Singtang kholian lolou ah ka nu le pa ading in a hawmthoh uleh a lungsim teng uh luahtu in kong piang a mite bang a hau leh nuamsa hi keimah le uh kei ading in it neilou uh a hih man un naupang a ding a kimawlna van ci tuam tuam kaneih ziak in numei pasal lawm kahau thei mahmah hi.Kahin khua paisate sau theikei mahleng cl-1 kasim apat in ka mangngilh theilouh ding ka hinkhua in hon phu kha a skul kaitawp ann nekhin man nailou chih ding in kalawm te ka kimawl na van a kimawl ding hong tung man zel ua,huaite lak ah aziak om hi tuanlou a kadeihsak tuam Chingnou ahong tun ma kuamah lak khiat d kaphal ngeikei a hong tun hak ni a ka an ka kham man leh ken ka lakhe zel,hucibang in chingnou leng a zekai pen a ahong pan hun atam kei ding hi.
Itna chih thei kahi naikei, himahleh Chingnou ka ngaihnat na leh ka deihsakna niteng in a pung a, aman le kei deihsak bang a hon deihsak hin kathei,Singtang khua ahih man in sikul kai top chiang a lingmin veh,theipi veh, suak lu lou, segah tom chih te ahun ahun a niteng aka hun zat dan uh ahi gige hi.Huci bang a gamlak ka hoh di hun ua Chingnou a tel keileh ka ud na bei thei in ka om a kei ka tel keileh amah ut na leng bei in ka hoh kei tuak zel uhi.Miten nougel hong lianle uchin na ki ngai di uh hon chih uh ka za mun mahmah ua huai hun in a mik a mak leng kathei siam kei, a hih ziak in huai hon chih ziak ua nopsak louhna le kathei tuankei..Huchiin kum hong paizel a pawl 4 ka hon sim chiang un itna ichih bng a chih omdan ko nthei sim ta ua nidang a ka ut hunhun ua ka kithuah ngam bang ua kithuah ngam lou ahih ziak a ka kithuah ut na uh a leh tampi a lianzaw in kahong khosa ua nidang bang a gamlak hoh kitawp tuanlou ahih man in lawmte toh gamlak hoh ding a kakuan di chiang un Chingnou a toh hoh khawm ding ka ut thei mahmah a hilele kingai min hon chih gige pen ka zum luat ziak un ut lou lem kaki neih hun atam hi.
Pawl 6 kahon sim ua singtang naupang sikul kai hak ki hi ahh man in itna simthu cia mite gen kahon theita a, ka lunggulh leh a omlouh chiang a ka kitha lopna teng bei Chingnou kiang a itna simthu lel a a itna manpha tak nget ka hon som a haksa kasa petmah, hon aw d chih haih vual ahi kei himahleh lauhna in kadim.. Hon aw keileh bang chi di? No, hon chi khaleh kithuah dan hong lem nawnlou ding ahih cia kagen sang a tua ka om dan ua nuamtak a kithuah ahoihzaw de aw chih khawng ngaihtuah in Chingnou a ding laithon tamvei pi kagelh te lak a hoih kasak pen kakuah semun mahmah hi.huchi lai in kalawm hoih mah2 Sonpu’n “Dah, Chingnou in lah hon ngai chih theihsa hi a laithon peve” hon chi a ka kiguih zezen hi. Ka nih ua laithon gelh in kahong tu ua, Sonpu in hon gelh sak a kei nakuah gukte bang a hoih in kathei kei himahleh ken nagelh kahih lam kitheisak ut loukahih man in ama gelh pen lungtung khollou in kei handwritng mah poimoh dia kageel ziak un ka copy a, keichu ka chi aling a ka dang a awk zezen hi. Sonpu’n ka letter gelh uh toi in chingnou pe ding in akuan a keibel vazui ngam dia hatna neilou kahh man in akhen cia hih khial kisa a sap kik nawn sawm in akhencia hh hoih kisa in ka om a gotmun le vangam komtuah ka hi mai hi. Nithum bang hong hita a ka lam-et bang ua Chingnou apan thuk na kamuh louh tak un keichu thawmhau na in kadim a akhenchiang in kalawmpa thu kazuih ka kisik petmah zel hi. Ka kikum zel ua midang angai chih d lah kitheilou a hon thuk ngamlou hi ding ahi chin kaki hehnem zel ua,ann duhtha le suak lou in ka om hi.
A nilini Pathianni nitak kikhop top in Sonpu in Chingnou in laithon hon pia ahih dan hon hilh gu a ka dip kisai a thupi ahi.Mial nuai a simpah theih hi lou ahih manin a inn ua pai in kasim ua ka kinep bang in keigelh sang a athuhoih zaw in aman le hon it thuk ahi chih hn gen a kakipah na gen zoh d ahikei. Hucin kingai dan in kahong khosa ua nidang bang a kithuah chih a omthei nawn kei,ka kithuah utna uh a lian zaw tham ua himah leh kizahtak na lian zawta ahih man in kithuah chih te a vang petmahta, tomchik a guk tak a ki houtheih hun di inle gen masak ding theilou in hunlem kamuh sun uh kihou lou in ka omkha zel uhi.. Himahleh mipi kawmkal a ki et tuah khak lel inle kipahna mangthei lou hon pia hi. Huchiin kumte hong paizel a pawl 8 kahon zoutuak ua khosung akai thei nawnlou ding tuak kahong hi ta uhi.Muntuam a omkhawm dia khosung miten hon muhlouhna ua khosa khawm a tua a inn ua vahel ngamlou a ka ombang nawn lou dia maingal tak a vahoh theita ding chih ka ngaihtuah chiang in kuankhiat kal bang ka ngak lah mahmah hi.
Christmas leh kumthak te ka hon zang ua, nungak le tangval te kikhawm ding leh lengkhawm dia a kizuih helhel dan ua kizui ngam hi keimah le ung lenkhop na inn khawng a kimai tuah a tut khak, kuan lepai a tonkha dia omkhak hunkhawng nuam kasathei petmah hi. Huchiin sikul admission ahong hun a kei chu khopi a kaidia admit in ka om a Chingnou a hih leh kaizou nawn lou ding chih ahong hi a ka pumpi phel langkhat kisat khia toh kibng in kathei a poikasa petmah hi. Chingnou toh maingal tak a kithuah theiding chia ka gel teng bangmah lou a suak maichu sikul kakai ut nateng a bei vek a kuan hun di hong nai hulhul a ka lit thasuak in ka ngaihtuah khak chiah ka dip teipi a dawt khak abang hi.Ka paima in Chingnou toh hun zat ka ut petmah a a inn ua valengla din lah naupang kahilai ua nungak hel a kuan lel le kangam kei.Hun muh na di zong a chance a chih te uh zng ngam din lah ka maingal na in a zoukei zel a ka paini ding zingciang a hita a nikhat kia khosung a hunzang tading kahih ziak in zingkal a pan in thawmhauna in hon buak a miten Lungleng a chi uh veikha ka himai hi.
Vangphat huaitak in Pathianni hiven kapaima a tanghou hon bawl sak uh tunna ding ladia kakuan leh Chingnou nahtangteh la di mah toh ka kisutuah kha ua zum nateng teng paimang in mun khat a tukhawm in kon houlim uhi. A tung in kingaih lamthu kigen naksang in pau masa zaw ding le omlou in katu ua, kimu thei hi le ung kagen ut ka chih teng kalungsim a pat paihkhiat hong bang a gen di ka hah zon deuhdeuh a ahhziak in a hong pot masa ding pen om lou in ka om hi. Gen masak di theilou a ka omlai in Chingnou in “Ukhual, nang zingchia kuanta ding maw” hn chi a ka kiguih zezen a “Ching, kapai ngaita ding eivoi ka linlua nangtoh munkhat a omkhawm louh ding ka ngaithei kei” ka chikhe thei vanglak a huainung chu ka dang awk nateng bei in ka it dan leh kalunglen di dan gen in nuamtak in kong houlim uhi.Chingnou inle a hon phal louhdan gen in ama a khopi a omkhawm di ka na ngaihtuah dan amanle ngaihtuah a hih dan hon gen hi.Tomchik kasak kal in biakin dak ging kaza ua bangteng hong tung zong leh SIHTANPHA a gin omdia muanhuaina thu chiam kichiam in paidin kong kisa ua, khosung a kizui lut ngam di khop a hansan na neilou ka hih ziak un amah kapai masa sak a kei anung sawt sim khawl in ka pai hi.
Chingnou in a gen om di agenten hon sukipak mahmah a kapai ding kalit na kimkhat bang a beì hial hi.Ka sun hunzat le a nuam a keikia in ka nuikhe khadek zel a kipahna ngen in ka dim hi.Nitak ann nekhin in kikhawm di kawm chi in ka potkhia a Sonpu leh kalawm dangte kei hong tawn ding toh chingnou te inn kiang ah ka kituak kha ua dak gin toh kituak kha ahihman in kikhawm ding in biakin lam kon zuan uhi.Ka kuankawm in kalawm ten “khualpu zingcia pai di a hih leh tunitak Chingnou te inn a pawt pih ngai ding” chi in ahon chiamnuih ua lungsim in ka ut petmah a ka kam in ut lou dan in ka om hi. Honhoh pih ut le ule nungak hel dia kum ching nailou ngen in hon hoh pih uh bel ka gingta kei hilele kalung sim inchu ka ut dan athupilua.Biakinn tungdek in kalawmte khat, chingnou nita om hi ven,kiang ah Chingnou nun “thang, kikhop tawp ciah ka in uah sangkang ding nalawmte toh hong hoh un aw” hong chi a keilam hong en in Khualpu leng zingcia kuan di hi ven,khualpu khakna sangkang ni” hn chi a,zumluat ziak a si om hi leh ka sipah ding kalawmte lah thumu kisa in golthak vei mah a bang souhsouh ua hehtha bang a suak zezen na a anopna tak bel om veve hi.
Biak inn sung ah thugentu in bang gen a chih katheikei, tawp chia Chingnou te in a sang kan di kia ka ngaihtuah a, a kallak a ka lungsim a hong om tuh “Chingnou in hon enkha de aw” chiin a tutna mun ka enzel a, chingnou hon et toh ana kituak khanak a en utlou bang in kamit kataisak zel a aman le nang hon en kahikei chih mel tak in thakhat in a kiheizel a, hon enlouh laitak hi di hiven mit dimzen a en ding chi a ka et kik chiang in hon et tak toh akituak zel a ka itluat hoihtak a amel entheilou in ka om a himahleh poika sahet kei..kasung lam apan nopsakna in ka dim hi.Kikhawm hong top a keibel ka hi heuhou a gen dipen theilou in ka om a lawmte a hih leh lasa a kikou toh agen ding uh atamsak mahmah ua,kenbel a gen uh zamah leng katheikei.Chingnou te inn kon naih deuh deuh uleh kalungphu hong hat deuhdeuh a hon hoh pih sawm a de aw?sawmlou uh a de aw? chih kia in kalung sim kana kisual den hi.Chingnou te in ka tun madeuh un Chingnou leh anu'n “hon pha ua khual, hong hohpah un,nitaksot ma in kang khinpah ni uh” hon chi a zumluat ziak a sih theih hi leh ka si nawn ahimai (tulai pau leh kasi chet!).
Huchiin, koimah hoh lou in Chingnou te inn ah kakizui lut ua zum luatziak in phalbi lai in ka kho ul in hon buak hi. Huci in zum huailah sa nop lah nop salua in sangkn kang ua Chingnou toh kizom a katukha bang chu damsung a tut det ding hi lele katuzou ding... Sangkang khin in Chingnou in hon hawm a ngaihnou banzal a kipan sangman kan lim hina maizen e...Kanek khit un paiding in kong kisa ua a nu sawl bang in Chingnou in kapai chia kanek di chin tanghou tunkhat mangpha khak na din hn pia a hon piaklai in zumluat ziak in nuamsa keimah leng kalupna katun in nek mang maidia di thil in kamu theinawn kei a setheilou hileh kadam sung a kep det din kadeih mahmah hi.Kavan puak ding ana bawlsa uah tanghou tun nga anakoih ua Chingnou hon piak pentoh koihkhawm dia hoih ahina a koihkhawm din kaphal keimawk a ka bag sung tawng ah atuam liau liau in kakoih hi. Tunzan chu lunglen di kalauhna sang in Chingnou toh kihou na ding hunlem kamuh leh a inn ua kahoh khak ziak a kipahna in ka ihmu theipahkei hi.Zingkhua hong vak ding a mundang zuan ding kahih ka ngaihtuah chiang in ka dip ngek ana a haksa kasa.. Zankim in kathou a Chingnou hon tanghou piak kava en thepthup a haihuai pi himah leh Chingnou khut tung apan kamuh ahih man in tanglai salpha te gal lu sang inle manpha kasazaw hi.
Katheih louhkal a na ihmukha ka hiding a tomchik kasak sung in kanun “bawi,ann nek hun ta” chi in hong phawng a paiding lit na in hon pha a dip kua in kathawm hau mahmah hi.Aksa nahuan ua a lim hiam limlou hiam chih katheikei...ann kanek lai un Inn kong apan ann neta umaw chih Chingnou nu aw kaza a kadip kisai a hong hat nawn hi.chingnou nu kazahtak man hilou in Chingnou in hon zui diam chih katheih ut ziak in en ngamlou zezen in kana om a.. Chingnou inle hn zui ahih dan ka nun “Chingnou, kou ann hong ne ua” a chi in kathei hi. An nepan kahih ziak un kakham uh hon nangak ua kalung a muang tuan mahmah hi(singtang khota a laizil dia kuan kheding kahih man in khosung miten hon kipah pih mahmah ua, mangpha hon khak dia hong hoh Chingnou te nuta kia a hikei ua, khosung nupi hong vak lut lou tamlou ding hi).
Ka sikul kaina ding katung ua kapa toh ka omkhawm laiziak un lunglen athuak nuam mahmah a,kal khat nung in kapa paiding in akisa a zuihkik ka ut hial hi. Kapa paiding zan in Chingnou laithon di gelh in ka zan hak dek phial hi gen di atampet mah a tomchik a thu tampi gelh katup nalam in kagelh khintheikei hi. Atomtheipen dia kagelh chiang inle pek 2 dim aphazel a huailak a athuhoih deuh lakhia in kagelh thakzel hi. Kalauh tuh a tun lianlo leh kapan ana et khak ding kalau hi. Atawp in tuh duhthusam tungkeimah leh hoihtak a khep in kapan phelsawm lele aphel theihlouh dia belh kip sawm hileng in kabelh a ka lawm Sonpu ading tamlou gelh in huaitoh kathun khawm hi. Kapa kiang ah Sonpu a ding gen in kagen a katup tak bel ahi kei. Hucin kapa lah paita kalunglen dan tuh ka et peuh, a sing a suang hi leh lunglen huai in kamu vek ahi mai.. Kuanpan a skul le lut nailou in innlam paididan kia ka ngaih tuah gige a half yearly khawl ding khaguk in a sap hongtung pah leh chih kia ka ngaihtuah hi.Calendar ka en a kumbul a om akha guk hong tun ding kangaih tuah chiang in tung ngei lou di ngak bang in kaki koih hi.
Awlawl in hun hongpai a march kha hong hi a lunglen a supuang mahmah hi.Meipiten galmual a tangte a khuh ua et nalam lam om thiithiai in alunglen huai mahmah hi.Keilung zuan supuang ding in ka inkiang uah suangkua kung piching tak om a hong pak a,a zutawp ut a vasa chituam tuam hong boh a ham zaizai te kamuh a ka zak chiang in ka ngaih mahmah Chingnou lenna kavangkhua a ka muhmuh sa vasate ngen ahih man in kalung a zuangthei petmah hi.Ka galmual a Vaupak te kagal muh a kakho gal mual ua pak tetoh kibang ahih man in kalunglen puang in ka khua uh ka ngaihna asulian petmah hi.Singtanglam ten lou hon hal ua singteh, gawteh kangvu hongleng a ka class pih kalawm khopi a khosate a ding inbang mah ahikei na a kei a ding in kah ngoih ngoih natham lunglen na hon tuntu ahi.Kapa kapuaksak ka laithon Chingnou in amudiam? Kapan a sumang khadiam? Ka lawmpan hon napiak sak kha keidiam chih te ka ngaihtuah zel a, hon thukna lah muh in a omkei a keilung zuan nemdin kangaihnou banzal theilnah ka ngak lah theimah mah hi. Tulaidan a singtang leh khopi kikawm zihzeh lai hilou ahih man in hon thuk ut mah leh a paw ding omlou ahih man in kimohsak theih ahikei a himahleh ka deih luatman in katheisiam keidek dek hi.
Apaw ding hng om zenzen chiang in kalawmpa khut gelh a a kamin kigelh a a nunglam a 'from Sonpu' chih ciangtak a kigelh a sung a Chingnou apan laithon om kamuh khial kei hi.. Kenle a pawding a om nak leh 'To, Sonpu' anunglam a 'from Khualpu' chi a chiangthei pen a gelh in ka po sak khial ngeikei hi.Kum hongpai zel a maingal deuhta dia ikum hongtam dungzui in itna thugen leng akihang sandeuhta a sikul khawl hun a leng Chingnou hel dia kuanngam dia tangval a sehtheih kong hita hi. Hun kamuh chiang un lui a hoh, puansawp na bang ah Chingnou zui in akhenchiah kalawm Sonpu toh kahi ua,akhen chiah keikia in kazui ngam ta a nuam kahon samah mah uhi.Pawl 10 sunzom dia kuanding kahong hita a taksa a piching zaw mahleng Chingnou ka ngaihna leh kakhiat lahna a hong lian hiai hiai a lai kasim khak bang a chang in kakisik petmah hi. January kha beiding kuan ahi a Chingnou kataih san hun ding hong nai hiai hiai a asun a zan a Chingnou kiang a om ding ka utna hong lian hiai hiai ta hi.Kapai niding hong tung mahmah ding a hita a nipini kikhawp tawp chiang a khanglui apuan sawp ding paulam a hong paiding in Sonpu sawl in Chingnou kava hilh sak hi. Aw a chih le zalou in kei kana kuan masa a ka chih bang in Sonpu toh Chingnou hong kuan ua second khat lel leng pam maih satak in hun konzang uhi.
Sonpu le nidang a hih di neile hilou pi tunitak in kahih di om chi in hon paisan a koubel omlai din kakhou sam na ua a ut thak khak di leka lau uhi.Mahni puan khat veile sawp ngeilou in Chingnou puan sawp kilawp tak in kon sawp pih a huaini in puansawp nuam kasa mah mah hi. Maban pai di dan khwng kagen ua koitak ah omlele gin omtak in om ni kichi tuah in “Ching,kahon muanlouhna leng a hikei a,nungak hi ta nahih man in leh ikhosung a dia melhoih pen nahih man in hon deih atam ding a,dencia kei non mangngilh khak ding lau ka hi” ka chih leh Chingnou in “Ukhual, bang chituk in mel hoih in hon ngaitam mahlei ka itna teng nang kon piak sa ahita a,midang a ding om nawnlou a hi non deihlai teng nang a ding kahi a non deihlouh hun hong om leh kei a dia sihna ka pasal hi ding ahi” chia ka maitang chitak tak a en in hon chi hi.”Ching,bangteng katung ah hong tung mahleh nang a ding in ka kip dingbang in nangleng kei ading in kip in aw.. I kal ah thusia leng mahleh kei apan thu zalou in nagingta ken aw” "Ukhual,keileng nang a din ka gin om nateng teng in kagin om ding, ahih ziak in lai nang siam dia kei singtang lianu lel tak non chih ding kalau” chi in Chingnou in engbol sim a hon en in hon chi a "Ching aw,itna in singtang leh phaizang a khenkei a,hucibang din hon gingta ken aw..” chin ka cithuk hi. Hucia gin om dingdan thu khawng kikum a ka om uh sawt sakei mah le ung hun in hn ngak lou a hh man in inn lam kahon zuan ua nitak valengla di ka hih dan gen kaki khen uhi.
Nitak kikhop tawp in Chingnou ka zuilut ngal a a kinpen a kha 6 sungdaih ding kithuah sawm h le ung kilawm in meikiang ah kou gel ka hongtu uhi.Nitak hong sawt hiai hiai a kougel kikhiat lah na hong pung hul hi. Khut kilen in gim omna thuciam kagen zel ua, akhen ciang in Chingnou in hon phal louh dan gen in a mit tui a guk nul zel a, kuanlou ding in bel hon khou kei.." Ukhual, kei a ding toh simkhawm nahih lam hon mangngilh kenla,hahpan in hong pang in aw.. Gin omtak in kon na ngak dia I lungtup tuibang tungsak ding in,tung sianmang sumbang kana bezel ding.....” aban genzom theilou in Chingnou biang ah khitui hong luang a, kenle kakhut in akhitui nul in kaplou ding in kagen a. "ukhual ei,kenzaw napai ding hon phal theilou keive...” genzom theilou in hng omzel a aliang a kawi in ka ang ah kabelh sak a a biang a khitui te nul sak in kaplou ding in ka hilh zel hi.Kikhah sawm nawnlou bang khop in Chingnou in hon kawi "Ukhual ei, kon ngailua,midang hon ngaihsan mahmah ken aw" hon chi a kenle a kiptheipen leh duat theipen in ka kawi thuk sam a amah a gin omlaiteng gin om dika hih dan kagen hi. Zan hong sawt gawp a hih man in paidi kagen chiang in hon phal theilou in ka kikawi zel ua kikhelah petmah in AAK AW TUZAN KHUANG DAH IN chin hun ka am mahmah uhi.”Ki khelah lele kapailouh theihlouh a hih man inka vapai phot ding, ikal ah thusia leng mahleh kei apanthu nazak ma in na gingta ken aw” chi in ka ding khia a Chingnou in kakhut hon letna khah tuanlou in hong ding a kilen kawm in konglam kazuan uhi.Kelkong ah kikhah masa thei omlou in kaki ngawng kawi ua, chingnou bel numei chih mah a khitui khamzou lou in aluang luang a kei leng aguk in kinul sammah leng Chingnou theih sak bel ka ut kei hi.
Khelah mahleng hun in hon ngak lou a hih man in paiding in ka kawi na kalakhia a aman le hon khah man leh kal khat le suan manlou in ka kikawi zel uhi “ukhual, hon it petmah ka hi aw, hon taisan mahmah ken aw" hon chi a "nang a dia siangthou tak leh gin om tak a nang a dia na om ding kahi" chi in kamai en in hongdak tou a "Ching, ka gin om nateng teng a gin om ding kahi" ci in a ka heh nem hi.”Ukhual, nang a ding a gin omleh genbang a om hetlou ding ka hi, nang a dia gin omlou a ka omleh,ka hin na naloh loh hon loh in” hon chi a atop in kong kikhen thei khongkhong uhi. Ihmu manlou chih phial in kapai hong hun a ann tamlou ne i pai ding in kong pot hi.Vangphat huaitak a Chingnou mel kamuh khak leh chin a inn lam uh ka et leh Chingnou in a kelkong uapan loukuan ding seng po kom in akhut hon vai leplep a kenle vaithuk in kakuan san hi.Kumdang banglou in kakhua ua post ofis a omtak man in Sonpu min gelh in Chingnou laithon kakhak thei a amanleng hon khak thei zel a kal khat in khat vei kaki thuzak thei gige uhi.Hucia ki it dan laithon a kal khat a khat vei kikhak gige lai Chingnou apan in khakhat in khat vei khong kon muta a ka laithon muhte le athu omdan amik a mak katheih louh hun a hongtam deuhdeuh a lamdang kasa a himah leh kam a dongthei ka hihlouh ziak in ngaih pha hetlou in ka om hi.
Sonpu kadot inle thucHian Zak kanei tuankei a a vangkim in post hoihlouh ziak a hi di chih lel in dawn na kamu hi.Post lou a mimuan huai apan Chingnou laithon kamuh hun a om a huai hun chiang in Chingnou in hon ngaihtheih dan a nak genthei mahmah hi. Ken amah ngaih sak lou bang in hon ngoh a lamdang ka sathei mahmah hi.Hucin ah khakhat a khat veile Chingnou laithon kamukei a khasetak in ka omhi. Ken bel ka itdan thu kal teng in ka post gige a dawn na bangmah ka mu nawn kei.. Huchia lungkham leh lung zuangtak a om in midang kiang taina dingtheilou in kalawm hoih Sonpu laikakhak nawn a Chingnou bang chibang a om a chih ka kan nawn hi.Kalawmpan tutung in hon thuk kim mahmah a “nang laisiam na hi a Chingnou nang a dia chin nwnlou ahi” chin midang toh a omdan hoihlouh dan khawng hon gen a "maizen…..ka it luat, ka ngaihpen in kei ngai a akahna luankhi le hul nailou ding a hucia hn omsan kagingta thei himhim kei..ka lawm hoihpen inlah hon khemlou ding a... Sih mai ka ut hial a zankhovak in pasal zoulou in ka mit tui apawt hi.. Inn lam vapai a kakam mahmah aziak vadot ka ut a himah leh ekzam ding kahih tak man un huchi din ka hitheikei zel hi. Ka kingaih tuah a it in ngaimah leng kei adia gin omlou kangaih phatuamlou chih kalung sim a hong lut in ka bag a laipuan lakhia in Chingnou ading laithon kagelh a, amah gin omlouh theikha hetlou bang a kineih in leh ama hon boldan theilou a ken khen masa dan a kibawl in “sihtanpha a dia i thuchiam subuching zoulou kahi” chi in engpau tak in kakhak hi.
Niteng hunteng in Chingnou ngai in kalung alengthei pet mah.Hon thuchiamte ka ngaih tuah a kakipah pih leh kalung muanpih mahmah hon thuchiamte kei adin kahna lel a hi maimah hi. Kam nemtak a kamai en a "Ukhual, nang a dia sihtanpha a gin omding kahi, nang adia ka gin om keileh kahin na naloh loh hon loh in" hon chih laite ka lungsim ah ahun laibang in ahong kilang a,it tak a hon kawi a hon paisan mahmah ken aw hon chih lai nite ka ngai vungvung hi.Sithei hileng sih ka ud a si di hial inlah hansan na kanei keizel hi.Chingnou toh kimaituah a thudot ka ut mahmah a ekzam zoh kal ka ngaklah mahmah hi.Chingnou ngai ann le nezou lou in laisim ding in ka table mai ah katuzel a himah leh laisim ka hihlam le kathei kei, pawl 10 selection ah fail ding chih kangaih tuah chiang in nakasa a laisim teitei kasawm zel a himah leh ka lungsim ah Chingnou gin om nathuciam te a ging den hi. Laisim dia tu gige napi a sim lou kahih man in selection ah ka hih hoih hetkei hi. Ahih ziak in class a hih hoih gige kahih ziak in hehpihna ziak in leh “ekzam zoh matan hostel a hong om ding leh kon ekzam sak ding” chih ahih man in ut thu tel theilou in innlam pai a Chingnou maituah a houpih ding katup a vuak suak ta hi.
Huchiin hostel ah kong om a pawlam toh kithuzak na nei nawn lou in ka om hi.Niteng in Chingnou ka ngaih tuahna ah a mangthei kei,himahleh fail khak dinglauhna ziak in laisim lunglut teitei kon sawm leh kha 2na tan in kon simthei zawdeuh a Chingnou mangngilh ni bel kanei ngeikei.Ekzam kon zou a inn lam paithei ding din mun in ka omta.Nidang a innlam paikal ngaklah zan ihmu theilou zen hi mah leng kei adia Chingnou a sikhin toh kibang ahih tak man in muh utna nei na pi in zumhuaisak na in kadim a pailouh ka ut zaw sim hi. Vangphat huaitak in ka om nate kapaneu ten innkuan azin na ding hon nei ua kei inn ngak di kahih dan hon hilh ua huchiin kha 2 bang keikia in ngak din kahong omta hi.Niteng in Chingnou kalung sim apan in a paikhe ngeikei.Ka it na neuchik le kiam in kathei kei.Kei a ding in ka senchil vangngaih a hi a ahi gige ding.Chingnou in alungsim hong heihenla,midang tung a takhial mahleh kakiang hong kihei leh ka ngaidam ut mahmah hi. Niteng in chingnou in kisik a ngaihdam hon ngetna laithon muding bang in kaki koih a himahleh athawn a hi gige hi. Akhen chiang in ka aw sung ah “Ching aw kei a din nalung sim hong hei maive” chi in mit tuitoh ka dim hun atam mahmah hi.Hucibang a hun kazat nung Chingnou a dia khen nalai kapiak nung kha 3 ahong val ta a ka itna punbeh keimah leh akiam tuan kei hi.
Nikhat tuh inn ngak akeikia ka omlai in kalawm Thangpu leh Chingnou nu hong hoh ua lamdang kasa sim hi.Tutna a le tuman nailou leh puaknat luat ziak a aw ling pelh pelh in Chingnou nu'n “Khual nang adin katanu bangmah a hikei nadia Chingnou nang ngai a si ding lungmuang tak a a sihtheih nading in khat veibek hong houpih ve” ahon chimawk hi.A thugen katheisiam hetkei a lauhna leh lungbuaina in kachi a ling a gending leng kathei kei hi.Kalung a vai a ka sih leh kahin katheikei sawtlou nung in kahng halh a “Nu Man, nathugen katheisiam kei, Chingnou bang chi a?” cin kadong a nu Man in bngmah genthei nwnlou in a om a Thangpu in "Khual,Chingnou adia khenna lainapiak ni a pat in nang hon ngai in Chingnou ginatak a ann le nelou in a om a atha hong chau a,nakiang ah nakhen naziak leh khenlou ding a ngetna lai niteng phial in hn khak a,nang khat veile nathuk louh ziak in ataksa mahmah in athuak a tua nang ngai a sikhe ding ahita,a sihkhiatma in na aw khatvei bek za in namel muleh akha lungmuang dia nuMan in agin tak ziak a zumzou lou a nang hong samdia hngkuan kahi uh" ahon chi a “Aw...na hinamai zen e.. Amah ngai a sun le zan lungzuang tak a zang ing a kei a dia gin omlou chi a katheih tua kei ngai a si maiding chih katheisiam kei.Gen ding avang petmah hi. Numan lah et leng hon en ngamlou in bench tung a tu in a kap a agen theih omsun chuh "Khual, hehpihtak in na nau Chingnou lungmuangtak a a sihkhiat theih nading in hong paiding hon nial het ken aw" a chi khezel a gen dingleh omding dan theilou in kakap khe ek ek a.. "Chingnou,hon nangak in aw.. Kahong pai.." chi in ka kap khethei lel hi.
Thudang bangmah le genlou in mit tuitoh kavan poimoh ding teng guang in hon zulhzau san a hon ngai nawnlou chi a kakhasiat pih kei ngai a si ding kiang zuan ding in kong kipan khia ua paithoh thei le hi lou in a khenchiah katai thoh zel hi.Aw ahaksat dan kuaman hon theihpih zohlouh ding toh Chingnou kiang konzuan a khomial kuan in khua kahong tung a kamit in a et masak pen Chingnou te inn a hi a mipi tampi a kongtual ua om kamu a ka itpen Chingnou in hon ngak zoulou hita in kathei a “Chingnou,Chingnou…..” chia kikou in zum leh zah khual lou in kavan paikhia in kadelh a kalawm khenkhat te leh khosung mipi bang zah hiamten kei engbawl naziak Chingnou hichi achih ziak un hon nadal ua, tualthat bang a hon ngai in Chingnou kiang kalut ding hon phal kei uhi. Himahleh numan in thil omdan gen in hon ton lutpih a nidang ka Chingnou bang a hinawn kei, amel a dang a guhvuak kia petmah ahi.Etmai inle sisan aneikei chih a chiang a, nek him him neklouh ziak a huchi a hichih kathei a amit hak zoulou sasa in hong hak a nuihmai thei pen a hon en in "Ukhual,nahong pai a kakipak lua....hon ngailua keive...." chin awl in amit a sidiai diai a “Ching,kenle kon ngailua..tunzaw nakiang apan in kapai khenawn keiding.." cin abiang akhitui luang kanul sak hi.Aban gen kasawm a kagenthei nawn kei, kakiang a tu khosung damlou entu in “Khualpu,Chingnou in nang hon ngak lel hi eive” hon chi a ka itpen Chingnou in hiai leitung anuseta………
Kei si hizo leng ka ut lua,Chingnou toh hun tomchik bek zang a thilpai dangen thei hileng ka ut petmah, tun gen lengle Chingnou in ahon zathei nonkei...”Chingnou, hon ngaidam in,ikal ah thusia lengmah leh kei apan thuzalou in bangmah na chiken aw hon chipen in nang apan thuzalou in kon engbawl kha a hi..kei ziak vek ahi.. hon ngaidam in aw Ching" chiin kahtam kalou a khawphoklou in ka puk hi.Ka tak in bang mah kathei nawn kei a ka kha in ka itluat Chingnou ka va delh a “Ching, hon ngak in...” chin ka kikou a Chingnou hong ki nung hei in “Ukhual, hun hiaitan lam en tak in kon na ngak a ngaihsak tak leh houpih tak non sak louh ziak in na kiang a ka thuchiam pel lou in sihna ka pasal in ka neita tu in hon it in hon ngai mah leng i taksa om khawm theilou ding ahita” hon chi hi.Huchiin ka hat theih tawp in Chingnou ka delh a a khut a leen taang in mun nuam mahmah mun ah ka tut pih a ka tanchin uh kon kikum uhi.Chingnou in "Ukhual, hichi tel a hon sugen thei dia hon gingta het lou hi ing a maw...." hon chi a ken le "Ching aw, Kei moh vek ahi..thuthang maimai gingta in kahehna ziak in kon itna sel teitei ka na sawm a huaiziak vek ahi hon ngaidam mahmah in aw..." ka chi hi.
Huaitak in Chingnou in hichin hon gen a “Ukhual, nang a pan in laithon ka mu vang hiaihiai a na tanchin lah zak ka neikei a,ka lung nuamlou in ka om a,chik chiang in nang a pan non itna thu ka za diam chi in niteng in lam et na kia in ka om a nikhat U Sonpu in nang a pan laithon hon pia a ka kipah dan genvual ahikei.It tak leh kipahpih tak in na laithon ka zuut a, a khen chiang in ka tawp a na mel mu bang in ka ki ngaihtuah hi.Na itna thu non gen dingdan te khawng ngaihtuah in nidang a non gelh tel gige “Ching ei kon ngailua” chihna gelhna mun khawng a kigelh ding dan in ka koih a ka kipah dan genzoh vual ahikei,mite hon suk buai hetlouh hun a sim ding chi in ka kem a a khen in kua hiam in hon lak sak khak ding lau in ka koihna ka va en thakthak zezen hi...Nitak lup kawm in kohon sim a..Ukhual,bang ziak a tel a huchibang Laithon chikmah chiang a le nang a pan a mungei dia ka kikoih louh na hon khak tel” chi in Chingnou khitui a hong phul khe zungzung hi.”Ukhual, non itna hichi mai a beithei hia?Ukhau na thuchiamte hichi mai a mangmai dia non chiam hia? Sihtanpha a ding a i gin om thuchiam lai a non et dan,namel tunitan a le ka mitkha a mang lou lai eive aw.... nang a ding a chitna neilou ka hi chih ka kithei a himah leh Itna kon piak sa kalak kik theihlouh ziak in kahon chiam bang a SIHNA pasal nei ka hita hi... ka nung in Khovel ah nong khosa ding a kei ngai a lungleng lou leh kei ziak a thabei vungvung in om ken aw... hiiai leitung ah dawnbang kituak in nun khat in i luaikhawm theikei zong n Thangvan ah nang ding a ka gin omna suah in kon na ngak ding... huai hun bek in hon nial ken aw....” hon chi a bangmah gentheilou hial in ka kap a .
Chingnou in hon sunzom a..."Ukhual aw...Nang ding a gentheih ka thuakna hon muhpih hile chin zaw khatvei bek ka kipahna ding hilel leh le Ching ei kon ngailua hon chi ut sam ding hichin a maw.....Khatvei bek nang ngai a ka kahna ka luan khi na khut bek a hong nul sak ding a kon ngetna bang dia khatvei bek non Aw tel louh a...?Nang ngai in sun le zan ka mau a nang a pan dawnna mukei mah leng ka nu kapa leh hon deihsak tute hon dawn na hon ngailou ngai a nelou dawnlou a na om pha tuamlou ahi...khat vei bek Ann ne in hon chih uh na zui kha hileng zaw...na kamsiam bek ahizong a dam a kikum a kihou thei ding hi hang a maw....Ukhual, kon itna ziak a kon thuchian zui a SIHNA ka pasal a na nei ka hi a ka kipak veve….. Ukhual ei, hichitel ding in bang dia ka kiang a thuchiam na hon bawl se a? Nang kei hehpihna neuchik bek hon neilou maw.....” hon chi a gen ding kathei kei….. "Ching, kei hon itlouh a hikei a ikal ah thusia lengte kana chet louh ziak ahi....Hon ngaidam in la na taksa hongluah nawn mai ve..." chi in Chingnou hingthak nawn ding in ka ngen a,,himah leh Chingnou in "Ukhual,Nang ngai in sihna in ka tung ah vai a hawm a,ken hihtheih ka nei nawn kei...Nang ngak in a kha a sim sihsual in ka om a khatvei bek na hon veh kinem in Sihna kha keihong pidia hong kuante kana nolh gige a..Ka Ukhual toh khatvei bek hon kimusak ding in ka na ngen gige hi...Nang kon muhkhak leh chi in na min kalou a hon dawng ding omlou in kahna in hon buak zel hi....Leitung ah i kiteng kei zong a Pialgal gam ah dawnbang kituak ding in haibang kon ngaik ding....Ukhual hon ngailua ka hi aw...." Chi in ka it luat Chingnou in mite gen Pialgal gamnuam a hon na ngak ding in hon paisan ta hi.......
CONCLUSION:
Huchin khelah lengle khelah theilou in ka Itluat Chingnou in hon paisan a ken bel phal lou in "Chingnou...Chingnou..." chi in ka sam a himahleh Chingnou in a khut hon vei laplap in "Ukhual,nang a dia si ka hi a ka kipak thouthou....Pial gal ah dawn bang kituak ni aw..." chi in muh phaklouh in hon len mangsan ta hi….Huchi in....khua kon phawk a mipi tampi in kei hon buaipih in a na tu kheukhou ua...Ka kiang chin Nu Man (Chingnou nu) tu in "Khualpu, Chingnou mel a kon muh ding neive...nang hial in le hon paisan keive....Kei hon khual hetlou uh maw..." chi a kahtam lou ka zA a...Ka mit hak in "Nu Man...bangmah ka chikei...kap nawn ken..Chingnou in kei Pialgal a hon nangak ding a hi...Hiai mun ah dawnbang kituak kei mahle ung mite gen pialgal gamnuam om taktak ahih leh huai ah singdang englou in laitual leng in nun khat in ka luai khawm ding uhi..." chi in Nu Man ka heh nem hi.Nu Man kiang ah thil om dan ka dong a Nu Man in "Khual, na nau in(Chingnou) na laithon muh ni a nei ngeikei a alaithon ding na kikhak na gige uh na lawm Sonpu kiang ah niteng na laithon muh kinem in a vakan zel ahimah leh muh ni a nei ngeikei...A man le Sonpu tungtawn mah in kal teng in hon itdan leh hon ngaihdan gen na laithon hon khak gige a... (.Nu Man a kap a) ngaihsakna lai nang apan a muh louh chiang in chimoh lua in Nang kiang a thil om dan dong a hong hoh a sawm a himah leh ka phal kei hi.Huchin...khatam khop nang a pan laithon khat bek muh kinep in kinepna toh a khosa a nikhat tuh Sonpu hongpai a laithon nang a pan hon pia a Chingnou kipah dan gentheih vual ahikei..Himah leh nang khenna lai a hih tak in khophok lou in a puk a tunitan lupna tung a pan in a pai khe ngei nawn kei..”.Nu Man khitui in ka mai hon tak keuhkeuh a....Kei hihkhelh ahih lam ka kiphawk thak thak a Chingnou kei thah bang in ka kingaih tuah hi.Ka kiletsakna suk lou in Chingnou engbawl tak in khenna lai pekei leng tua si lou ding bang in ka ngaihtuah a sih suk mai ka ut hi...lah a hithei tuan kei a…..
Huai hun in Ka lawmhoih kei din mun a ding diing hial a le ka muan mahmah Sonpu hong pai a pasal kah tak in hongkap a Nu Man, Lawm Khual kei ziak vek ahi nang hon ngaihluat ziak in kei na lawm hon nuam tuamlua a hun ka neihteng un ka kithuah ua nangthu kikum in hun nuam kazang den uhi.Huchia Chingnou in nangziak a kei hon nuamtuam na pen ken Chingnou in hon ngaidn a koih in kei a ding a tan ka na sawm a...na laithon te uh Keikiang apan paikhesak lou in ka kem hoih zel hi....” chih leh Chingnou hon khak te leh kei khak a na kepteng hon lakhia hi...Sonpu in hon sumzon a..." Nikhat nang pan in Chingnou laithon ding ka mu a ka sim leh kikhen na lai ahih ziak in sawt le kem lou in ka va pia a...Chingnou kei a hita ding chi in ka kipak mahmah hi.... Himah leh Chingnou nang ngai in lupna ngak in a om a kisikna ngen in ka dim a...thil om dan hon gen ding lah ka kisuanglah lua a hong hoih ding sa in tunitan ka ngak hi...Khual aw, Lawm gin omlou na omna leitung a om tak ka hi kei..hon ngaidam in...” chi in a khut a damdawi a na toi guk thakhat in a dawn a sawtlou in tuanglai a puk in hon mual liam santa hi.Sonpu, hon ngaidam loding hing a maw tua kei Chingnou lah omlou ka lawm hoih nang lah om lou chi in phon halh ka sawm a hitheilou in Sonpu sihna hanmual hon liam san ta hi.Aw na hina maizen e.....Tanglai miten a na gen minthang uh Sangak palai chih nang nei ve maw chih louh ngal bangmah gen ding thei lou in ka It mahmah Chingnou taksa vuiliam ding in Haan lamzuan in mipite zui in ka kuan khia hi...
Beita....... :)
[from Zogam.com Facebook Group Doc]