LAMKA, LET’S BOKEH!

I nampuante uh kepbitna, ngaihnatna, tawisanna kia hilou a, zat seem ahihtheihna diing in lam tuamtuam ah Paite.org in ahihtheih khomkhom in pan ana latou ngiitngeet hi. Tua mah kalsuanna in ahong tung diing 21st June 2015 in event, LAMKA, LET’S BOKEH! kichi sai sawm hi.

Hiai ah kicheina (dress nampuan design) a ki-ngah dungzui in a silh diing mi phatuamngai zon hi diing a, himahleh, nidang a saang a kalkhat suanna diing ngiimna in cameraman/photographer diing sehtuam omlou in open a sai sawm ahi hi.

Huai toh kiton in Paite.org in Camera nei, ban ah, limlak lam a lunglutna nei, atel nuam peuhmah ki welcome hi. Huai diing in form khat kibawl a, date 19th June 2015 tan in Lamka Photographic Service, Synod SuperMarket, Tedim Road Lamka ah ngahtheih diing hi.