Skul kailai chi hauh le, Class IX a Hindi ka test na khat hon gen cheuh di ka hi, kuamah kia gen sawnlouh dia. CBSE Affiliated ten Hindi Compulsory Subject hi taangpi deuh hiven, BSEM apat va lut te a din haksa kisa lawlam ahi. A Hindi Literature, Grammar, etc. Bu thum bang kitawi zawmah. Manipur Board a bu khat keleu tawi toh kibang talou.

Khatengly a exam kinei veu - simthei niene sam, a meaning thei tuanlou. Test dek chia chu alou theilou a notebook kaak sam, et a et thoh. Full Mark 20: Passi Mark 9, hiai kidelh tengtang gige chu hipeuh mah in.

Examination hall ah… A tawilam in igen di chaw!!! I know all the Questions; not the Answers. A front page beek gelh dim samlou a piak kha kisuanlah huai ahih chia, gelh dia kon kisak taktak chu akoi a taimang vek uh ahi diam- gelh di a vaang tel. Blank answer sheet submit chu ki-awi huai samlou ahih chia, Vai film minte baan gelh sukmai di hia chih bang lungsim a om maita. Bangbang ahizongin panpihtu di vaila gal zaak cheuh di bang omleh hoih di hia chi vungvung tamai. La theih sunsun leh a film minte uh answer a hel checheuh awle chih leh a Spelling adik khukkhak theih le omlou lai- Hopeless le om keithou. Time bei kuan in chu a front page(own words + question te hei danglam toh) gelhdim zou sam. Hindi theih teng khat lel le maihlou a gelh-I’ve invested all my Hindis.

Guruji in grace mark or grace question chih zawk di hia?!? “Apka pitazi ka naam kye hye?” chih on set tel- Nuamlua hina maizen ei!!!! Kin deuh mai in ka gelh zet hi. Sure Shot answer theih om sunsun, answer teng lak a sure pen a ka koih ahiziakin lungmuang mahmah pheuphau hi. Question dangte a answer a ‘Ky Ongki’ chih bang zang munfiit, answer te simthak kiik ngamlou. Bangziakin? Chizau huaisa top…. Kisiam tan theilou :Ha#3

One week later- class room ah Guruji in answer paper hon homta…trentrenn.. Hon samkau in chin, “Napa min ka theikei na a RAMU chu ahi kei himhim di” chi’n aki awikhiat dan chu mark hon pelou tel hiveh aw Ha3. Bangziakin? “Mera pitazi ka naam Ramu hye” chia gelh ka hih chia. Huaitung eekzam na Pitazi min diklouh ziak a passik nang mark khat keleu in sam a vele. Pa’ min tak chu ka gelh sawm hia Hindi a a spelling sure lou ka hih chia RAMU chisuk ziau-Foo :)

Class X Board Exam Hindi ah Passi Mark 33 chet mumah leng ka kipahna 90% above mute sang mah in a lianzaw. Class XI a Hindi or Math khat zawzaw tel di chi uh, kin deuh a Math tel chet. Chihleh nase thou e, a Text Book sah khiat dan chu Five Finger, formula theih tengteng toh tal khuat zol kekeuh zen a ipang lehle mark Zero Bem VilVel lou dedeuh mu. Principal pan Hindi lamai in hon chi- THIKHE!THIKKHE ! chi’n kumkim bang paita mah leh a chethei chih bang zong hisamlou in Subject khek ziziah. Ka skul history ua amasapen le ka hikha mohkei di.

Jawahar Navodaya Vidyalaya ten ‘Class IX Lateral Admission’ a introduce masak kum uh ahi, ka nu’n Entrance Test bawl in- bangkim a free :-Laibu, Uniform, Skul fi omlou, etc. hoihlua achi uh chi’n hon chialpi mah leh Hindi ka huphulh titen ziakin ka utkei. Form ka Fill-up ngamlouh tak in ka nun ka Pu Hangshing te khat a laithei deuh di chin Form na fill up sak. Behmin(gelh) ngaina mi ahihziak uh le ahi kha di chikmah a behmin a tom hin a sau in hileh ka gelh ngeihlouh ka min bul a “G” na koih tetauh mawk, ka Date of Birth le hoih asak khat na gelh ringot.

Va kuan kei dia test man omlah hilou a chi’n va kuan tou nengnang. Muhkhak ngeilouh Campus lian tawk tak, Class Room lian hemhom, Black Board lian pipi leh Bench mi nih tut theihna chetchet te noptuak sa. A test lah tam, Meitei telawi a nu leh pa te utoh hon kuan zeen uh. Khaih! thilhoih khat ahi di e chihsim thak in om, ut tuak law lutlut ua. Eah! Entrance Test ale Hindi Portion om alai ve-  multiple choice answer ka tick ding te ka Ingki Pongki khit vek zoh in ‘Write an essay on Telephone’ chih om in chin ‘Mera nam telephone hye’ chih chauh ka gelh reuhrauh hiven.

Si leh Naam a Class XII Board exam chu Hindi as one of my subjects a passi khedom sam, with 50 above mark~Jindabat! Jai Hind!

DhanavaaD!