CDSU election zawh hita:

President di’n Lalkhohao telching in om

CCpur Govt College a Students’ Union office ah tuni July 17, 2012 zinglam dak 10.30 in CCpur District Students' Union (CDSU) 2012-14 term sung a vaipaw thakding telna (election) om hi. Huai ah President, Vice President leh General Secretary telna neih hi a, nomination file omlou in proposed system in election om hidanin thutut kingah hi. CDSU nuai ah constituent unit 9 om a, unit khat in vote 3 zel nei hi. Secretary ah invalid vote khat om.

President candidate -te:

L Pumkhenchin (CSA) – 9 votes

Lalkhohao Chongloi (TKSU) – 18 votes (Elected)

Vice President candidate:

Joy Vaiphai (ZILLAI) – Un contest (Elected)

Secretary candidate-te:

Ginzawmsang (MZP) – 15 votes (Elected)

Immanuel Pulamte (HSA) – 11 votes

CDSU President dia telching thak a om Pu Lalkhohao ahihleh term lui a President lenlel ahi a, aman a baih theipen in cabinet expansion bawl hi pah ding chi hi.

Pix courtesy: Em Tangpua @ Zogam.com FB