I HINKHUA KIPAK GIGE THEI I OM DI UAM.
Biak S Tawmbing
.
(Laigelhtu apan: Hiai thugelh tulai a ka lungsim a om mahmah ahi a, Tulai mite thugelh sau pipi sim peih lou tam mahmah ahihmanin Saulou chik in kon gelh hi.Mi khenkhat apan hiai thugelh dia ngetna a hong om toh kiton in)
Hinkhua a kipak gige zou kuamah a om kei ding. Hinkhua ah kipahna ding sang in ling bang a hon sun thei ding a tam in a tam maimah hi. Bang ziak a mi kipak tak a om thei gige a, kei bang ziak a kipak theilou ka hi dia aw chia tulai khawvel ah buai tampi tak om hi
Mi ziak a hing kihi masa lou a, Pathian in hon piansak ziak a hing ki hi zaw hi. Khawvel ah a sia a pha thei dia, hoih leh hoihlou theih khentheihna honpia Pathian ziak a hing i hi zaw hi. Huai nang leh kei hon siampa Pathian in amah muanna diktak i neih chiang in i kipahna ding leh i lungmuanna ding hon tung sakin hon pe zel hi zaw hi.
Mi ziak a kipahna sawm leh pianna nulehpa leh sanggamte in leng na mimal hinkhua hon theih pih louh uh tuh hon kipaksak zou gige kei ding uh. Mi a lametna koih Ken la, Pathian ah na lametna koih zaw in, Pathian ah na koih theih taktak a leh Pathian in na lametna hon tangtung sak ding hi. Huai ding in nang a kimanna a poimawh mahmah hi.
Mi kipak dia I na gintak teng leng kipak gige hilou uh ahi. Haksa sa kawm pipi a nuihmai pu a milak a om leng hi tang uhi. Mi tung a pan a kipahna ding khawvel hinkhua a nang leh Ken I koih lai teng lungnop kisinna kia sunni hong tum zel ding.
Khawvel ah kipak thei gige lou nang leh kei eite i om hun a om ding, Mi kipahlai a kipak theilou a leng i om hun om ding hi. Himahleh a hun bang zel a na kipahna ding lungkim na ding hon petu pen na hinkhua ah na neih taktak nak leh na kipahna ding leh lung nopna ding hon tungsak zel ding hi.
Counsellor ahihkei leh Pathian thugen a kizang taktak te leng kipak zou gige lou uhi. Huai ziakin lametna Pathian ah koih in, nang leh kei i hatlouh hunin leng hon taisan lou khat om hi.
Hon nuse ngeilou Pa muang in, damsung bang teng i tuak zong, Lenni Pathian khut lenni. A hunhun in kipahna hongtung ding. Hinkhua ah kuamah kipak gige a om kei. I lametna koih dik ni. Huchin a mite tungtawn in i lametna a hon tungsak zel hi.