om uhi. Tuhun chiang in mihing itam luatziak hia, hon bawltu siamnel lou hia,honbawltu siam nawnlou a hizaw hiam kuapeuh a hon bawldan a lungkim ki om nawnlou hileh kilawmta hi.

I neulai in! chithak nawnle kumching lou a samkaang te vangsia kisa mahmah ua milak ah maizum thei mahmah ua tulai a piangkha a hihlouh uh vangsia uh kasa lehlam zezen hi. Aziak tuh nungak panpan a pat in a sam vom hoihtak te uh pitek samkang te bang in ki modify thiuthiau hi. Huchia kang loute lah tekdek kuan samkang ut a san thilthel zezen zel hi.

Nidang in Pathian in miteng mit khu mul a hunchiah in pousak a tulai in a siamlouh ziak hia Pathian i hawmthoh ziak hizaw hia! atangpi in hontam pousak kha mawk a! boh khiat deuh gige ngai mawk ve aw...

Nidang in Pathian in i tan mul ibaan multe a hun geih in hon pousak a tuhun in bawl khial hileh kilawm in kiat khiak gige ngaita! (Huaiteng kia hileh phave numei kia kihou vaza gu ten a huaimul uh le ki boh khiat uh chih bangle akigen zeuhzeuh a chi uh aka! Hahahaha)

 I neulai in! chi lai mai aw... Khutchin puang thiuhtheuh in kilawm mahmah a (khutchin san sesu tebang kizuak ding bang in kikoih a) tuhun in bel Pathian honbawlsak pen hoih kisa nawnlou in ze tuamtuam in ikhut chin khechinte uh ki modify thakthak zezen hi.

I Pathian uh siam zou nawnlou hita adiam? A hikei lehlah siam nelnawn lou a hon bawl suk phuatphuat mai ata diam? Or mihing bawlding tam lawta a siam neltak a bawlna ding hun kidaih nawnlou adiam? Zeldim thubawl laile... I khantouh dan uh kinlua a i Pathian un hon phazoulou adiam? Bak ah, i Pathian uh creativities a chau adiam? Chihte ngaihtuah theih mawk hi..hahaha

Huaikawm kal ah mihing hinkhua ding mimal kizepdan in kithei sim chi in misiamte'n gen ua adikna a omziak a kigen hiding ahihman in mahni in hoih isakdan a kizep louh a midangte'n hon et ding ua kizep ana poimoh mahmah hin i ngaihtuah hi. Kizep dan in honkhoval sak kei a hizong in hon mute'n khoval dia a honkoih un na hinkhua 30-50 percent hon suse khin hi. Aziaktuh nakizep na zahtak huai ahìhleh kuaman chiam nuih thanghuai in ahon chiamnuih keidia nakizepna a khoval leh nang hoihmah lechin mite'n khovaltak ahon houpih ding uh ahihziak in natheih louhkal in nangle nana khoval khading hi.

 Atung a igente idem napum lum ahikei a zahtakhuai tak a kizep dan poimoh isak ziak ahi. Thilpeuh a kituah pih dan thei a huaidan a kizem/hih te a kilawm in etsuak mahmah a huchilou a hoihsak ziak a mahni kituahpih loutak a i ki modified khak chiang in i zahtak huaina kimkhat beikhin hi. Etsakna pele.. Uniform silh a laizil lai a khut chin nuh/sam gial belbual chihbang discipline neihhuailou hi.. Police / army te naupangte'n a lauhna ziak uh a uniform ziak lel uh ahi..

Huaiziak in bangpeuh a hun a omchiat a ahun chianglel theih khiat teitei sawm chiatle i kizepna ei ading a zahtak huaina hiding hi.

Pathian in honsiam dan hiven chi in ikipuah keiding i chihna leeng ahisam kei hi. Kipuahni himahleh ikipuahna/ ikizepna pen ei a dia kizem ihikei a midangte a ding a kizem ihihlam phawk teitei ding ahi. Theih tuak mahmah nawn khat tuh nakizepna in na innsung tanle sumin hoihsak in sumin sesak thei hi.