Apaisa kum 3 lel apan a et lel inleng Lamka khawpi sungah sum kiveina hong hoihsot mahmah a , tu chiangchiang in i gam uh mi sangtampite nek muhna mun a hong suahtaak man in kipahhuai petmah hi. Hichibang mahin I gam pen niteng nektawm zong mipi sangtangpite (vaktu) nek muhna mun, sumdawng tamtakte’ hauhsak khiakna mun,mi sangtampite siamsinna mun, lehkha sim tampite dinkhiakna mun suak nawn hi.Thamlouh in ei agam mite kia hilou, midang/gamdang apat hongpai nam tuam/mituam leh company tuamtuam tamtakte’ hon belhna mun uh ahong suahtak manin thupi i sa petmah a i gam pen a poimawhdan, a it-huaidan, banah hoihtaka kep a, etkol ngai ahihdante theih thakthak in om hi.
I gam uh hichibang a midangte etlahtham hong ching a,mite’n hong belh theih pen uh hoih mahmah bang mahleh i gam a dan(Law & Order) leh policy hoihtak i neih kei leh gamdang mite’n ipu ipa nasatsa gam a i gam gou, leitang hauhsakna,hamphatna leh Pathian in hon vualzawlnate midangte’ khut a mansuah vek theih ding bang zel hi.Tulelin leng gamdang mite’n i gam economy sources lianteng luahzou ding uh hita (e.g.-Grocery ah, FMCG, Recycle business, Bakery, Chemist supply,Tobacco product,Building Material,Agriculture product supply line leh Company agent teng teng gamdang mite khut ah).Hiai mite gamdangmi chi a hazaat ziak hiam, huat ziak hiam leng ahi kei,amaute honglut dek chiang ua belam mah bang a permit/license/term & condition genna lam bang a hihi chihdan bang siam zawzen hong lut khitnung chiang ualah a omna mun ua kamkei bang a thil a ut dandan ua hongpei a a vanmante uh kilawmlou taktak a zuak a, agam a om dante leh a company zopte uh norms & guidelines zuilou a thil a hon hih uh chiangin atung uah tangtel sihtan mah kibang nuam hi.

I theihsasa himahleh mundang a hong pai private /company atamzawte thilhihdan ka muhte tamlou gen i ut a, ei agam tualsuak miteng mundang apat hongpai sumdawngte’ dan leh policy a i thuneih khum kin uh a poimawhna ziak khenkhat i gen ding:

# Agam mi ahihlouh ziakmah un a gam mite itna a nei tawm mahmah un kilang hi. Sum muh na ding ahihphot leh avan ahoih leh hoihlouh khenlou in zuak uhi. Ahihtheihtan a guk a mikhem leng poi a sa kei ua, vanman leng a ngamthawhte kiang uah a tamtheipen in a leisak uhi.

# Company-te’n Lamka a agent/distributor te kiang ua van zuakna ding rate /guidelines bikhiah sa a a piak uh hinapi in kuamah in i gam ah zuih sawmlou in a maute’n a van rate uh ut zahzah a bawl lamdang in company-te bikhiahsak zah sanga tamzaw in a zuaksek uhi. For example:-

i)Coca Cola & Nestle India Ltd product tuamtuam Agent apang Central Road bula om Anjana Store in company rate guideline zuilou in avante ahon zuak chiangin mite thangpaisak hi. eg-Mazaa pet bottle 1200ml te box a Rs 600 a a zuak ding hinapi aman box khat a Rs 620/630 in na zuak sek hi.

ii)Britainia,Hindustan Lever product Sahbon/Surf tuamtuam leh biscuit agent PK Sharma Store in leng company guideline original copy hong ensak loupi in a van zuakte akam a company rate ahi chi genkawm in a zuak zauzau chiangin kilungkim theilou hi.
iii)Tata Salt agent new bazar a om Abung in leng company rate guideline zuilou a ami dungzui a a rate a bawl gige ziakin mi tamtak ilungkim theikei hi.

iv) Lamka khawpi a agency la tampenpen Parle, Godgrej, Hughies leh adangdang tampi neitu JK Store, Appollo veng lutsukna bul ate’n leng a thil zuak peuhmahte uh evidence omloupi dangnal thu a company rate ahi chi in miteng a khemsek ziak un mite kilungkim hetlou hi.

v) Lamka ah Bank 7 tak hongom mahle uh amaute’n i district sunga mipite ading a phatuam dingin huchitakin hon panpih tuanlou uhi.Aziakbel amaute’n government guideline Credit Deposit Ration (CDR) thu a zuihlouh ziakun bank te’n mipi ading na phatuam taktak semkhalou in eimah sum thonna leh sum lakkiakna lel(transaction point) suak a, atom in genlehang i gamsung a bank “do not give benefit but gives convenience for the local community” Governmet in gamsung bank-te a CDR Ratio 60 % tun zawh kei leh Government Deposit aki kemsak theikei ding chi (sources: Manipur Finance Department Memorandum 201 ) hinapi in a CD ratio tung tawh tunglou gen nawnlou a bank teng government deposit a kepsak vek chiat ziakun bank te’n mipite apat sumpung tungtawn a loan piak a sumbawl a kisubuai nuam nawnlou in government deposit lel ah kinga vek ua mipi adia phattuamna taktak ding na semkha taktak lou uhi. Genlai lehang government deihdan in bel bank te’n a sum kaih khomte ua pan 100 laka40-60 te gamsung mah a loan a ahawmkhiak ding uh chih ahi a huai leng priority sector base in - Agriculture, Industries, Service, Education leh Housing ah loan hawmding chih ahi. Genlai leng tua i local bank-te a kisaktheihna ziak na ngaihtuah kha ngei hia? Government Deposit tampipi akep-te uh interest a akitouhdelh theih ziakuh ahi. Ei hon pawimawhlou uh suak a, mun tamzaw bangah hon nin bawl ding uh a,amau’ sum vangen mah hong bangsak uh eive .Tu’n government in a CDR target a tungloute government deposit pelou ding chi’n a system hon tide zek le uh tu a bank kisathei taka om phenphante hingzou (survive) teuhlou ding uhi. Nidang a loan omlou chite’n “Loan hong la un chi a hong liak nuam zezen khop a hon delh ding uh ahi.Ei civil society te’n government lam ah CD ratio tawh kisai a local bank te’n a zuih ding policy kibawlte zui leh zang(implement) ding a phuttheih mahmah ahi chih mipi’n itheihthak hoih ka sa hi.

Hiaiziak takin hichibang a self-centre company himhim private hi’n public enterprises hitaleh i gamsung a omding ei indigenous mite’n adingi deihhuai hetlou a, nawhkhiak a ngaih leleng I nawhkhiak lai ding uh ahi. I gam a sumteng hong khon a mundang a zang ding company zaw nidang lai a India a British- East India Company tawh hong kibang lel ding uhi.

Hichi banga i kikhemkual kalin igamsung ah vanman (Inflation) 9% in khang zawmah a, enzual lehang nikum in government lawh 7% in hongpung a ahihziak in vanman inflation pen 10-16% in khangzou hi e.g: nikum in chini kg 1 a Rs 33 manpen tu in kg 1 ah Rs 38 manta hi. A omdan tak bel thilmante 7%-16%=+9% ) i muhna lam sanga izatna lam +9% in tamzaw chihna himai hi. Huchibang zel a i gam economy a paitouh zel leh Noah hunlai a tuichiim tung bang in, sawtlou nung chiangin kineksiatna in igam pumpi hontum gai vek ding hita hi. Genbeh laileng tulela ka muhdan in midang/mundang a hong pai a i gam a business hong bawlte’n business line tamtak hong control pha ua, abikin nek leh tak lamah Fast Moving Consumer Good (FMCG) ah = 99%, Tobacco leh Alcohol lam bang ah 99%, company agency lamah 85%, service industry banking service ah 95% vel len/la pha uh hi in muhtheih hi. Hichibang i gam business dinmun ahihna ah bang chizawng hiam in genlehang mundang a kipat hong lut tengin i gam ua business poimawh teng hong lenkha uh suak hi.

Hichibng zel a 9% i gam a inflation apai touh zel leh kum 11.11 yrs in i gam ah sualna tuasang mah in double in kibeh lab ding a Naoh hunlai a tuichiim bang in econmy in hon tumngai ding a-a consequeunce ding ahih le chuh - guta lata hong tamsem ding a,in poisak lou na nei mihong tamdia,kithat kimat chih te hong tam dia,hoih dih napi deih zou non lou mi kitam ta ding hi.mihing ten i hing na ding in in hih ngam louh a hon nei non kei ding sual na hong sang mahmah ding hi.

Hichibang a i gam a hong trade (sum hong dawng ) tampite’n zuih dia kibawlte kantan a amau mimal/company hamphatna ding a thil ahon hihte un ei a gammite nasatak in hon gawt kha a, ei agam mi tamzaw thamte business ah honthat kha uhi. Hiai pen exploition liantak ahihna ziakin India dan bupi nuai a (Indian Constitution Sixth Schedule nuai a Articles 223&224 “administration of Scheduled areas and Tribal Areas-promote and protect tribal land, custom and culture” pansan a policy khauhtak i bawl theih naikei leleng exploitation doudal theih hi.

Hichi bang a i gam a kineksiatna i gam hongtun pen kuaziak hilou in ei agam mite diktak zawhlouh ziak, chihtak zawhlouh ziak leh gin-om zawhlouh ziak banah thil i theihlouh (ignorance) luat ziak ahi deuh ding in ka um hi. A mawngmawng in ei a gam mite ngaihdan (concept) ka muhdan in igam ua bangmah omlou,mi leng selua, thil bangmah hihtheih ding omlou a chih uh kaza tamsimta a ken zaw mipi hiaizahte’ nekzon theihna mun Pathian vualzawlgam “gam hoih” ahi ka chih banah gamdang mi hiai zahzah in nekzonna mun dia a hon zawt theihna mun uh munhoihlua hizaw lou hiam ka chi sek hi. En imuhlouh lai a mi’n muthei uh,en hih theihlou ding ichih lai in mi’n hihthei uh,en Pathian’ honpiak vualzawlna nek dingdan itheihlouh lai a mi’n igam Pathian honpiak vualzawlnate hon ne sak uh hizaw ka chi hi.Eipawl ki zon sawm mawngmawnglou mite ihihman un vualzawlna leng a bak a bak thawh ngai ding ibang hi.Pawl khat in mi phunsan a a demdem uh mi a phaklouh man uh ahi ka chi nuam hi. En i gam a opportunity bangmah mulou hang a, midangte’n igam(nang bangmah na muhlouhna mun) ah opportunity bangzahta a amuh uh ? Gamdangmi i gam apat ahausakhia atam tave le!!! En i gam a nek mu zoulou, midangte’n nek muh chih kia phetlouh hauhsakpih lai uh.Ei pawl in ikim ikiang a mite hihdan mu lele kisin lah sawmlou,dot lah sawmtuan lou ,i lungsim a geldia koih thei himhim lou “Bible in zong un na mu ding “ a chi vele izonlouh ziak a mu theilou i hilel kei dia hia; huaiziakin ei tualsuakmite’n leng etdan khat kia in thil en nawnlou in i gam ah nek zon kipan dingin ikichial hi. Hiai i thil taklat uh kuamah mimal hiam, office hiam organisation kuamah demna leh soiselna hilou hi.

Thil omnai lou i piansak theihkei leleng, omsa thilte adikloute bawldik dingin deihthawh a itelchingte uh MP,MLA leh MDC te’n i gam leh nam itna taktawh hiai i gam a kineksiatnate bawldik dingin pan honla le uh deihhuai isa petmah hi. Ka kipak !

Lamka naupangte, Lamka tuailaite leh Lamka mipite bang a i ngaihdan !