Zomi Innpi Honna leh Flag kaihpalhna neih in om

New Lamka 20th February 2015: Khovel munchih a Zomi te tenna teng ah Zomi Nam Ni lopna om ding a, India ah Zomi Nam Ni main programme Lamka ah tu zingsang dak 7:30 AM in zat pat hi ta hi. Tu zingkal dak 7:30 in Zomi Innpi honna program New Lamka ZC Veng ah neih in om hi. Hiai hun ah Pu KG Tungnung, Gen Secy Zomi Council in keynote address na nei a, tua zoh in Flag kaihpalhna leh Zomi Innpi honna President ZRO Pu Thanglianpau in nei hi. Pu Thanglianpau in thu a gen zoh in Rev Dr. Sut Khan Thang, Executive Secy, CBA in Pathian kiangah latna nei zom hi. Pu K. Guite, Adviser ZRO in thugenna a neih zoh in Pu LB Sona, Assembly Chairman, MBC in kipahthu gen in hun khak hi. Hiai hun a phamsa Zomi Lamkai masa ten sunna hun zong zat in om hi.

Sun program YPA Hall, Hiangtam Lamka ah dak 10:30am in neih in om ding a. Hiai hun ah Chief Guest dingin Pu Rishang Keishing, Former CM, Manipur hi ding a, Chief Host din Pu Thanglianpau, President, ZRO pang ding a, Nam Ni pa dingin Pu P.S. Haokip, President, KNO leh Functional Guest din Pu Phungzathang Tonsing,President Minister (Health & FW/GAD, CADA) pang ding hi. Hiai hun a mipoimoh tuamtuam akipan thugenna leh lasa siam tuamtuam ten program hun sung ah zaila in awi ding uh hi.

Nitaklam dak 2 in Lamka Public Ground ah Zomi Nam Ni Football Final program neih in om ding a, hiai hun ah Lenlai Club leh Lamka Sports Club te ki mawl ding uhi. Hiai hun a thugenna tuamtuam leh lasakna hun zong om ding hi.

More pictures: https://www.facebook.com/media/set/?set=oa.809241375828638&type=1

Zogam.com News Service.