INTERROGATION GENERAL
- David Tawmbing
Hiai thu gelh ding lungsim ah tamvei tak honng dawk mah leh lai gelh mi kahihlouh banah chin kaki sak louh ziak in tamvei tak kei leh kei kana ki nial ta. Himahleh I Lamka zang leh aseh vel a thil tung tamtak kana zaak te veina ziak in gelh theih gelhmoh in kon pan ta ahih chu.
Nidang, kum tamlou paita ka sepaih panlaiin (chideuh veel leng, 2004 apat chihna ahi) Nagaland ah kum bangzah hiam posting in ka om kha a, kum tamlou sung in thiltung tamtak leng kana tuak sam hi. Kei muhdan in, Nagaland a ka om tuung in, adiak in Dimapur lak NSCN (IM) dominate na ahi a, hat leng ahaat mahmah ua, solkal toh hiam-kham (ceasefire) ahihziak mah un langkhat ah gaalmuang asuak maimah. Sepaih te mah leng huchih dungzui in thau tang himhim khah louh ding chih kithuhilh na ahimaimah. Huchimah bang in sepaih te “Sap salam” hi’n “Salam” lou hileh order kilau in kihoih zuih pha mahmah hi. Hun hongpaizeel in Naga pawl sung ah kitheih siam louhna hong piang in NSCN (U) faction hong om in buai petmah in buai ua, Tangkhul Tribe leh Sema Tribe nawk chihtak in hong kinawk uhi. Kikaptuah na om chiang in Langkhat ah “IM” langkhat ah “U” alai ah Assam Rifles te mike toh “Ceasefire, Ceasefire, mi nautang sukha ding nahi uh“, chi a nget a nget thoh in tangkou ziahziah ua, mat zawk sam ding ngaihtuah selou ua, a sawm leeng sawm vetlou uhi.
Intelligence gathering bel kihah bawl mahmah a, atawp in Commanding Officer khainiang (MEDAL) deih ahih man in OPERATION (atamzaw Cordon and search leh mobile check post chih te) Battalion move ding kuan in hon patpih khong hi. Kumkhat vel Operation hihsung in sophisticated weapons tamtak leh cadre tamtak (IM leh U) kiman khia a, thautang khat le seeng lou in UNIT CITATION la in muntuam ah ki move (pawtkhiak) san hiau hi.
NSCN(U) leader khat (amin I geen dah ding) inn (house) raid a kibawl na ngail ah houh recover hoih mahmah a, himahleh mipa hong kipan in a “kei hontheilou nahi uhiam” chi in NSCN(IM) apang lai a Bangkok leh muntuam tuam a INDO-NAGA Peace Talk aneih na uh document hon pholh suah ta. Bawl khial kisa in Raid Commander lau in liing gawp a, a vai pathian uh honsam maimah. (Aban sau geen dah ni). Hoihdeuh tak a chu lau ei ve.
Eigam ah banghiam thiltung kazaak chiang in a tunga incident ka mitkha in kamu gige lai. Kuamah mohsak na bel hilou in mi’n VAI SEPAIH DUHGAWL MAHMAH TE NAGAWN ground rule kia hilou in sepaih chiatchiat hihna ki zahtaak sak theimawk ve uh e. Cadre mat aneih uleh ahuntan keem ua, van amat uleh seelgu mailou in amun di (huai tuh, Police Station) ah ahun in pekhia uhi.
Eigam a thiltung toh tehkak zual tale hang; a uut hunhun un vok mat in hon man ua, a uut dandan un belam bang in I mul uh hon meet sak ua, ground rule himhim geenphak ahi ta kei. Poimahmah.
Ahitak in geen le, duhgawl, selfish, poisakna neilou huaiham mipi lak a I om sung teng hiai buaina khuuk pelh theih hilou ahi ( keimuh dan in). Ngia-Belam-vun silh kua dang geentam ngailou a theihsa ahi. Ngia-Belam-vun silh kia hilou in “Belam sasial ne” chih bang leng thil om thei ahi. “If you know yourself and your enemy, you win a hundred battles”, chih Alexender the Great in ana geen phawk thak ni. Pawlkhat in sawmkhat-sawmnih muh na dia Information apiak uh GOLPA CHILTUAL in Intelligence filter louh pi a hon follow up ek chiang a zaw sialpi vuah thuak a thuak ek ngai a buaihuai hiveh aw.
Kiphat na hilou in, kei kahih leh Pathian hehpihna leh ompih na ka tang a, Manipur gam a ka om sung teng ka Intelligence Officer ten geen hak hon samahmah ua lah hon deihsak peen un kapang kha gige in ka kithei (Sepaih te geen veu naran dan hilou in atak tak ahi - chikhekhe) Aziakbel, kasepna pen kuamah theih louh in (tu’n chu a uut-uut in thei le uh le poi nawnlou), Buh-Pang(Loh muh na) in kakoih a, ka iit Zolei atuam in kakoih. Pan laak nadi mun-leh-munlou ka khen a, panlaakna di mun hi a katheih nate ah bel kuamah theihpihlouh in guhtui kang zeen in kapang sam. Khainiang (MEDAL) a zol (I should say TEMPT) in kana om saam a, panlaak nadi mun hi a kakoih louh ziak in ngaihtuah na apaisau khop mai. Ahun geih a kaki heikhiak san theih ziak in Pathian min kaphat ahi. Ka kisiik mahmah leh ka mangilh theihlouh khat bel, Kaal khat (one week) veel taam dia ka vaak na (Survey bawl na) “Sopi ho” khua khat, Burma gamgi Gari tunlouhna khat ah (a khomin geen dah ni) ka tuitum uut man in ka beh min di’n a common peen chih dan deuh in GUITE kahisak kha ek mawk a tuni chiang in Guilty feeling kanei gige lai. Inn tun a “zizi” kiang a igeen leh ahah nuih khop mai. Salha!! Gawp de !! Khaih geensau lodek hang.
Eilawi gaalmuang mahmah iki saklai in solkal in gaalmuang lou leh gambuai chi a ana sehtuam (Insurgent area, Armed Forces Special Power Act, 1958 kizat na) mun ah I Zogam na telkha mawk zaw poi sa mahmah lehang le bawl dik nading alampi sau mahmah din ka um hi. Gaal buai (Insurgent area) gam a om ihih ziak mah in numei/naupang poi khoih lou tam tak in theihlouh kal in haksatna tampi ana ki thuak kha gige mawk hi. Thuak tu (Victim) a ipan khaak na mun kana et vengveng chiang in, poisak kia hilou in kimohsak hun bang omthei dek mawkmawk hi.
Bangteng geel in ngaisun mahlehang le hihtheih omlou- khut nungleh-heen sa toh kibang a I om hun tam mahmah ahih lam keisang a thei zaw mi kitam mahmah din ka um hi.
Adiak a ka geen ut (focus) bel, Igam ah Vai sepaih te chapou mahmah ua, a uut hunhun un hon man ua, a uut hunhun un hon khah zialzial mawk uhi. Kimat theihlouh zaw chikhang, ahun-leh-amun zir in. Ahih leh daan toh kituak (legal law) zang a gamtang ahi di uam? Dotna lianpi piang mawk hi. Dotna pen Military Intelligence Training Course a Subject en kawm in saulou in kikum leng ichi ahi.
Hiai I topic zat INTERROGATION GENERAL, kichi Military Intelligence School ah Subject poimoh tak in na tawi uhi. I en suk pah diing (In Brief).
Definition of Interrogation: It is the ART of questioning SUBJECT to avail most valuable information in the SHORTEST TIME TAKEN ON WHATEVER THE SUBJECT/SUSPECT REVEALS. (Hindi version: Subject se sawal pucchna tatha uske DWARA DIYA GAYA JAWABON ko parakhne ki ek KALA hain, jisse KAM SE KAM SAMAY mein adhik se adhik kimti khabaren hasil ki ja saken). Chiang lit let hilou hia? A omdan tak chu HUN ANGAI POIMOH A, SUBJECT/SUSPECT IN DAWNNA APIAK KEILEH VUAK DI, chihna omlou dawnna apiak te tungtawn a information ngah hilel di chih na ahi.
Hun (time) angaih poimoh na ziak subject in a cover dan in I en nawn awle.
PHASES OF INTERROGATION:
(i) INITIAL INTERROGATION: Hiai pen Batallion level ahih keileh Brigade level (commonly under the command of Colonel Rank) or Brigedier level a bawl ahi a. Asau pen in Dakkal 4-6 (4-6hrs) hun zat phal lel ahi.
(ii) PRELIMINARY INTERROGATION: Corps/Division level a bawl (Commonly under the command of Maj General or Lt General Rank). Asau pen in Dakkal 12-18 (12-18 hrs) hun zat phal ahi. **(Eilawi a di’n Imphal or Dimapur tun ngai)
(iii) SECONDARY INEROGATION: Command level a bawl (Under the command of Lt General). Asau pen in Dakkal 24-48 hrs zat phal ahi. **(Eilawi a di’n Eastern command Kolkata tun ngai)
(iv) DETAIL INTERROGATION: Army Headquarter a time limit omlou a bawl theih.
Initial Interrogation bawltheih na din anuai a bang condition ahih ngai:
(a) When the suspect is likely to die.
(b) When the Suspect / Prosioner of War is willing to reveal information
(c) When information of immediate tactical value is needed.
(d) When there is no option/way to send the subject/suspect at the very point of time.
Hiai point te en vengveng le hang Initial Interrogation bawltheih na di, Gaal pi ( In times of War) ahih kei leh chance tawm mahmah suak hi. Bawl ahih taak leh leng hun aki bichilh mah mah (4-6hrs). Hinapi in eilak (LAMKA) ah chu Preliminary Interrogation bawl theih na di (Higher than Brigadier Rank) omlouh na ah le ani ani a kep ton bang om kawi thahah. Human Rights violation higige zomah venchin. Poi mahmah aka.
Phet lou in kisinsak na (SUBJECT IN ANA COVER) ah hiai bang le ana omlai –
AVOIDABLE ERRORS DURING INTERROGATION:
(a) Jumping to conclusion **(Interrogator a dia poimoh)
(b) USE OF FORCE **(Dan in aphal louh bil bel!!)
(c) Promises/Threats ** (Town commander achih te un ana zat zeel uh kikhem na)
(d) Failure to grasp significance details **(Explanatory to all the above)
** behlap na.
Writer’s Note : Kuahiam kawktuam nei a gelh ahikei a, pil man siam man a gelh le ahi sam kei. Poimoh sak ziak leh, theih ve maimai dia gelh ahizaw. Gelh khelh omleh ngaihdam.
