KA PASAL DIA KA KOIH GIGE

Biak S Tawmbing.

Laigelhtu apan: Hiai laigelh a taktak ahi a, phalna la a hong kigelh khia leng ahi. Aman leng kei apan zil khiak a om leh phatuam ding in a chih ziak in hon ki gelh khia ahi zaw hi.

Hinkhua haksa leh mangbat huai I hongtung chiangin khovel ah I lametna tengteng bei thei hi. Huai dinmun ah I din chiangin haksa ahi. Haksa kama gen khiat kia in leng ahun kei a, mel a leng a kilang thei hi. Innkuan hausa leh nuamsa tak a khangkhia khanglian ka hi kei a, himahleh kei khop a mi nuamsa khat ka na hi hi.

Tulai I gamsung ah kei bangbang a hinkhua ana zanga, a poimawh hun a vom a, a poimawh hun a ngou thei zel I gamsung I lamka zang mahmah a om tuailaite leh mun tuamtuam a om tuailaite I tam mahmah ta hi. I gamsung puanna tuamtuam kala hichibang kei bang bang te saptuam hi in khotang hileh I tam luat tak ziak un I lamka khawpi a segawpta ahi. A bul apan pan dik thei hilai leng ka chi mahmah hi. Tulai in a lek lam apan I pan kha sek ua, a lek lam apat tuh a bul diklou ahihman in thil tampi kikhelta hi.
Saptuam ah, tuailai sung a ki zang mahmah khat ka na hi teisam a, mite bang in siamna pilna leh theihna neikei mahleng tuailaite thil hihna kikhopna leh lazilna khawng a tel a ka om gige ziak in mite theih leh felsak in ka om hi. Huai ziak mah in leng saptuam sung a tuailai lak ah committee member ding a tel ching in leng ka om hi.

Tuailai a ki hihna ah Lawm leh vualte toh kipolh a hun zatkhawm nuam ka sa thei mahmah hi. Hon ittu ding hon deihsak tu ding bang ka musam ta, tuailai committee leh naupang lam ah ka lawmpa kon sem khawm ua a, a kal in haksatna te tuak tou zel mah le ung, kikum khawm thei in pan ka la khawm thei zel uhi.
Hun hong pai zel in, ka itna ka ngaihna hong kang semsem hi. Amah sang a ngai zaw ka hi chi leng leng ka genkhial kei ding, ka itluat ziakin taksa leng it omlou in ka na pia hi. Ka ngaih luat ziakin ka pasal di hina ven, huchibang zang khawm le ung le poi kei chihna lungsim hong om hi.
Huchibang a hinkhua zang tou in, Saptuam ah leng hihna leh dinmun tawpsan tuanlou in ka hong kizang tou tuak uhi. A kallak in hih khial ka hih dan uh ka ki hih tuah zel ua, hihmahleh ki itlua ka hihman un, ka omkhop ua, hun lem a om chiang in huaimah(Nupa kal) nopsakna ah lut in hun nuam ka zang zel uhi. Naupang lak leh tuailai lak ah hun zat a lem kei mahmah hi. A ziak tuh hinkhua a sa ut nate kham zou lou hun zang ta aki hihman in a haksa mahmah hi.
Atawp in, buai gawp ka hihman in, lawmte khenkhat in huchibang a hon panpih thei ding, kua hiam chia ka kan leh, mi nih hon kawk muh ua, hiai tanchin hon gelh saktu leng a tel hi. Thu tampi tak hon gen pih ua, huai tengteng tuh ka hon gen se dah ding a, Pathian thu a buai ka hi kei uh chih hon theih pih mahmah uhi, ka buaina pen ki dek theihna ahi zaw chih hon genpih uhi. Haksa sa mahleng, ki dek zawhna leh Pathian a dia theih pha tawp ka kizat theih zawk sem na ding in KA PASAL DIA KA KOIH GIGE tuh ka paisan a ngaita. Sian lemgellouh hinteh maw Ngaih aw.

Tanchin neitu apan: Hiai ka tanchin tamlou chik in, na hinkhua bang lam hiam bek ah thu gen leh chih ka deihna ziaka hon ki gelh khia ahi. Hon gelh khiak saktu Heutupa Biak S Tawmbing tung ah kipahthu ka gen hi. Mi sim dia na deih leh a na paisawn sak zel in.