KINGAIHSIATNA
(Innsung sunglam kawkin)
Biak S Tawmbing.

Hiai thugelh dingin chitna ka nei keia, zi leh ta leng ka neikei himahleh lungsim a ka vei mahmah ziakin tamlou sau lou chik in ka hon gelh zaw ahi.

Nupa kal ki lem lou ki nana a nulehpa tamai a, a kisel ua, a ki hehsan uh tate hon muh tamluat chiang un, tate anu leh pa uh himah leuchin bang mah hon kum ngamlou uhi. Pasal tuh zi lutang ahi chih a, himahleh zite tunga thuneih luatna na zi lawmte tawh kipolsak lou, inn a khum den, a pawt chiang ua le phone den bang hiam pawtna committee ding hiam amau a tuam a apawt ut na uh hiam a neih ua leh leng tawldam a pawt sak lou a na zi na koih chiangin nang apasal in na zi pen emotional abuse na hi chih thei in, a lungtang a lungsim nang theih phak louh in sukha mahmah hi.

Huchibang a na nupa kal uh a hong om chiangin, na tate uh na kiang uah om himah le uh leng chikmah chiang in a tawldam ngeikei ding uh, Pa tuh innsung a a lianpen ahi. Himah leh Pa pen in innsung a ding a khamuanna lungmuanna ka hi chih theilou thil order thoh hiam kampau khauh taktak a na zi na tate na houpih chiangin hon lauhnziak ua na thu uh mang maimai ahi... Khamuanna leh lungmuang in na tate uh a om kei ding ua, na zi na kiang a lum leng a khamuang leh a lungmuang ngei kei ding.

Pa pen ka hi, chi in na tate uh thuneih khum gige khenkhat om a pa na hih ziakin na tate tuh na thu uh hon mang mai thei uh, himahleh na tate uh lungsim nang apan a ki gamla mahmah ta.

Innsung pawimawh teng na kai khawm zou ahi mai thei himahleh a lungsim uh khen baltu leh khense dimdim tu na hi.

Group tuamtuam ah, na ut leh ana share sawn in.