Zomi Idol India 2015 Zatzoh hita
14th Feb: Tuni nitaklam dak 2:30 akipan Zomi Idol India 2015 thupi tak a zatzoh in omta hi. Hiai hun ah Top 10 teng in la 4 chiat sa in siamtak in kidemna nei uhi.
Top 10 lak a kipan siam tungtuan mi 3 telkhiat hi ua, amaute lak a Top 2 tegel Global Zomi Idol a tel ding in tukum June/July in USA paiding uhi.
Zomi Idol India hun sung a Judges/Endiktu a pang te ahih leh Benny Khongsai, V. Siampu, LL Muona, Stephen Mang leh Mimi Khaute ahi uh. Endiktu ten a nuai bang siampen hihna latute telkhia uhi.
Chingngaihlian (Idol no 38) d/o LK Mang & Dimzaching, Vengnuam, New Lamka in khatna la in Zomi Idol India 2015 title piak in om hi. Kipahman in Scooty khat Chairman, ADCC khut a pan sang hi.
Lawmnakim (Idol no 49) d/o Edward TC Hrangate & Biekhlun, Light House Lane in Zomi Idol India 2015 nihna la in Refrigerator sang hi.
Tracy Ngaihching (Idol no 22) d/o Soizalian & Lamneimoi, Headquarter Veng in Zomi Idol India 2015 thumna la in LCD TV sang hi.
Zomi Idol India tel ten hamphatna tuamtuam a nuai bang a sang lai uh hi:
1. Top 3 ten All india radio, Ccpur ah Approved artists hihna mu ding ua, laa saktheihna contract Lifetime a mu ding uhi. Hiai contract pen Programme Executive, All India Radio, Churachandpur Pu Mr. Chinkhanlian Guite hon saisak ahi.
2. Video music thum, top 3-te uptown media ten sponsor ding ua, Audio pen Dr.Liangoumuan in sponsor sak ding hi.
3. Top 3-te The Lamka Chronicle leh Huihchim magazine-te ah cover page in tuang in sponsor sak hi ding uh.
4. Shinlung house of Design, Rengkai road inle top 2-te dress special in sponsor ding uhi.
5. Saulim restaurant leh pasikhawm Hotel ten special dinner top 3 te sponsor ding uhi.
6. Lamka photgraphic service tenle top 5 tan Free special photoshoot bolsak ding uhi.
7. Omega Laboratory tenle top 2 tegel USA apaima uh free health check-up leh test neihsak ding uhi.
8. Zogam Artists Association (ZAA) inle TOP 10 teng Full VDO Album khat sponsor/bolsak ding uhi.
9. CREAtiVE Photoshop, New Lamka , Mr siamkhanthang inle Memento tengteng hon sponsor ban ah top 3 te lim le athawn in honsop sak lai ding hi.
10. ALPHA TAILORS, New Lamka, zion veng inle Top 10 te dress leh akhui FREE in hn sponsor lai uhi.
11. IKON SALON, Synod supermarket tenle top 10 te make up ban ah , top 5 te special fotoshoot chianga Free in hon cheisak ding uhi.
Zogam.com in Zomi Idol India Top 3 teng congratulation khak a, tua banah Zomi Idol India saitu te fel sa mahmah ua, Judges te le participants teng kipahpih thu khak uhi.
ZOMI IDOL INDIA GRAND FINALE PICURE GALLERY (152 photos): https://www.facebook.com/media/set/?set=a.10152764974878915.1073741831.156582853914&type=1
