NGMF 4th Motivational Programme Zatna Om
ZNN | Lamka, 27 July 2015.
Dt 27th July, 2015 nitak dak 6:30 in NATIONWIDE GOSPEL MUSIC FESTIVAL saina in The 4th Motivational Programme, Rev Chawnga Pudaite Chapel, Sielmat ah zatna hun om hi. Hiaite hun Pitu in Rev Th. Khuala, Asst Secy, NGMF pang a, Announcers in Ms Baby, Dr Sangching, Ms Bliss Lhingboi leh Ms Ruthy-te pang uhi.
Biakna leh Phatna hun NGMF Praise & Worship Team in makaih ua, Rev HB Hluothang, SBC, Principal (Rtd) hun gonna thumna nei in nuamtak a program zattouhna om hi. Pu James Pakhuongte maikaih in Halleluiah Chorus 1000 Voice-te'n kituaktak leh siamtak in Halleluiah Chorus sakna nei uhi. Vaidawn thugenna Rev Zothanghrim, Event Coordinator in a genzoh in Evan Suongkholien Gangte makaih in mipi thumkhomna hun zat Hi nawn hi.
Paikhom mite akipan in thohlawm kaihkhop hi a, hiai thohlawmte' Rev Jonathan Pudaite, Registrar, TCS in latna nei in, hiai a piakkhop sum-le-pai tengteng NGMF Fund a zat hiding hi. Mr Lalnghaisan Intoate, Secy, NGMF in secretarial report a piakzoh in Pu T Thangthuam, Chairman, NGMF in Thu saulou Genna hun zang hi.
Hiai NGMF 4th Motivational Programme zatna ah thugentu in Pu Lunminthang Haokip, IAS, CCpur pang a, Pathian thutak manpha tak amah akipan in ngaihkhiatna om hi. Pu Ginzakham, Music Director, NGMF in kipathu genna a neihzoh in Mr V Biaklal, EBC makaihna toh Halleluiah Chorus 1000 Voice-te'n akipan Halleluiah Chorus ngaihkhiatna om nawn in, Rev Joshua Lalthazuol, Lecturer, SBC in hunkhakna thumna nei hi.
Hiai hun a lapawl sate ahih uleh:
EBC Lamka North Division Choir
KBC Choir B Vengnuam
Host Choir
MELC Choir, Simveng
ECA Bijang Choir
RPC Synod Choir
GBA Headquarter Choir
EFCI Central Choir
ZPCS Central Choir
Manipur Area Choir, Mizoram Synod
Rengkai ICI, KTP Choir
Rengkai EFCI, KTP Choir
EOC Central Church Choir, Hill town
EFCI Central Choir
Hiaite banah, mimal a lasakna neite ahihleh:
Ms Hatmuanting
Ms Nemy
Mr James Pakhuongte
Ms Tracy Ngaihching
Ms Daisy Khawbung
Mr Lenchung
Ms Gloria Lalmalsawm
Mr Mungbawi Neihguk
Ms Lalengvari Sinate
Hiai program zatna hun ahihleh ICI leh EFCI Kristien Thalai Pawl, Sielmat Unit-te intekna a zat in om hi.
Zogam.com News Network (ZNN)
