Lamka ah Electric Prepaid Recharge center hon khiak hi ta.
ZNN | Lamka, 19 August 2015. Tuni zinglam dak 10:30 vel in New Lamka, St. Paul Institute lut touhna bul ah MSPDCL in Prepayment Meter Recharge Vending Center hong khia hi. Hiai Prepaid Recharge Center ahih leh Pu S. Khaikhopau Ngaihte, MCS in hong khia a, hiai center akipan in electric Prepaid recharge bawl theih tak ding hi.
MSPDCL vaisaite gen dan in Lamka khosung ah prepaid meter box 3000 val thuah ta ua, prepaid rate zong bikhiah uh hi. Prepaid rate list a tak khiak na uah a tawm pen 2KW hi a, 2KW pen domestic connection ah Rs 4.60 man a, commercial ah Rs 5.92 man hi (Prepaid Rate List a tuam in hiai thupost toh ki kilh khawm hi).
Lamka khomi in electric power kha khat in 60 lakhs consumed zel a, himahleh department ten 20 Lakhs vel chouh fee akipan mukiik uhi. Hiai haksatna a tuahte ziak un Prepaid connection hah bawl zaw ahih dan uh zong gen uhi.
