Aknou a pi a khanuai a a opkhum chiangin, a nouten nuamsa mahmah uhi.
~ Biak S Tawmbing

I lei Pathian tuh Pate ahi a, I gamsung ah Christian innkuan sung I et vengveng chiang in Zi leh tate khamuang lungmuang tak a koihlou tam mahmah hi. Kon vaksa nek leh tak silh leh ten ding kon leh bang a na lungkim louh lai uh chi Pa tamtak i gamsung ah omta. Ta in a pa kiang a thu tun ngam nawn lou. A nu kiang a tun in, huchia a nu leng a pa kiang ah ut in ut kei ta leh a tutsak louhtheih louh a aman leng lau kawm pipi a apasal kiang a a gen ngai innsung ei singtangpi za a za Christiante lakah tam hi na e.

Pa tamtak theihlouh laka ki pal zuak a tampi om hi. Innsung a sakei bak nei hi a,kong polama mi hoih pen nui seisai khempeuh innsung a a tam zaw mai mial den hinkhua zang tam mahmah hi. Dictator bang a vaihawm ka innsung ka thu chi a zite tate kawm bulak a paisak, ling sunsak huai le a na theilai huchi bang innkuan a om a tam lota hilou hiam? Vangam lampi a paipih lou a gawtmun lampi zuan a paisak den na hi kha ding.

Pa tampitak te ziten sa utna a piak a hih zawh chiang ua lungkim a, zite lungtang tawng theih pih mahmah lou. Tate lungsim ding leng theih pih sum leh pai a piak nak leh lungkim, zi leh tate bang zahta a lungsim tamkham a om a, thawmhau tak om innkuan a tamta.

Pa lungtang tuh Jesu Khrist ahi. Pa pen Jesu Khrist ah kibulpuh na kiptak a neih chiangin bang chin Pathian mel a mu thei ding ua. Bang chin na taten na thu a mang thei dia.

(Hiai thugelh saulou in, simtute lungtang tawng deng henla ngaihtuahna tampi hon piangsak hen, na sim khit chiangin, na hinna ahon sukkhak a midang a dia leng phattuam ding na chih leh na ut nana ah share sawn inla paisawn sak in)

081020 | Biak S Tawmbing.