PATHIAN A NA OMLOU HIH LEH
By Muanching Emcies

(Hiai real life story gelh dia phalna hon pia tanchin neitu tung ah ki pahthu ka gen masa hi.)

Nu leh pa kal a tapa deihhuai tak in khovel vak kon mu sam hi,hun te pailiam zel in teen age khong kong hisamta hi.

Ka pianna pan ka nu hangsan san leh taitai a ka nu mittui takkhe kekeuh te ka muhchiah ka pona thei mahmah mai hi.

Atawp in ka nun thuakzou nawnlou leh dohzou nawn mahmah lou in hon paisanta mai hi. Ka pona lua a lah hihtheih khatle ka nei kei. ka letchiah ka pa ka vo ngeingei di ka chi lungsim ta hi.

Huchi in pata kia nu bei a kikem theilou leh khosa theilou ka hihman un ka paneu ka panau te inn ah hon awmsak ta hi.

Skul kaikawm leh inn na tengsep,tuitawi innzut puansawp leh akal lak a singpuak chihte kei na hong hita hi.

Ka khase thei mahmah mai a ka pa chia ka phakchiah, ka pa ka nu toh hon ki khensaktu ka that mai di chii'n thupukna bang ka guklak ta hi.

Skul fee di bang ka ki lohtawm zel a hu chi in, tangval nou kong hisamta hi. Ki ngaise lua leh genthei kisakna ten hon pumtuam gige ahihman in ka hinkhua ka utdan dan a zang a, ki pahna leh lungnopna di kei leh kei kong ki zongta hi.

Ngaihzong bang nei in ka luppih zel a thumvei livei khong ka luppih khitchiah adang in ka kheng zel hi

Numei bang luppih di kia in ka enlel hi,chethei bang ka ki sa a ka ki pak mahmah laitei hi. khutzung kuaihtheih zahkhawp luppih mah leng ka lung akim tuankei.

Pathian thu honna hilh omsek mah leh ana khawl unla..kei utdan dan in hinkhua kon zangzou photdi chi in ka dawng lel hi ki gumsak mahmah.

Bangzah ta in kei hatna leh theihna in ka hinkhua sukkipah sawm mah leng ka buching sakzou mahmah kei a ka fail teitei hi.

Huchi kawmkal ah pawlsawm leh nih bang konzou tou hamham a ki pahhuai mah leh, hon ki pahpih di nu leh pa ka nei tei kei chih ka ngaihtuah chiah ka khase sukzel hi.

Biak inn bang kichei na dia zang ziahziah,tuailai a lapawl khong a tel in, pathian thuawi lua hi leng kilawm a nuamsa tak di mah bang a hinkhua kei utdan tak a zang ka ki chihlai in le ahi thei mahmah kei.

Hon siampa ka nu leh pa hilou in hon phallou ahi ngei dia ka veng uah tuailai chialpina hong om zenzen in huai ah Toupa Jesun ka khelhna te ngaidam ding a ngen in amah hondampa leh ka nu leh pa din ka sangta hi.

Lungnopna ki ching lungnopna Jesu sung awm hi lungnopna, na neihchiang Jesu na neihchiang lungnopna ki ching na ngah ding.

NB.Thu khup beh tamlou.tangthu neitu apan.

Nu leh pa kisel sel a kina na te na tate uh lungtang ki ngaihsiatna chituh na hi uhi. Huaiban ah nu leh pa toh khosa a nuamsa tak a omte lah nuamsa hihlam ki phoklou te tagah hinkhua haksa lua ahi chih thei a na nu na pa simmoh lou a selsel lou din kon ngen hi.
Huai ban ah leitung ah na utdan teng leh na nopsak danteng in hinkhua zatsawm mah leh chin lungnopna taktak jesu kiang kia aki mu ahi.
Sanggah liangvai na ki sajong in belhding neilou na ki sa jong in toupa angbelh na ut leh huai ah liangvaina leh sanggahna omlou ahi unau.