BANGCHI' I KHANGTOU MAH D'UA.!!!...
- Jamin h Vualnam
Khovel ah ichi hia,hiai leitung ah ichi zawhia, mituamtuam gam tuamtuam leh melput taksa chituamtuam simseng louh tampetmah a, pilna siamna leh khantouhna lam tuamtuam a ki-el/kidem in khat le khat iphe souhsouh uhi.Ahi a Pathian in honsiam tung apan mah in salam leh khalam a khang dia hon chingiat mah leng ihi uhi.Huchih lai in akhang haat leh changkang mahmah gam leh nam mii-le-sa a awm tham a,huan khang hetlou leh niamkiak hiaihiai a khangmuih/khangmang bang leng ana awm veve zel hi.Mi tengteng,nam tengteng leh gam/nation teng leng khang utvek ihi uh chih haih vual ahikei.Himahleh kuate khang a kuate khanglou,kua gam kua namte'n masawn a salam leh khalam a khang tuanse ua,kuate' niamkiak/khanglou a awm sese adia le? chih kidot tham ching mahmah ding hi.Khovel leh leitung kisia a hoihlouh hizolou in,ei asung a tengte,namte,mite isiat ziak leh ihoihlouh man ua khovel/leitung ngawhbawl mawk ihilelve ua.Achihleh gamdang,namdang leh midangte akhantouh achangka'n zungzung lai ua,bang di'a Eite/Eipawl ahoih lam a khangtou lou leh masawn lou a awm dildel ihi d'ua le?.Bangpen tak in ikhantouh nang te hondal a,hon kainiam hiding hiam,aziak leh aha'ng hidia imuhdan leh gintak nasan tamlou ikikum cheuh mah aw le...
Gam leh Nam khangtou ichihte amitam (population) leh hauhsak thuvuak hizenzen khollou ding hi,pilna siamna hithou mahleh tuate kia chauh in le'ng,huchi lomlom a khantouhna tun vekvuk tuan khol-lou ding hi.A khangtou gamte,namte,mite i-et vengveng leh amau gam ah; computer,science & information leh technology tungtawn in 3D,4G chihte'n munteng luahsuak ta hi.Huchih lai in eigam ah maw; Corruptor,Zuau Science,Duhgawlna leh Huaihamna Technology tungtawn in OD,UG,President/Chairman chihte'n gamteng munteng luahsuak in tuamsuak dimdem hi.Huan gam/nam khangtoute'n Credit Card,Visa Card,Debit Card leh a dangdang te hamphat pih ua,lei leh zuak leh kisumdawn tuahna a neih lai un eigam ah Job Card masuan a kisak theih pih mahmah lai zomah.Huaile mizawng leh genthei BPL tungtuan te adia Government in panpihna apiak,eilawi intuh aneizou leh hausa APL tata te'n alawm atang a neithuah teltul zawsop.Gam khangtou leh masawn gamte'n Quality Education nei ua,tuatawh hing a nungta ua sep le bawl,thil bangkim pilna,siamna mah tawh vaihawm in khantouh pih uhi.Ei-gam ah chu Quality Corruption mah in gamteng munteng zelsuak a vaihawmna post sangpen leh lianpen luah phiuphiau mawk hi.Anuihzat huai leh adik mahmah khat tuh; mi'n Helmet,mahni kivenna ding leh hinna humbitna din khu ua,huan hawktui Nullah/Canal/Drainage ah kuamah subuai lou in luang biahbiah maihi.Huchih lai in eilawi in kiphatsak na leh engtat na'n liau/fine louh nang maimai in Helmet ikhu liauluau ua,ilampite,highway te leh khosung teng ah hawktui luang biahbiah in nullah/drainage kichite awm vetlou a,a omsunsun te leng phatuam khavet lou tageet hi.
Ngaihtuah tam ngai sese lou,aneu alian miteng in baihlam tak a itheih uleh inin mahmah uh,lah izuih siam mahmah uh,zulhzauna,golhgukna in khentuam neilou a igam a vaihawm hita hi.Tuabang ichih theihna chu,gam khangtou leh masawn a changkang te'n; pilna siamna a qualified/achin temah amau theihna leh siamna tawh kituak siangthoutak leh diktat takin sepna/job leh hihding pia ua,tua in gah khumtak leh manpha suang khia hi.Huchibang ahih lai in,ei gam ah tuabangte zat-theih louhdi'n ikoih dap ua,diktatna kichi omhetlou in sum-le-pai,neih le lam,mi-le-sa neihman in sepna/job leh hih ding bawlding iki guan mengmeng uhi.Tuabang ahih man in agah khumlou in kha a,manphat nang awmhet lou in mahni gilsung ipuah keihkuih geuh uhi.Huchi kawmkawm, zawng/poor na lailai thadah tawh zulhzau thuah in bangchi leh semlou in nek kamuthei dia chih lungsim ngaihtuah na in iki nawmvalh khinta ua,mite neihsa leh alohsuah sa nangawn uh deih gawh in isut/laksak guigui uhi.Thadah man leh sep-peih louh man in poimawhna omloupi in leng khodung khovai ah isukdian itoudian duamduam ua,bang hiam poimoh hun inleng inn mun a muhdi'n ki omlou hi.Himahleh gam khangtou te'n,bang septheih ding kanei dia chin zong hehu ua,poimoh na omlou pi'n khodung khovai ah kuamah mawk pawt in sukdian toudian lou uhi.Huchi kawmkawm in daan/law & order kivai puakna leh vaihawm diktak a sai in zui diamdiam ua,eite'n bel tua daan te iki leh zuihsak zomah uhi.Huan mite'n asepna/office/bangkim ah gin-om li'nle'n in chihtakna tawh nnasem in kai/om gige ua,eigam ah,eipawlte'n seplouh mah ki gin-ompih tontung in,gin-omtak leh chitak tak in office kikailou gige hi.
Khristian mi leh sa,gam leh namte ka hi akichih chiang un Khrist gim nam ua,khrist batna nei ua,vaak in taang uhi.Alehlam ah eilawi,eipawl bel Khristian na'k hihlua Anti-khrist gim kinam kha,khrist batnak sang in kimial bekbuk taget hi.Tuabang a Khrist nei namte leh gamte ah; internet,mobile,facebook,whats-upp,social-networking leh adangdang te azatnang leh ahi ding bang in zangdik/zangsiam mahmah ua,phatuam in nakpitak in navakna tun hi.Ei-pawl te'nbel tuabang te hoihtak leh manphatak mah a Dikloutakin kizang siam mahmah taget a,huaite mah in nakpitak in siatna,hoihlouhna leh niamkiakna,manthatna hontun kik-kin mahmah hi.Mi'gam/nam ah lunglen khikhe ding leh kisuk halhnang in Concert na ah laa/song ngaikhia ua,tua in lungsim,taksa leh ngaih tuahna te suzangkhai in kipahpih mahmah uhi. Eilawi gam ah huchibang hilou in,kisual ding,buaina bawlding in concert ah ihawh ua,tua in buaina leh kisiatna,tung-gikna leh lung-gimna te hontun petmah ngut hi.Huchih kawmkawm in eilawi gam ah tampi te'n ibuaipih a,phat-tuamna omlou hial a kiaklup nadi'n Dam/Tuichin inei keihkuih ua,akhente'n Nga/Fish mat/bet nang in izang ua leh lam ah kichian/phatuam sonson abang hi.Himahleh gam khangtou te'n tua Dam/Tuichin ziak in tuinek/tuidawn ding ngah ua,loubawl huan bawl na'ng in zang phatuam mahmah ua,kawlphe meivak/electric kining ching tak in neih loh uhi.Heutupa,J M Paupu' thugen dik mahmah khat tuh; Mi'gam ah ZU/Alcohol kizuak zengzung napi'n,Zukham leh buaina bawl kimulou a,Eigam ah ZU/Alcohol zuak awm hetlou napi'n,zukham leh buaina bawl munteng ah kipumdim hi achi hi.
I-et vengveng leh nam khangtou leh masawn gam ah mite'n sepding/bawlding azawn banuah; sun-le-zan in nna sem ua,gin-om in diktat mahmah leuleu uhi.Tua in a economy uh phungvuh a,khosung leh social vai ah leng nakpitak in phatuam in khangtousak semsem hi.Huchibang ahihlai in eilawi gam ah; kuaman nna sempeih lou a sun-le-zan chih omlou in numei-pasal,aneu alian kilum(sleep) den a,tuaziak mahin kiniam kiak dundun hi.Mite' gamah zannung/nitak nung a Mi imuh leh nnasem paihiam akuanlam hiam hi ua,himahleh eigam ah zannung/nitaknung a Mi imuh ngeingei leh khamtheih guihtheih zong,ahih/abawl ahih kei uleh gukding zong hiam thil hoihlou hihding kihi leltak a,ki khou khiak in nak om mahmah aka(nitak/zannung a sepding a omlouhman leng hi'n teh).Huan,tuabang a nam leh gam khangtou gam ah;mite khantou/damsawt ua,a sih-hun unleng teek-kuun leh lu a Kelsam pou in si ua,huaimah leng vualzawlna chikhat ahi.Hitamahleh eigam ah chuu...teuh loumai;ki khansih in naupang chikchik kikin sihthei mahmah a,teek-kuun malak khamzawh luat man leh thulim louh man a deel-zeen a'SUNGNA'in isi zungzung maimah uhi.Tuakia hileh phave,akhangtou namte mite leh gamte ah;amau neihsa mah in Inn leh Lou kilam/kibawl ua,huai in kipahna lungkimna,lungmuanna leh khamuanna tun in,huan khantouhna tunbok hi.Eipawl'gam/nam ah mite neihsa leh lamsa zang in Inn leh Lou ilam/ibawl zungzung ua,tuamah in niamkiakna hontun in iki saktheih pih phanphan laidep uhi.Huan alung khamhuai nawn khat ahih leh,a khangtou gam ah,amau neihsa Car leh Motor mah in kitholh henhen ua,nuamsa in a lungki'm mahmah lai un,Eigam ah kuate hiam Fund/Scheme/ Sanction te nekguk sak in tuate tung ah ikitholh phenphan tazen uhi.Tuaziak mah leng hilou ding hia,ikhansih ua,neih-le-lam,gou-le-gam,pilna-siamna thil bangkim a hun tomchik sung lel idaih hamham uh (khang khat le daihkhop).
En'lah kihihsakna, chettheihna,ki-letsakna,chaphouna leh kisak-theihna a zang zomah, Khristian mi/gam kahi chikomkom pi'n,Pathian' vualzawlna kadong/katang a/ua chih behlap nalai, bangchi bang a dongkha/tangkha ihitel d'uam maw!!!.. Tua khauhsim leh guhdawk simsim a igen nimnem te ziak mah khong himailou dihia,mite,namte,gamte a khantouh ua maa asawn zungzung uh.Tuabang ahihman in Eilawi in hichi kawmkawm a khantouh leh masawn,changkang isawm sawm pen huih nungdelh a,kilimbawl achih te uh hilel lou ihi d'uam?...Huchi komkom aleng midang namdang te tung a le'ng a,khantouh i-tuptup nak/veu uh hihkhial,tumkhial,ngimkhial lua hilou imaw???..Huaiziakin kuapeuh mahte kivelthak in ki-enchian thakthak le hang,bawl-lemtheih louh hilou ahi chih lungsim a pua/ke'm in pan lathak le hang.EI-PAWL chih man a ahitheilou ding chih gelh lutsa/namkipsa omlah hilou a maw?..'Nang,nou,kou,amau-pawl' chih paukam/kam-malte that chimit/chigam/hihbei vek in,Mi'khut a 'gulmat' chihte tawpsan in kei mahmah kakipat/kisak a pan kalak ding kamohpuak na ahi chithei chiat leng maw.Ahuchih kei le zaw,hichibang nengnung leh vengvung komkom in zaw; IGAM,INAM,IKHUA-le-TUI hong pal-lun zoukei deuh leh kilawm.!!!..(kuamah demna leh chih na hilou,awlmawh thu man hi).
