DEIHSAKNA LAIKHAK
By Mumung Tonsing

Lamka khua a om ka tuailai pih te aw,

Amasapen niteng nek leh taak zonna ding ngaihsun a, koi ah bang sep theih ding a om hiam? chih zong a sun leh zan, lungsim tawlnga lou a na omna uh kon zahtak sak leh phawkpih a, zahna liantak kon pia hi.

Tulai in I gamsung uah ei sang a khovak mu masa zo te neek zonna in hon sukha dek panpan ta a, khenkhat amaute thaang a awk om ihi chih ka zak chiang in poi kasa a, hichibang thilte a pan i pilvang zawk seem theihna ding uh deihna in ka theih sunsun bangzah hiam te deihsakna liantak toh hon luikhia ing.

Kum 15 veel paisa in Lamka khua ah JOB WRITING-WORK AT HOME kichi hong kithang mahmah hi. Hiai hun lai in taksa kum ah naupangchik kahih man in thil paidan ka theisuak sipsip kei a, himahleh ka theih khak khenkhat hiaibang ahi. Daily News Paper ah Advertisement hong kisuah a, Synod Super Market Building, 1st Floor Office ding in a zang uhi. Interview ding mi a sam ua, interview tengteng ching uhia? chih bel ka theikei. Himahleh ka tanau nai mahmah te uh khat a hong ching a, ken leeng kipahpih mahmah in a inn uh kava pha a chibai ka buuk jejen hi. Interview zouta, Join hunta ahih man in Joining Fee Rs. 3,000.00(Cheng Sangthum) ala uhi. Hiai joining fee ahih leh NON-REFUNDABLE(lehkik theihlouh) ahi. A hon join zoh chiang un, a nasep ding uh JOB WRITING-WORK AT HOME ahih mah bang in School Handbook sang a sah-zo zek ding book a pia ua, huai book khakhat a 20 vei(thei chiang nawnlou) veel gelh suah ding, a copy Tumlam Gam te a thotkhiak ding chih ahi. A khaloh uh ahih leh a gelh suak (gelh ding zah a chih uh a gelh suak) chiang ua lak theih pah ding chih ahi. A hon gelh taktak chiang in 3 vei khong a gelh suak zou lel a, lunglel in a tawp maimah a, Joining fee sum Rs. 3,000.00 a thawn a seng ahi ta mai ve.

Hun hongpai zel in tunai zek(Kum 2016) in leng Job Consultancy kichi hong om nawn a, New Delhi Internation al Airport a VIP te enkai ding(designation min chet ka thei nawnkei) a lohchinna nei bang i na om a, sum leeng seng man zek, Imphal ah Offer Letter la a hoh bang leeng om chih ka na theih khak banah , Offer Letter mahmah leeng kana mu kha a pilvan' tuak tampi om ahi chih kamu suah hi.

Hiai Offer Letter ka muh a kipan lungsim a hong omte:
1. Offer Letter ah fillup tawm di a tam mahmah. Etsakna ding in, Slash/Oblique "/" a kikhen a tam mahmah hi. Fillup tawm dia kibawlsa format ahi chih muh theih hi.

2. 90% Na ching a , Adang 10% New Delhi a Interview dia kha 1 sung a na hoh ngai ding chih ahi. Lametna Liantak toh 10% interview in na hoh dia, 1% in a na kiak leh leeng kia hi thouthou ding nahih man in interview a hoh ding leh hoh louh ding nang thu ahi. Dangnaal mahmah, Kamzol mahmah, Gen siam mahmah, Zuau leh tak 50/50 a helkhawm profession a nei vaite'n NANG CHING ZOHLOUH ZIAK MAH A KIA NAHI chih hon ki poof sak zou mahmah ding ua, lungkim tak leh Hun nawn chiang a chance om lua ahih dan toh innlam hon kik sak maithei uhi. Lohsam a na om nung in leeng Sum Rs... ki peleh chance om ding ahi chi'n leeng na sum hon nek beh thei lai uhi. Exam na a Pass Dektak in phattuamna neilou ahi chih lungsim ah phawk gige ni.

3 Offer Letter ah Grammatical Error(s) tam mahmah, Official Offer Letter ah hichibang Error om jejen samlou hi.

4. Offer Letter Back Page(pek lehlam pang ah) ah NON-REFUNDABLE chih chiangtak a kigelh muh ding om.

Sepna zonna toh kisai a gintak huai khenkhat te:
1. Government of India leh Banking Sector ten nasemtu ding a zon chiang un Chiangtak in hon suah khe pah kilkel uhi. UPSC, IBPS leh SSC tungtawn in la ua, hiaite ahih leh i theih chiat sa leeng ahi. Hiaite tungtawn a alak kei uh leh leeng Concern Department or Ministry ten la jel ua, a website uh leh(ahih kei leh) National News Paper/Employment News khong ah hon tuangsak jel uhi. Regional level khong a alak ding uh leh leeng Regional Office Notice Board ah Official tak in tuangsak jel uhi. Local New Paper khong ah leeng hon suah khe zel uh. Huchilou, Golhguk zek a geen tam louh ding chih leeng ana om jel a, himahleh hichibang thil hih te a lohching uh chih theih ding a om kholkei, Sum na neih a daau na et uh leh nang thu.

2. State Sorkar in semtu ding a zon chiang un leeng Employment News/Employment Exchange/Department Head Office/Website ah chiangtak a gelh in taak khe zel uhi. Hiai bang te ahih leh gintak huai mahmah.

3. BPO khong ahih leh lawmte tungtawn, Local News Paper leh Kholak a Advertisement kitaak khong te a kipan zonsuah ahi tangpi a, Interview hun a hon deih uh leh hon geenchiang pah ding ua, Offer Letter or Letter of Intent toh innlam hon kik sak pah mai ding uhi. Hon deih kholkei uh leh kamsiam tak in, Kon phone ding uh chi in, na phone number bang gelh khe tuantuan jejen in hon paisak ding uhi. Hon phat kawm sim tak a, hope om lotel lai dan a hon paisak uh leh NA CHING KEI a chihna hi nuam mahmah hi.

4. Company leh NGO ahih leh a tangpi in Campus Interview khong ahi deuh a, huai te leeng gintak huai hi. Niteng phial in Company or Organisation in punlam a manoh ziak in na theih chiang khollouh Company or Organisation a kipan Offer na muh jenjen leh ...OII!!! sepna ding muta, chia kipak a awng zuazua kawm a sungkuan te hilh pah mai lou in... Acceptance bawl ma in a Company or Organisation history study bawl masak poimoh ding. Huai baak ah na nasep ding chiantak a theih masak poimoh ding hi. Campus Recruitment sese lou in leeng general public ah semtu ding zonna nei jel uhi. Lawmte a semsa te tungtawn khong in leeng semtu ding zong zel uh.

5. Sepna na zon himhim chiang in na Lohching leh na Join matan notification a bawlna uh copy kepbit a hoih mahmah ding. Na lohsap leh leeng future reference ding in kephoih a hoih veve ding. Tulai in mobile i hoih neih ta ua, huaiziak in Notice Board a Department ten thil a tak khiak himhim uh, Notification/Result/Corrigendum a om leh camera in capture bawl pahpah thei leng hoih ding hi.

Half Truth(thudik kimkhat) a pan pilvang in:
Half truth(a kimkhat dik) a kikhemna chih leeng ana om jel hi. Etsakna ding in Mikhat in pawl 12 a zil zoh in Air Hostess zilna ding Consultancy or Agency khenkhat tungtawn in hon mu hi. Sum deposit ding leeng a om a, azil zoh chiang ua a sepna ding ua join suak ding chih leeng a condition ah om hi. Sum leeng a deposit a, huaituh piakkik louhding(non-refundable) ahi. Training hon pan ta ua, kum 1 training ding chih ahih ziak in kumkai lou(training suak zoulou) dia lunglelh na ding lianpi a training na mun ua abwl sak uhi. Athu a hon gen chiang un amah lunglelh ziak a kitawp ahi chih sinsaktu te thugen ahi a, himahleh suk lunglelh teitei ding bawlsak pen sinsak tute thiltup ahi jel hi. Training a hon zoh zenzen leh leeng paulam kilawmtak kei chinlouh ziak ahi zo...chia ki admit theih na ding point omna ding a bawl ua, a ke sak thouthou uhi. Or, a ching sak uh leh leeng a lunglelh na ding kia a zonsak ua, a kitawp theih na ding kia lampi a zong uhi.

Tuni in sepna toh kisai kia i gen a, himahleh siamsinna toh kisai in leeng pilveng na ding bangzah hiam om hi. Etsakna ding in, Nurse Zilna ding toh kisai Direct Admission, No Donation, Arts Stream Can apply , NIOS Student can also apply kichi bang leeng advertisement muh ding om zeuhzeuh a, himahlehg Hospital Omlou, Midang Hospital a attach hi ut mahmah uhi. Huailou in College/School kaina ding ah Admission Test, GD & PI omlou te College hoihpen hi khollou hi. Tumlam gam leh gam hausa khenkhat ah Direct Admission - MBA/Doctor(MBBS) leh Degree Lakna ding College tam mahmah a, India khopi tamtak ah Study Abroad, No Donation, Education Loan Available leh lungsim leh mit hiip tu ding Advertisement tuamtuam tam mahmah a, himahleh a thei ten a hon genchiang un ei theih siam ding in gen leng, huchibang siamsinna mun te Lamka ten NIOS i ngaih thupi luat louh bang a, agam mite'n leeng ana ngaih thupi luat khollouh uh SIAMSINNA mun hinuam mahmah chi uhi. Huai kia leeng hilou in, college te mahmah bang leeng India ah college naupang ding zong in hongzin tam thei mahmah uhi.

Laikhaktu a kipan note:
# Job Consultancy te thaang-a-awk khak ziak a mahni career subuai bangzah hiam leeng i gam uah omta ahih man in maban ah pilvang mahmah mah thei leng uthuai hi.

# Job Consultancy te kiang a hichibang a sepna hoih om taktak om hi leh, Consultancy Service na asep sang un amau mahmah in sem ding un gintakna liantak nei ing.

# Consultancy service te nasep zuau leh thudiklou pumlum ahi ka chi kei, pilvang na ding tam mahmah. Thupukna bel nang a ahi.

# Sepna leh Siamsinna ding zonna toh kisai in theihsiamlouh nei hiam, buaina nei kuahiam i om zenzen leh SSPP te bang dong thei leng hon huh theih na chiang uh om ding hi.
# Kizawl dan in huntawk a neih louh man in style tuamtuam, gintak huai pipi leng hong om lai ding a, thupukna I bawl ma un pilvang chiat ni.

Deihsanka lianpi toh
Mumung Tonsing
# 9615507846