Mi 1 Vuakna Toh Kisai In K Zou In Ngaihdam Ngen Din Gorkha Rifle-te Ngiat

Singngat leh Lamka kikal a Muallum CI Post a om 1/11 Gorkha Rifles ten apaisa May 9, 2014 sunma dak 10 vel in Civil Army pension Chinjapau (48) s/o Tongzakham of Singngat tulel a Kamdou Veng a om a ziak omlou a asoisakna ziak un tunitak dak 5 in Khamchinpau Zou @ K Zou in amah tenna inn Zoveng ah press meet sam hi.

Aman a genah ah, Muallum CI Post a om 1/11 GR ten HDFC bank ah sum alak ding chiang un Singngat leh Lamka kikal a service Zehova Zire Bus Driver Soson kiangah ama utna tellou in namphu in ATM 6/7 vel pia in sum lakkhiat sak din sawl zel ua, himahleh amah ATM a sumlakhe dia ki line manlou ahihziak in HDFC bank guard Chinjapau sawlsawn zel hi. Khatvei a sumlak uh kimlou chi'n Driver kiang ah theisak ua, driver pan leng a a mi sawlpa GR te mudin sawl a amah leng Muallum ah vahoh hi.

May 9 zingkal dak 10 in Muallum a GR te kiang tungphet bangmah genlou in CHM makaih in sepaih 4 vel in kivuak huan uhi. CHM in ka sum uh Rs 20,000 lakhia na hi chi'n ngoh a, huchi dan sum lakhelou ahi chin pang a, a sumlakkhiat teng hoihtak a pezel ahihdan gen hi. Chinjapau khe langnih AK Rifle sialphei in tatsak ua, a kheguh leng nasa tuak in Singngat Hausapu gari hire in Lamja tun uhi.

A nak leh a khe na asak ziak in tuni'n Casualty ah ensak ua, Casualty a Doctor duty in bangmah chilou chi a, himahleh Chinjapau in na asak luat ziak in admit theihlouh ding hiam chi a anget tak un, Hotel na sa uhia chi'n Doctor in dawng hi.

Hiai tungtang a Manipur singtang mite vengbittu dia hongkuan Indian Army, AR, GR leh Sikh Regiment te'n hiai bang ahih uh singtang mite nelhsiahna leh muhsitna ahi chi hi.

K Zou in Brig Chanhen, GR kiang ah complaint bawlding a, ni 2 sunga GR te'n ngaihdam a ngetkei ualeh Delhi a tunkik chiang a Supreme Court of India ah Public Interest Litigation (PIL) Atrocities of Army in NE case FIR bawl ding ahihdan gen. Aman Sambu Singh, Joint Secy, North East In charge, MHA mobile tungtawn in thuzak a, aman leng hiai thu a panla ding ahihdan chiam hi.

Zogam.com News Service.