Tulai Assam a Bodo leh Bengali Muslims te kal buaina ziak a khopi tuamtuam a bik tak a Bangalore, Pune leh Hyderabad a North East mite in thil nuamlou pi a tuah lai un, ei te hoihna ziak hi tuanlou in, Toupa hehpihna hang bek in a bik in Delhi a om te tutan ah lauhthawnna apat in ven in i om uhi.
 
Hichi bang vengvung lak ah Dr L. Lam Khan Piang in le Asst Professor, Centre for the Studies of Social System, Jawaharlal Nehru University, JNU, New Delhi ah Assistant Professor sepna offer mu hi. Dr Piang in le tuni mah in acceptance va pia hi in thu kiza hi.
 
Tangnuam kho suak Dr Piang in tulel in National Institute of Health and family Welfare ah Assistant Professor semlel a zi leh tapa toh NIHFW campus ah khosa lel uhi. Amah Delhi a Zomi society a dia khuampi ana hi ngitnet a,tulel in le Zomi Human Rights Foundation, Delhi cell ah Chairman nna lenlel hi. Hiai bang a i nam leh gam a dia mi poimoh khat in sepna University minthang tak a hon muh I kipahpih mahmah mai a,kipah thu i puang hi.
 
Kha masa zek ah JNU mah a Mercy Vungthianmuang in German Centre a Asst Professor hon muh zoh, Miss Vungmuanching in Shivaji College, Delhi University ah  Asst Professor English subject a hon muh toh Toupa min a phatphat di te hi hang.

To God be the glory.
 
Gin om in
 
Lun Khuptong
New Delhi
21.08.2012