AWKLUM OM THEI MAH AHI. / KHAUGUI NATNA A SI OM THEI MAH AHI.

Biak S Tawmbing.

I gamsung changkang dedeuh a, I buaina chiat a kibuai kuamah ki ngaihsak man om nawn lou khop a buaina ki nei chiat ta hi. Huai ziak in ki ngaihsakna tawm mahmah ta hi. Khaugui natna a sihna tan tung thei ding I gam a changkang dungzui in pung hulhul hi.

Khaugui natna a si tuh a hoihlouh dan miteng in I byheart sa uh ahi ta hi. Himahleh hichibang tan tung thei di hial khop a omte ngaihtuahna I theih pih man kei a, amau a ding hun leng i pe man kei.

A kipat tung in tuh thil houchik ahi thei hi. Himahleh lawm hoih leh lawm gin om a amau te hoihtak a theisiam ding mi a muh louh chiang un a mau lungsim ah ki pai uh a, thuak toutou mai uhi. Hichibang a tan dinmun a tungte tuh a tung in Pathian om gina lou ahi kei uh. Himah leh huchibang lungsim tawlna gimna haksatna a neih uh I theih pih louh kum 10/20 val vingveng bang hon neih chiang un... Pathian kichi a om taktak diam chihna lungsim a hon pu panta uhi. Himahleh kuamah in ki theih pih kha lou a kuamah in amaute lungsim ding I khual kei uhi.

Haksatna lungsim gimna lungtang tamaam a om I chih pen na sep ziak a tawl toh kibang hetlou ahi. Lungsim gimna, haksatna tampi, khawvel a panpihtu bei kisakna hong let luat chiangin, lungsim mumal a pu thei kei ua, lunglutna kithalawpna, self confidence tanpha a sukha a, banah a lungsim uh a tam zaw negative lam in paita uhi.

Hichibang ngaihtuah na nei tuailai te kia hilou in nupi papi te leng ahi uhi. Depression kichi nungak leh tangval te tung kia ah tung ahi kei a, nupi papi hita te leng a tam mahmah uhi.Damtheihlouhna, ngaihzawng, innkuan sung haksatna te ziak in hichi bang ngaihtuah na tungthei mahmah ahi.

Gelh gelh ni chi leng saupi gelh ding om a, himahleh a sau luat chiang in leng tulai mite'n sim peih khollou zel uh ahihna ah i gelh beh nawn ding.

A tawpna ding in, na lawm na kithuah pih haksatna lungkhamna ana tuakta huchi bang a hinkhua ana zang a, lametna bei a hinkhua a na zang om leh huai te lamdik a pi thei ding in lawmhoih ginom leh muanhuai hih sawm in. Hinna khat Pathian in hon pen manpha ahi.

Note: Na sim khitchiang in midang sim ding a na deih sak leh WhatsApp group leh adangdang ah leng tuah sawn in.