Protest against the three bills/ Coffin March to Parliament Brief Report:
New Delhi dated 09/12/2015 (Wednesday): 1:00pm. 100th Day of Protest:
Tuni Jantar Mantar a relay Protest Nov. 4, 2015 a ana kipan tuni a ni 36 ni hita hi. Hun patna di'n Pastor in thumna nei a, Program highlight in zui. Jantar Mantar ah Protest nei pawl tuamtuam a pumdim ziak un i ki-organised dan nawngkai mahmah hi. Tuni program ah mi poimoh tuamtuam tampi hong tel uhi. Political parties tuamtuam apan MP litak hong tel thei uhi. Amaute Pu Tarun Vijay MP from Uttarakhand, Pu Jitendra chaudhary MP from Tripura, Pu Biswajit Daimary MP from Bodo leh Pu Neiphu Rio MP from Nagaland ahi. Manipur apan MP nih i neihte Pu T.Meinya leh Pu Thangso Baite muhphak ding in omlou uh.
Slogan shouting ngaihtaktak a kinei in Jantar Mantar mun ah hun masa kizang hi. Jantar Mantar ah mi asang a simte Justice deih in kikou zuazua uhi. Hiai hun ah Pathian phatna (English) in kisa a, mipite: Naga, Kuki, Hmar, Zomi, etc. chia kikhen tuamna om hetlou in kitel hoih chiat a theih ahi. MP li hong tel te'n thugenna manpha taktak hong nei chiat uhi. Media coverage hoihtak leng Media tuamtuam Aaj Tak/India Today tel in hong nei uhi.
3:00pm vel in Pathian kiang a thumna nei in Jantar Mantar ah Program hun masa kipan hi. Banner lianpipi zalh in placard bangle kilik suausuau hi. Mipi paikhawm kitam mahmah ahihman in volunteer bangle mi 80lam kizang hi. Hon awlmoh MPte thugenna kingaikhia a, mipi khutbeng leh MPte thu gen khiatte kipahpih a khut liik leh awng zuazuate thawm/husa thupi himai.
4:00pm vel in Coffin 9te Numei pawlte leh volunteer-te makaihna toh ki-disciplined tak in Parliament lam manoh in lampi zuihna kinei hi. Delhi Police-te'n a hon daalpah ziak un saulua pai theilou in kitaang a, slogan ngaih semsem in kisamh hi. Volunteers fel taktakte makaihna in kilemthak zel in, maai a lamdal dia kigingsa a ana dingden Delhi Police-te Barricade masa kiphu paisuak thei hi.
Police Barricade 2na a na khauhsim ziak in hun bangtan hiam kitaang hi. Delhi Police-te toh kinawk/Barricade phutna lam in mi khat hong liampah in Police-te mah in Hospital ah ana pawpah uhi. Kidaalna nasalua ahihman in hospital lut ngai hialkei mahleh a liam ki-om zek hi. Ana madawk /chitak mahmah mi 40vel in Police Barricade ana tawmkan phei ua, amaute Police in ana man uhi.
Hun sawtsim kinantuah nung in Police-te gari lian tung ah pawlkhat kaltou in Banner lianpi takkhe demdom uhi. Huai Police-te gari tung nasan apan slogan bang hon lead zuazua hial uhi. Kitolh tuanlou ahihman in mipi Protester-te a Numei-pasal, upa-naupang chih omlou in Delhi Police-te'n hon manvek ua, a kigawm in mipi 1500 vel Police Station sung ah 40minutes vel hon hentang uhi.
Parliament Street Police Station sung ah kikhopna saulou kizang hi. Pu Romeo T. Hmar MTFD Convenor in Memorandum Pu Pranab Mukherjee, President leh Pu Narendra Modi, PM kiang a kipia ahihdan hon puang hi. Delhi Police officer (DSP?) in ka personnel-te'n mipite tung ah khutkhakna neikha bang om maithei ka hihman un huchibang a omleh poi ka sa mahmah a, hon ngaidam un, chi.
Police Station apan Jantar Mantar ah mipite kipaikhawm nawn in hun saulou kizang nawn hi. Pu Romeo in thupuan saulou hon bawl a, zingchiang in 4 - 8pm sung a ngeina bang a Protest kisunzom ding ahihdan leh maban panlak dingdan zingchiang nitak a kikupna om ding ahi chih hon puang hi. Hun khakna neihzoh in mipite mahni Inn chiat ah kipai hi.
Note: Hiai report kha recollection theih dandan a kigelh ahihman inleh, data /mipi paikhawm zah chihte head count kibawllou ahihman in kibanglou zekzek a om maithei. Hiai MTFD official report ahi kei. Mimal in personal observation based a gelh ahi.
Report by Lian Suantak
MORE PICTURES: https://www.facebook.com/media/set/?set=oa.965943770158397&type
