SSPP Vuallelh Kup Behna

By Sangpu Tangpua

Gen uang deuh di chi le hang, William Wordsworth siamna tan hial khop ana nei dia gintak SSPP Anthem thupitak leh giltak ana phuaktu Pu Khawi khan dai vuiliam ni leh SSPP te Tamchon tournament a avuallelh uh ahongki tuah khak ziak in, tampi mah mah lungsim giktak a om in haksa kisa chiat hi. Kum masa in Unau Hmar Fc te apatin zou di hizeen na pi zoulo. Tu tung bangle vualzou mah mah dia gintak, ki muang huntok a I omlai in I khum lah hial uh ahong bang hi. Hita mahleh ki dot tuak mah mah kasak chuh, Vual lelhna I chih bang chi'n in sim in i I teh a? chih ki dong le hang ka ut hi, Novelist Minthang mah mah a I theih Pauli coelho kam suak "Defeat is not when you fall down, it is when you refuse to get up" a chih bang geih in tutung in le tamtak in vual lel kisa mah le hang le Kum non in hoih zaw seem in aw, Kha pet zen in I pang non awle chi'n ki kha muan in I lungsim I hingsak lai hi.

Huai kawmkal ah, kei na muh daan in tutung I player te uh hih, phathuai mahmah in kamu hi, Game spirit hi'n mahni ki thununna hita leh hoih neih mahmah uh hi in ka mu a. Ana ente vapang bang hi lai zang le hang, kua te hiam daan a goal post kiphut lai boh khiak mai a, lungkim het lou a innlam zot veng veng bang a ut huai ton omka sa hi. Himahleh amau bel kipuk sak, ana loupi ki nna sak, thupukna diklou sim a theih te bang le kikou leh om daan kilawm lou a om hetlou in, a ente adi'n lungsim na vaak tuan in kisaktheih pih tham ching mah mah uh hi. A chang in, Langlam te sa'ng a, goal tam va thun luut zawk pen I utt pen hi mahleh. Vual zawh da'n chituam tuam om hi'n ka mu hi. Tu tung bangle Tamchon Runner up ei adi'ng a, sian laitan isak lai in pathian in anih vei na dia second hial tan bang la thei dia ahon pi ziakin Kipahthu gendi hih vui kei le hang ut huai kasa zaw mah hi. Ahangbel abul a zoulo in hong ke pah leu lou mawk leule , player te leh fans te bangin hun zang khawm manlo phial in bedding zial pah a lamka lam hon zot san leu le igen theih bang mah om tuanlo hi. Hitamahleh Nasepna office, school leh collge kai a lungsim gim leh thatawl tak mai a kua peuh delhi tual a om kha te hi in lamka a omte hita leh a tawp final tan bang lungsim a hon phawng harlh uh a, ahon tok phur zou mah mah ngail uhi.

Tua bang geih in tutung I tuah mah tribal movement toh meh polhsuk lehang ka utt hi. Manipur Government a biik in Meitei te toh football match naak tak in iki pek uh a, goal 3 ( bill 3 te) iki gin ma in lamet hetlouh pi in ahon thun luut gaih mai u hi. Ei lawi in le dit kiik sawm in player I suan pen leh I muanpen te Joint Action Committee hi in Manipur Tribal Forum New Delhi te hita leh I zat theih theih zangin practice chih nangawn om man hetlo in goal thumte khum kiik sawm in I kipan tak tak mai hi. I siamna, kho-ul, gim leh tawl khawk sa lou in Goal keeper IBOBI SINGH ngakna goal sung ah khum lut sawmin inaak beih mah mah lel ei. Huai kawmkal ahPlayer position ineih te tamlou ensuk zek lai lehang ka ut hi.

1. Tribal Goal keeper: Hiai position hih I zah mahmah leh Tutung a amau lou a pang buai ihih lai a ana hahpan mahmah I NU te uh pele hang ka ut hi. Insung ah nu a poimoh luat mah bangin tutung inle I nute omkei leu goal tampi hih I langlam ten a hon khum ding ua, huai kia le hilou in Player tampi le I liam beh un I sih beh lai di uh hi. I langlam ten anai hi'n agamla hitaleh ahon kap chiang un. Last option a ineih uh I nute'n a ana save khe sek uh hi.

2. Defender: JAC hih ei adia ina theih da'n in aback I chihte hi un kamu hi. Goal hong luut di leh melma te'n igam ah hong luut di uh nan theih top in amau toh pangkhawm in I nang ua, a chang chia goal I khah sa te bang amau khah bang a ngoh ut hial khop in, amau bang ki moh sa kha sek mahleh tutan det mah mah thou lai un theih theih in om hi. Himahleh I tup banga goal I khum louh chiangin ball delh peihlo, tai ngaap nonlou banah nandi bang ale tha pepeih lou a om theih khak theih luat ahih na ah a lungkiat hun uh hih tam mahmah di'n ka koih hi.

I MLA te I nam melma bangin i sim uh a, ban ah etsan bang Ie i puang hial lai un, I etsan na pen uh phatuam hong bang zou vak lou in vailak zun thak bang thok lel hi. Aziak bel I Refree pa uh Central government in player dikloute Red card tutan penailo hial , theile ana thei kei lai maithei zawmah hi piak tuak ahih daan uh. Chihbel en ina koih daan leh vai putek te khuak a thu ana om kha ki bang ngei lou sek ahih na ah . Huchi ahih a mipi'n deih nonlou , eimah hon lamkaih dia muangzou non lou ihih leh central ah kou hon represent dia hi sa thei non mahmah lou kahi uh chia by election or phiat theih daan lampi I hih ngaih tuah thak thak uh ngai lou di'ng a diiam defender lam te'n ah. I hih naikei leh pawl teng teng, president teng teng in agelh thoh leh agen thoh a ikhak khak lai uh poimoh lua hi. Zan zek mah bangin le Gaikhanngam in" Misi te ni 100 na vui louh uh, na misite uh na simmoh uh, na tawnda'n uh na zahtaak het kei uh hon chi zaw sop lai hi" ahih leh bangdia Meitei ten le a Robin hood uh ni 60 vaal bang haal leh vui louh a akoih lai ua kampau khat mah le neilou a hia le?. Hichi banga kaupau nei nei thei laite a tawpsak daan lampi hih omlo diin ka ngaih sun mawk hi. Lampi I zon khiak a I geel thak poimoh lua hi.

3. Striker: Goal khum dia I muan pen a I neih Manipur Tribal Forum New delhi te bangin le theih tawp suah in goal hon bankap uh a, goal post kha in luut dek dek ta zawmah hi. Huai kawmkal ah hih thei leng hoih kasak chuh, India milip hichi zah zouzaai lak a ei buaina leh lungluut na pen mi tawm chik mahmah te buaina ahihna ah theih khatin hon theih pih in panpihna assurance hon pethou mah le uh le'ng I gensa thu leh la te bang le gentam leh bohzui a bui to holh a noh thethu hoih kasa hi. I gam sung ah hi agen tam tam leh a gen zou zou te hih dik in dikta kei leh ngiah sak pen leh awlmoh pen a om chih hun tamzaw tham ah I pai daan ahih na ah. Ahong gen non kei uh a lunggel uh chimtaak leh daihsom hita ahi uh chia ahon maih dau sak khak di uh laau huai lua hi. Goal post sung ah hih lem in lemta kei leh kap kap di himai in hoih kasa ngail hi. Gintak hetlouh bang a le kapluut a, cut luut theih mawk ahih ziak in.

I khit na di'n, Kua peuh in I position chiat uah tawl mahmah lehang le, time bei ma in vualzoh zoh na di'n I panmun chiat ah thathak la thakin pan la chiat lai lehang deih huai a. MTF mitsuan in last option I chi maithei, himahleh team khat I hihna ah ivek a team work omlou a pangbuai theih luat , ban ah kihiang tuah a ki poimoh tou tou lai di ihih ziakin ki ngan siah tuam di i omkei a. I panmun chiat ah det doutak leh hih li'n vual louh in ana dingkip lehang vualzohna naichik a omta ahih mel kuan i thei a maw? Longlive Tribal Unity.