M.Gouzamang Guite, EM, ADCC leh Pawan Hans Officialte meeting; CITOS te ADCC in Parking mun thak pia:
Lamka: Zan, 23rd Aug.2016 nitaklam 4:PM in Pawan Hans te Corporate office, Noida, Gautam Budh Nagar, Utter Predesh ah Pu M.Gouzamang Guite, EM, ADCC leh Pwan Hans official te a 3veina ding in meeting ua , Lamka to Aizawl Helicopter Service ding vai genkhawm uhi.
Hiai hun ah Pawan Hans sik-le-tang in Pu Gyan Prakash, Sr.Manager (Marketing) leh Pu Manish Rokade,Jt.General Manager (Marketing) te pang uhi.
Hiai meeting ah Lamka to Aizawl kikal a helicopter service a poimohna, passenger expectation, hun lut di dan leh bang chi bang helicopterte hoih di hiam chihte kikum uhi. Huai ban ah kal khat a ni bangzah service ding, a rate bang zah hi ding chih khawng le houlim uhi. Thuoukna kichian bel om nailou hi.
Helicopter Service a piantheihna ding lampi nih om hi. Khatna ah, Ministry of Home Affairs, Govt.of India in subsidy a piak theih di dan om a, hiai bang facility a zattheih leh a tuanman bang leng hong kiman zaw deuh ding hi. North East ah Assam leh Manipur chih louh State dangteng in Pawan Hans Helicopter Service nei vekta uhi.
Huai ban ah home ministry clearance la sese lou in leh subsidy claim se lou in le operation pat theihna lam pi leng om veve hi.
Pawan Hans officialte hiai vai in tu nung zek chiang in official meeting nei ding ua, huai meeting na ah a piantheih di dan bang lampi hoih pen hiam chih kikum ding uhi. Huai zoh chiang in M.Gouzamang Guite, EM, ADCC toh kimu nawn ding uhi.
Thudang khat kiza dan in i lamka khosung thoven zawk di ngim na leh Churachandpur - Imphal Taxi Owners Society (CITOS) ngetna bang in Executive Committe, ADCC in Pu M.Gouzamang Guite EM (Town), ADCC mohpyakna pia in CITOS te paeking min di enkhe dibg in sawl uhi. Huai toh kiton in Town Office, ADCC leh IB Road - Tipaimukh Junction kikal etchet a hih nung in Pu Henlianthang Thanglet, CEO, ADCC in huai mun pen winger parking thak ding in Temporary Allotment pia hi.
Pu Thangkhosuanmung, Chief of Hiangtam lamka and EM, ADCC in a khosung a parking thak om ding tohkisai a lemsakpihna a piak ziak in Pu.M.Gouzamang Guite, EM, ADCC in press tungtawn in kipahthu gen hi.
Winger te'n Parkingthak a zat chiang un khopi sung awng thawl tuam mahmah ta ding hi.
