Tulel a Banaras Hindu University (BHU), Varanasi a Assistant Professor sem Pu (Dr.) H. Kham Khan Suan in tukha August 12-13, 2012 sung a University of Hyderabad (UoH) a Associate Professor interview a neihna ah lohchinna ngah hi. Aman tunung sawtlou in BHU apat ki-awngsut in amah subject mah sinsak ding in Department of Political Science, UoH join ding hi.

Dr. Suan ahihleh Zomi sung a research scholar minthang mahmah ahih ban ah tuma sawtlou a India a reserach scholar minthang penpente kituh gige Fulbright-Nehru Postdoctoral Research Fellowship, 2012-13 ana ngahzou khat ahi hi. Hiai Scholarship pen September 1, 2012 in kipan ding a, hiai tungtawn in University of Pennsylvania, Department of Political Science ah siamsinna sunzom ding in September 7/8 lakvel in United States lam zuan ding chih thu kiza hi. Hicihbang further studies a paina ding in le University of Hyderabad in appointment a piak toh kiton in leave le pe ngal chih thu kiza hi.

Zogam.com in pu (Dr.) H. Kham Khan Suan sepna muh thak kipahpih petmah hi.