Corona/Covid 19 natna hileng kawmkal ah.
Biak S Tawmbing

Zan nitak lup nungin ka ihmut theihlouh ziak youtube a et ding athak om hiam chih ka zonna lamin Hornbill the weekend horn youTube channel ka va en kha a kaihlam khua a natna lamdang tak om ahi chih kava theikhia hi. Huai khua a tuh naupangte a chi uh thakin meima in pum dim uhi. Naupang a tamzaw in a vei ua, piching leng vei kha om uhi.

Covid natna hileng kawmkalah natna lamdang tak chithak meima lianpi a neu a lian in vei uhi
Kumkhat pha phial mahmah vei in huchi ana om uhi. Covid natna khawvel pumpi a atun laiin amau khua ah, natna chikhat in a bawn hi.

Hichibang natna a om lai in a khua uah PHC om mahleh huai PHC ah tuh a kai ding Doctor leh nurse te muh phakin a omkei ua, huai damdawi in a kho miten luah mai uhi. Nek leh tak a poimawh a, a ki taksap chiang un mualnuam khua ah va ki puak ketket mai uhi.

Ka et kawmkawm in, ka ngaihtuahna a hiai honglut hi. A khosa thei deuhte lamka zang ah a dim a ha in i om tek tuk ua, singtang khua ah lamka a pen zolou teng i nuse zel uhi... Zogam a lailak kia zun a a nawlte zun louh a nawlkhin mai ding i hi di uam? Damdawi in a om a, himahleh a kai ding doctor leh nurse te koi a om ahi ua? Singtang a gari tun louhna om nawn lou phial, gari tun theilouhna ding lampi leng kisial theilou ding ahih leh zaw thutuam ahi. A zun thei ding a phuah thei ding te koi a om ahi ua?